曼聯專區小評：馬達無運行了…
唔知大家有無睇呢段「普巴與摩連奴的曼聯藍圖」呢？如果有，筆者可以同大家講呢段係續集XD買人就買咗喇，4大目標齊哂章喇，咁下一步係咩？當然係離別，即係賣人啦…而咁多個球員當中，筆者就最擔心就係馬達...佢同摩帥的關係固然係個問題，而更重要係佢嘅比賽風格同摩帥希望引入曼聯嘅風格好唔同。
先係上篇提到嘅「硬」。筆者提過，曼聯的新4簽都有一個共通點，就係非常的硬淨，撞得而且好有侵略性，而呢個就係摩帥希望曼聯有嘅新面相。只係馬達畀大家嘅感覺偏偏就係唔撞得，細細粒身型麻麻，好多時畀步大力雄的對手一推就跌，呢個就係馬達最大的弱點。而上季馬達發揮唔到最好的水準，好多時都係因為無人支援佢，要佢單打獨鬥，於是速度唔高、亦無咩突破能力、無咩盤扭能力嘅馬達往往就咁被對手搶走腳下球。對於新曼聯而言，佢嘅位置上朗尼、米希達利恩、普巴都可以取代，實在令人有啲擔心…
而另一方面就係「傳」。馬達最攦家嘅，一定係佢嘅傳送能力，交波準繩而且可以有重大的威脅。只係即使呢一瓣，馬達都唔係摩帥杯茶，因為佢為人實在太小心、太謹慎了。因為佢安全至上，如果一記向前交的傳送唔太安全，佢會選擇繼續控球在腳。如此一來，比賽的速度、節奏都會慢落嚟，而呢個好明顯唔係摩帥要嘅。佢要嘅係勇者無懼，無時無刻都以殺入禁區為目標的進取型球員。所以馬達呢個會慧型打法，喺佢眼中都唔足夠令佢留低。
最慘係，摩帥一向喜用跑動多、攻防兼備的球員，大家睇佢有幾鍾意普巴就知道。就連之前佢嘅愛將馬迪都係擅攻擅守；更一度因為夏薩特防務做得不足而公開批評，間接引起更衣室內對摩帥嘅不滿升溫。馬達係就係勤力，跑上跑落非常落力，只係論守備力一定唔會夠普巴嚟，而佢嘅防守不足亦一度得到摩帥的指責。加加埋埋咁多唔夾，馬達喺曼聯的未來真係凍過水……你話佢走唔走？其實走，可能對佢更加係一件好事…
先係上篇提到嘅「硬」。筆者提過，曼聯的新4簽都有一個共通點，就係非常的硬淨，撞得而且好有侵略性，而呢個就係摩帥希望曼聯有嘅新面相。只係馬達畀大家嘅感覺偏偏就係唔撞得，細細粒身型麻麻，好多時畀步大力雄的對手一推就跌，呢個就係馬達最大的弱點。而上季馬達發揮唔到最好的水準，好多時都係因為無人支援佢，要佢單打獨鬥，於是速度唔高、亦無咩突破能力、無咩盤扭能力嘅馬達往往就咁被對手搶走腳下球。對於新曼聯而言，佢嘅位置上朗尼、米希達利恩、普巴都可以取代，實在令人有啲擔心…
而另一方面就係「傳」。馬達最攦家嘅，一定係佢嘅傳送能力，交波準繩而且可以有重大的威脅。只係即使呢一瓣，馬達都唔係摩帥杯茶，因為佢為人實在太小心、太謹慎了。因為佢安全至上，如果一記向前交的傳送唔太安全，佢會選擇繼續控球在腳。如此一來，比賽的速度、節奏都會慢落嚟，而呢個好明顯唔係摩帥要嘅。佢要嘅係勇者無懼，無時無刻都以殺入禁區為目標的進取型球員。所以馬達呢個會慧型打法，喺佢眼中都唔足夠令佢留低。
最慘係，摩帥一向喜用跑動多、攻防兼備的球員，大家睇佢有幾鍾意普巴就知道。就連之前佢嘅愛將馬迪都係擅攻擅守；更一度因為夏薩特防務做得不足而公開批評，間接引起更衣室內對摩帥嘅不滿升溫。馬達係就係勤力，跑上跑落非常落力，只係論守備力一定唔會夠普巴嚟，而佢嘅防守不足亦一度得到摩帥的指責。加加埋埋咁多唔夾，馬達喺曼聯的未來真係凍過水……你話佢走唔走？其實走，可能對佢更加係一件好事…