梳爾極速回歸訓練 摩帥都嚇親
講態度，曼聯總係有非常出色嘅球員，上場友賽就有一位球員放棄哂成個暑假，用盡方法令自己維持良好狀態，目的只有一個：可以為下季曼聯上陣。佢就係上季受重創嘅梳爾。佢喺對韋根嘅比賽上陣45分鐘，摩帥賽後講到佢都話梳爾的表現令人難以置信。
佢咁講：「我喺訓練場上見到梳爾都嚇一大跳，因為我一開始以為即使係有限度嘅訓練佢應該都未準備好，不過佢確實做到咗。原因係佢犧牲咗佢嘅假期，日日都喺訓練場，令自己可以保持狀態。當然佢無之前咁sharp，亦無以前咁有信心，不過咁絕對係正常事情。我見到嘅係梳爾好努力。」
45分鐘對梳爾而言係唔係極限？摩帥話佢絕對有體能可以打多啲時間，不過呢個時候無必要去到咁盡，無謂冒不必要的險，要一步一步令佢回復狀態。不過大家可以放心，因為曼聯中國之旅應該都可以常常見到佢，因為摩帥已經講明無練過嘅人佢唔會畀太多機會：「基本上我會在中國用對韋根嘅陣容比賽，因為呢班球員都訓練咗10日。朗尼、拉舒福特、史摩寧等人無訓練過就會飛去中國，我應該唔會點畀佢哋上陣。」
可能係餓得太耐，球迷們都對摩帥好熱情，連摩連奴自己都嚇親：「對我而言，一場友賽我竟然得到猶如打緊英超關鍵賽事一樣嘅熱烈支持，真係好難以置信。不過老老實實，我寧願大家將熱情留畀球員、留畀球隊、留畀曼聯。佢哋先係上場嘅人，佢哋先最值得掌聲，我只係跟住佢哋嘅最後一個人。」狂人呢一番說話，真係幾入耳架！而賽後佢同大家講，球員已經開始轉向佢想要嘅打法，亦開始有佢想要嘅效果，話大家要keep 住努力咁話！
佢咁講：「我喺訓練場上見到梳爾都嚇一大跳，因為我一開始以為即使係有限度嘅訓練佢應該都未準備好，不過佢確實做到咗。原因係佢犧牲咗佢嘅假期，日日都喺訓練場，令自己可以保持狀態。當然佢無之前咁sharp，亦無以前咁有信心，不過咁絕對係正常事情。我見到嘅係梳爾好努力。」
45分鐘對梳爾而言係唔係極限？摩帥話佢絕對有體能可以打多啲時間，不過呢個時候無必要去到咁盡，無謂冒不必要的險，要一步一步令佢回復狀態。不過大家可以放心，因為曼聯中國之旅應該都可以常常見到佢，因為摩帥已經講明無練過嘅人佢唔會畀太多機會：「基本上我會在中國用對韋根嘅陣容比賽，因為呢班球員都訓練咗10日。朗尼、拉舒福特、史摩寧等人無訓練過就會飛去中國，我應該唔會點畀佢哋上陣。」
可能係餓得太耐，球迷們都對摩帥好熱情，連摩連奴自己都嚇親：「對我而言，一場友賽我竟然得到猶如打緊英超關鍵賽事一樣嘅熱烈支持，真係好難以置信。不過老老實實，我寧願大家將熱情留畀球員、留畀球隊、留畀曼聯。佢哋先係上場嘅人，佢哋先最值得掌聲，我只係跟住佢哋嘅最後一個人。」狂人呢一番說話，真係幾入耳架！而賽後佢同大家講，球員已經開始轉向佢想要嘅打法，亦開始有佢想要嘅效果，話大家要keep 住努力咁話！