曼聯專區小評：捉狐狸的小啟示
調侃係好多人都識做嘅事，尤其係喺朗尼無正選之後曼聯就大勝，畀太多空間各路人馬抽水、挖苦，其實隊長都確是非常悲慘…不是教練亦不是球評家，筆者實在不敢談朗尼最合適的位置，反而想談談幾位球員在朗尼缺陣之下的表現，是否這就是未來曼聯應該走的路？
如果要一句講哂，今場有2個球員支援普巴、解放普巴，令佢可以表現出拉奧拿口中「攻擊中場普巴」的質素。呢2個球員，第一個係「佢」：對曼城佢無正選曼聯就輸波；對屈福特佢無上陣曼聯再輸；對諾咸頓有得打喇，就入一球、助攻一球，中柱一球。唔駛講，對李城一戰就更加有正選打啦！佢就係靴里拉喇！你話如果要有一個球員同普巴夾，筆者會選佢！你可能會話，睇場波佢都係駁腳多啫？好似唔太搶眼？其實佢嘅走位非常廣闊，睇返數據禁區到禁區呢個範圍入面9成嘅地方佢都出現過，傳球成功率達88%之餘，仲穩打穩紮做好防中的工夫。你可能會話佢進攻都好有板斧，不過拍埋普巴的話，佢做好防守正正就可以畀普巴多啲機會上去攻擊。而且佢唔單止有防守力，仲有好強的傳送能力，呢一樣優點解放埋另一位球員。
佢解放嘅，就係馬達。由莫帥年代打右翼、到雲高爾時打右攻擊中場，到上仗對李斯特城打10號位，馬達終於都返到自己老家…無錯，佢無咩速度、又無咩盤扭能力，佢最大的資產就是閱讀球賽能力同埋傳送。有咩方法可以令佢發揮所長？放佢係攻擊中場中位置，用最短嘅路線、一掂波就交波嘅方式去分波派波轉方向、得閒轉身射腳30碼，咁就最能夠用得著佢喇。有靴里拉同普巴喺馬達附近掩掩揚揚、駁下腳，又可以等其他球員走下位、拉空下，呢個傳送模式令馬達發揮得好好。佢上仗90%的傳球成功率就睇得出佢打呢個位幾舒服，而佢入嗰球其實10個場內球員都有掂過波，尤其係佢同普巴、連格特的入楔更加係令人睇到濕哂 (眼有淚光嗰隻)。邊個話馬達無運行？依家佢對比賽的影響力睇落比朗尼真係仲大！
至於另一個筆者想講講嘅，係拉舒福特。25場波入12球，呢位小將真係唔講得笑！佢可以打翼、打10號位置，不過更適合佢嘅可能係中鋒。前曼聯教練麥堅尼斯講過，佢原來好喜歡問問題，問嘅問題令人感到好興奮。佢會問：「你見唔見到阿古路個轉身呀？蘇亞雷斯嘅呢？」麥堅尼斯甚至開始指導佢跟歷代曼聯前鋒學嘢：「最重要就係點樣喺對方守衛身後搵到空位，佢要向雲尼斯達萊學習，我甚至叫過佢學雲佬咁，開自由球時企越位位。佢學得好好，好快就知道要點做。」成班教練開始教佢點樣背住個波拎波走位、點樣加強攻門能力。仲18歲已經咁冷靜、咁想學一流前鋒，依家佢要同伊巴爭，不過後者已經34，過多幾年曼聯前鋒呢個位真係非佢莫屬。睇佢入李城嗰球啲走位就知佢係機會主義者，依家佢嘅位置離門仲有啲距離，畀佢打正前鋒、打近個龍門，威脅一定仲大。
所以唔駛怕啦？我哋嘅曼聯藍圖似乎已經成哂型，就算朗尼、伊巴退落嚟都有哂計劃！
如果要一句講哂，今場有2個球員支援普巴、解放普巴，令佢可以表現出拉奧拿口中「攻擊中場普巴」的質素。呢2個球員，第一個係「佢」：對曼城佢無正選曼聯就輸波；對屈福特佢無上陣曼聯再輸；對諾咸頓有得打喇，就入一球、助攻一球，中柱一球。唔駛講，對李城一戰就更加有正選打啦！佢就係靴里拉喇！你話如果要有一個球員同普巴夾，筆者會選佢！你可能會話，睇場波佢都係駁腳多啫？好似唔太搶眼？其實佢嘅走位非常廣闊，睇返數據禁區到禁區呢個範圍入面9成嘅地方佢都出現過，傳球成功率達88%之餘，仲穩打穩紮做好防中的工夫。你可能會話佢進攻都好有板斧，不過拍埋普巴的話，佢做好防守正正就可以畀普巴多啲機會上去攻擊。而且佢唔單止有防守力，仲有好強的傳送能力，呢一樣優點解放埋另一位球員。
佢解放嘅，就係馬達。由莫帥年代打右翼、到雲高爾時打右攻擊中場，到上仗對李斯特城打10號位，馬達終於都返到自己老家…無錯，佢無咩速度、又無咩盤扭能力，佢最大的資產就是閱讀球賽能力同埋傳送。有咩方法可以令佢發揮所長？放佢係攻擊中場中位置，用最短嘅路線、一掂波就交波嘅方式去分波派波轉方向、得閒轉身射腳30碼，咁就最能夠用得著佢喇。有靴里拉同普巴喺馬達附近掩掩揚揚、駁下腳，又可以等其他球員走下位、拉空下，呢個傳送模式令馬達發揮得好好。佢上仗90%的傳球成功率就睇得出佢打呢個位幾舒服，而佢入嗰球其實10個場內球員都有掂過波，尤其係佢同普巴、連格特的入楔更加係令人睇到濕哂 (眼有淚光嗰隻)。邊個話馬達無運行？依家佢對比賽的影響力睇落比朗尼真係仲大！
至於另一個筆者想講講嘅，係拉舒福特。25場波入12球，呢位小將真係唔講得笑！佢可以打翼、打10號位置，不過更適合佢嘅可能係中鋒。前曼聯教練麥堅尼斯講過，佢原來好喜歡問問題，問嘅問題令人感到好興奮。佢會問：「你見唔見到阿古路個轉身呀？蘇亞雷斯嘅呢？」麥堅尼斯甚至開始指導佢跟歷代曼聯前鋒學嘢：「最重要就係點樣喺對方守衛身後搵到空位，佢要向雲尼斯達萊學習，我甚至叫過佢學雲佬咁，開自由球時企越位位。佢學得好好，好快就知道要點做。」成班教練開始教佢點樣背住個波拎波走位、點樣加強攻門能力。仲18歲已經咁冷靜、咁想學一流前鋒，依家佢要同伊巴爭，不過後者已經34，過多幾年曼聯前鋒呢個位真係非佢莫屬。睇佢入李城嗰球啲走位就知佢係機會主義者，依家佢嘅位置離門仲有啲距離，畀佢打正前鋒、打近個龍門，威脅一定仲大。
所以唔駛怕啦？我哋嘅曼聯藍圖似乎已經成哂型，就算朗尼、伊巴退落嚟都有哂計劃！