加利仔：伊巴嗰隻叫「正面傲慢」
新球季聽日就開始喇！當然除咗睇普巴，仲要睇伊巴啦！社區盾靠佢一箭定江山，曼聯今季入波多少同佢都好有關係！就連名宿加利仔都認為，有佢同普巴在陣的話，曼聯取得聯賽冠軍的機會就會大增！
加利仔咁講：「過去3、4年曼聯在球場上欠缺了身位、欠缺了身份認同，失去咗應有的傲慢同埋欠缺咗可以真真正正成為曼聯傳奇的球員。而普巴、伊巴正正就係有身位嘅球員，佢哋傲慢，而且同歷史上的傳奇紅魔一樣都擁有非一般個性。伊巴對曼聯而言係重要收購，或者佢未必仲喺最巔峰之時，不過球會已經有幾年表現下滑、娛樂性減退，呢啲係曼聯嘅根本，無咗係非常危險嘅。依家有伊巴，就會有一位球員令你無辦法坐定定睇波，因為佢總係每星期都會為你帶來特別時刻。依家曼聯真係好需要呢一種球員。」
咁佢會唔會令一眾小魔無出頭天呢？加利仔認為唔會噃：「我諗佢會幫小紅魔，睇佢踢波就知，佢一攞波皮球就痴腳，而且出錯甚少，拉舒福特等人睇得多一定有得著。年輕球員通常都喜歡行險，而有經驗嘅往往希望控制大局、打法成熟啲。佢哋知幾時控波幾時交波，小紅魔會學識呢啲技術、學識專業足球係點，更重要係學識處理壓力。伊巴嘅光環同影響力喺依家嘅曼聯嚟講，好重要。」
加利仔認為伊巴係一個傲慢嘅人，不過就有住龐大嘅影響力。佢點影響紅魔鬼尚係未知之數，不過傲慢呢？似乎都幾易見到，佢講過「世界盃無咗我仲有咩睇頭？」、「打機時伊巴入波嘅方式你一世都入唔到！」不過呢，佢本人就唔認同自己係傲慢，只係有自信啫：「我只係一個普通人，人哋都話我係壞孩子，對我說三道四，亦好好奇伊巴究竟係點。其實我只係一個住家佬，我好愛我屋企人，只係我去到足球場就會變獅子，僅此而已。我唔認為我係大家口中咁傲慢。呢一種唔係傲慢，而係一種個人優點，我只係有信心、信自己。我有我嘅願景，我為自己付出一切，我努力爭取。呢啲點會係傲慢。」事實係，無返咁上下自信，點會講得出咁霸氣嘅言論，係唔係？
加利仔咁講：「過去3、4年曼聯在球場上欠缺了身位、欠缺了身份認同，失去咗應有的傲慢同埋欠缺咗可以真真正正成為曼聯傳奇的球員。而普巴、伊巴正正就係有身位嘅球員，佢哋傲慢，而且同歷史上的傳奇紅魔一樣都擁有非一般個性。伊巴對曼聯而言係重要收購，或者佢未必仲喺最巔峰之時，不過球會已經有幾年表現下滑、娛樂性減退，呢啲係曼聯嘅根本，無咗係非常危險嘅。依家有伊巴，就會有一位球員令你無辦法坐定定睇波，因為佢總係每星期都會為你帶來特別時刻。依家曼聯真係好需要呢一種球員。」
咁佢會唔會令一眾小魔無出頭天呢？加利仔認為唔會噃：「我諗佢會幫小紅魔，睇佢踢波就知，佢一攞波皮球就痴腳，而且出錯甚少，拉舒福特等人睇得多一定有得著。年輕球員通常都喜歡行險，而有經驗嘅往往希望控制大局、打法成熟啲。佢哋知幾時控波幾時交波，小紅魔會學識呢啲技術、學識專業足球係點，更重要係學識處理壓力。伊巴嘅光環同影響力喺依家嘅曼聯嚟講，好重要。」
加利仔認為伊巴係一個傲慢嘅人，不過就有住龐大嘅影響力。佢點影響紅魔鬼尚係未知之數，不過傲慢呢？似乎都幾易見到，佢講過「世界盃無咗我仲有咩睇頭？」、「打機時伊巴入波嘅方式你一世都入唔到！」不過呢，佢本人就唔認同自己係傲慢，只係有自信啫：「我只係一個普通人，人哋都話我係壞孩子，對我說三道四，亦好好奇伊巴究竟係點。其實我只係一個住家佬，我好愛我屋企人，只係我去到足球場就會變獅子，僅此而已。我唔認為我係大家口中咁傲慢。呢一種唔係傲慢，而係一種個人優點，我只係有信心、信自己。我有我嘅願景，我為自己付出一切，我努力爭取。呢啲點會係傲慢。」事實係，無返咁上下自信，點會講得出咁霸氣嘅言論，係唔係？