蘭尼話「佢」似十足我老逗；摩帥話「佢」叫我記得帶遮！
佢究竟係邊個？又係蘭尼個「老逗」，又畀得意見摩連奴，當然有返咁上下身位啦！奧脫福有條路用佢個名命名；又有個看台用佢個名，同佢一樣咁勁嘅人真係難搵過新星球架！佢係邊個？咪就係爵爺費格遜喇！先聽下蘭尼曼近點講？
「我所有成就都係曼聯畀嘅。尤其係爵爺，我視佢為我爸爸，呢一分鐘佢會狂怒、大罵，不過下一分鐘佢就會摸摸你個頭，然後話講：『囝囝，畀啲力！』一開始真係唔慣架，因為你唔認識佢，亦唔熟佢嘅強硬手法。不過熟悉之後，你就知佢其實係對你好先會咁。我今日有強大嘅意志，好大程度上都係歸功於佢。喺曼聯我會想打多幾場比賽，不過在球會角度而言，尤其在費格遜麾下，我哋好需要輪換。人人都係隊伍一份子，有時我會在大賽中肩負重任，有時要在普通賽事中爭戰，亦有打過盃賽決賽。有時我表現好，有時無咁出色，咁先係足球。不過我腦海中總係出現同曼聯一齊嘅光榮時刻，亦會時時浮現我對強隊時嘅入波畫面。唔止我，我嘅朋友、我嘅粉絲記得嘅都係呢啲畫面，無人將不快同負面嘢記係心上。」
呢一番說話，另一位傳奇都講過，佢就係12年前喺溫布萊「一笠成名」，半場起腳收死咗蘇利雲嘅…佢喇！https://www.youtube.com/watch?v=2K0YpbtDuIU佢點講爵爺當年同佢不和，飛boot同埋炒大鑊？曾經訪問中佢咁講：「其實無大家想像中咁差，咁多年來爵爺對我而言仍然好似老逗一樣。佢帶我入球會，當我仲係小朋友時好好愛鍚我，直到我在球會取得成功，我事業上嘅一切都係佢畀我嘅。佢總係我尊敬嘅人，因為佢畀咗為曼聯效力呢個夢想我。我哋一直都無談論過當年嗰次爭執，當然會有報導令我唔開心，亦當然會有關於我嘅報導令佢唔開心，不過我一直都非常尊敬佢，因為佢係令我夢想成真的人。」
就連摩連奴都會虛心咁聽爵爺嘅意見，而第一個費格遜畀佢嘅意見真係好特別：「爵爺第一個意見，就係叫我『記得帶遮！』真係有用，我一開始以為一定唔會落雨，點知呢.....仲有，佢叫我記得帶酒，因為之後我哋會有好多時間一齊。佢放完假，我哋就會有好多時間喺曼市共聚，而且大家都會好歡迎佢嚟到訓練場。閒時我哋會分享好多個人嘢，朋友事、家庭事、生活瑣事，而佢畀我嘅足球意見尤其重要，因為好多傳奇都係呢行打出名堂，而深愛呢個球會嘅傳奇都會畀好有用嘅意見我。我好尊重佢哋同球會嘅連繫，亦會好好學習同運用佢哋嘅建議。」
睇嚟， 大家都仲好掛住爵爺咁噃！
「我所有成就都係曼聯畀嘅。尤其係爵爺，我視佢為我爸爸，呢一分鐘佢會狂怒、大罵，不過下一分鐘佢就會摸摸你個頭，然後話講：『囝囝，畀啲力！』一開始真係唔慣架，因為你唔認識佢，亦唔熟佢嘅強硬手法。不過熟悉之後，你就知佢其實係對你好先會咁。我今日有強大嘅意志，好大程度上都係歸功於佢。喺曼聯我會想打多幾場比賽，不過在球會角度而言，尤其在費格遜麾下，我哋好需要輪換。人人都係隊伍一份子，有時我會在大賽中肩負重任，有時要在普通賽事中爭戰，亦有打過盃賽決賽。有時我表現好，有時無咁出色，咁先係足球。不過我腦海中總係出現同曼聯一齊嘅光榮時刻，亦會時時浮現我對強隊時嘅入波畫面。唔止我，我嘅朋友、我嘅粉絲記得嘅都係呢啲畫面，無人將不快同負面嘢記係心上。」
呢一番說話，另一位傳奇都講過，佢就係12年前喺溫布萊「一笠成名」，半場起腳收死咗蘇利雲嘅…佢喇！https://www.youtube.com/watch?v=2K0YpbtDuIU佢點講爵爺當年同佢不和，飛boot同埋炒大鑊？曾經訪問中佢咁講：「其實無大家想像中咁差，咁多年來爵爺對我而言仍然好似老逗一樣。佢帶我入球會，當我仲係小朋友時好好愛鍚我，直到我在球會取得成功，我事業上嘅一切都係佢畀我嘅。佢總係我尊敬嘅人，因為佢畀咗為曼聯效力呢個夢想我。我哋一直都無談論過當年嗰次爭執，當然會有報導令我唔開心，亦當然會有關於我嘅報導令佢唔開心，不過我一直都非常尊敬佢，因為佢係令我夢想成真的人。」
就連摩連奴都會虛心咁聽爵爺嘅意見，而第一個費格遜畀佢嘅意見真係好特別：「爵爺第一個意見，就係叫我『記得帶遮！』真係有用，我一開始以為一定唔會落雨，點知呢.....仲有，佢叫我記得帶酒，因為之後我哋會有好多時間一齊。佢放完假，我哋就會有好多時間喺曼市共聚，而且大家都會好歡迎佢嚟到訓練場。閒時我哋會分享好多個人嘢，朋友事、家庭事、生活瑣事，而佢畀我嘅足球意見尤其重要，因為好多傳奇都係呢行打出名堂，而深愛呢個球會嘅傳奇都會畀好有用嘅意見我。我好尊重佢哋同球會嘅連繫，亦會好好學習同運用佢哋嘅建議。」
睇嚟， 大家都仲好掛住爵爺咁噃！