阿古路隨時缺席曼市打吡？
「阿古獸永遠係曼聯迷心中的刺」，呢句說話對於唔少曼迷嚟講都真係幾有感覺，因為有唔少次曼城擊敗曼聯的比賽當中都係由阿古路攻入關鍵入球。嚟緊9月10日就迎來「摩年代」的首次曼市打吡，究竟阿古路會唔會又成關鍵人物？咁就要先睇睇佢駛唔駛停賽喇！事關對陣韋斯咸嘅比賽當中阿古路疑似肘擊對方守將雲斯頓列特（Winston Reid），如果真係秋後算帳的話，10號奧脫福就見唔到佢喇！
哥迪奧拿對事件就不願置評喇：「我睇唔到當時發生咩事，所以我無法評論。希望當時真係無發生過任何事，如果真係發生過，我哋只可以接受決定，並喺可能範圍內盡自己力做到最好。」不過大家又真係睇定啲好啲，因為連槌仔幫自己隊入面都有羅生門，事關領隊比歷都話自己睇唔到發生咩事，亦有話列特無受傷，不過隊中靈魂中場人物麥克盧保就話列特其實有整親，真係唔知信邊個好喇。
人哋大將出唔出都好，其實我哋都係要盡自己力打呢場打吡啦，不過哥帥竟然話自己未睇過曼聯啲比賽咁話：「我真係未睇過曼聯今季的比賽，依家我有10日去準備，去觀摩佢哋打成點。要喺奧脫福贏波真係要表現得好好先得，我可以幻想到個球場氣氛係點，亦好期待親身體驗一下。希望我哋喺國際賽檔期可以無穿無爛返嚟，以最好的心情迎戰曼聯啦。」
提到之後的國際賽，有工作的當然要為國努力啦，無嘅摩帥就決定要畀個假期大家休息一下，一般無國家隊公務在身的球員有2日假，伊巴呢？就有4日咁多！摩帥話佢年紀唔細喇，決定畀佢休息長啲咁話。至於辛辛苦苦的球員呢，就有因傷趕唔切扛歐國盃嘅梳爾！同佢一齊入選9月4日對斯洛伐克嘅，就仲有史摩寧同埋朗尼喇。誠如哥帥所講啦，最好就係大家都健健康康返嚟，到時就算阿古路都返埋嚟，我哋好似對侯城咁上演一場最強對最強，對球迷嚟講都係一件非常賞心悅目嘅事！
哥迪奧拿對事件就不願置評喇：「我睇唔到當時發生咩事，所以我無法評論。希望當時真係無發生過任何事，如果真係發生過，我哋只可以接受決定，並喺可能範圍內盡自己力做到最好。」不過大家又真係睇定啲好啲，因為連槌仔幫自己隊入面都有羅生門，事關領隊比歷都話自己睇唔到發生咩事，亦有話列特無受傷，不過隊中靈魂中場人物麥克盧保就話列特其實有整親，真係唔知信邊個好喇。
人哋大將出唔出都好，其實我哋都係要盡自己力打呢場打吡啦，不過哥帥竟然話自己未睇過曼聯啲比賽咁話：「我真係未睇過曼聯今季的比賽，依家我有10日去準備，去觀摩佢哋打成點。要喺奧脫福贏波真係要表現得好好先得，我可以幻想到個球場氣氛係點，亦好期待親身體驗一下。希望我哋喺國際賽檔期可以無穿無爛返嚟，以最好的心情迎戰曼聯啦。」
提到之後的國際賽，有工作的當然要為國努力啦，無嘅摩帥就決定要畀個假期大家休息一下，一般無國家隊公務在身的球員有2日假，伊巴呢？就有4日咁多！摩帥話佢年紀唔細喇，決定畀佢休息長啲咁話。至於辛辛苦苦的球員呢，就有因傷趕唔切扛歐國盃嘅梳爾！同佢一齊入選9月4日對斯洛伐克嘅，就仲有史摩寧同埋朗尼喇。誠如哥帥所講啦，最好就係大家都健健康康返嚟，到時就算阿古路都返埋嚟，我哋好似對侯城咁上演一場最強對最強，對球迷嚟講都係一件非常賞心悅目嘅事！