曼聯專區小評：索爾亞邊緣人爭寵戰
摩帥早排講過，星期四出戰歐霸係會影響到球會於英超的比賽，更揚言呢個盃賽唔係曼聯希望打嘅比賽。想打又好唔想打又好，上一仗敗陣飛燕諾，今仗可以話係勝敗關鍵，連摩帥自己都講：「老老實實，我諗羸波係必須。如果真係羸唔到，之後小組得返4場比賽，咁就真係要羸哂先得。唔容易，所以我諗聽日都係打勝仗好啲。」不過話又講返轉頭，周末對史篤城的比賽亦係不容有失，家下曼聯已經喺第6位，曼城以6分守住榜首，連史篤城呢一關都過唔到的話，球季咁早差距已經去到7分、9分，對於士氣嚟講實在唔太好。所以，呢個亦係最困難的取捨時候，要揀一邊重槌出擊先係上計策。
所以，我哋不妨做一個大膽假設，就係摩帥今仗人腳應該就係摩連奴的選擇，棄歐霸定係唔棄呢？之後提到嘅球員如果真係正選一半或以上，都幾肯定摩帥想集中聯賽比賽。第一位「邊緣人」代表，應該要提提迪比呢個雲帥愛將。荷甲打到識飛，不過好似始終都唔適應英超，偶有佳作之後都係保持唔到水準…今季夾夾埋埋都唔知有無打過一個鍾，如果再唔爭取表現，下季被清洗的機會一啲都唔細。只係摩帥會唔會畀個機會佢一展身手呢？
另一個係上季另一位驚喜新人科素文沙。對諾咸頓一戰佢有上場，不過表現其實一般般，加上佢擅打左閘，曼聯左閘人滿之患，梳爾、盧祖甚至白蘭特都可以打呢個位，變相令科素文沙好似得返盃賽有機會上陣一樣。今仗佢會唔會有機會畀大家睇下表現？其實好似佢咁，上陣時間唔多嘅仲有楊格、舒尼達連，聯賽唔見佢哋有太多表現時間，都可以話係「邊緣人」之一。
不過，講到最驚驚嘅邊緣人，可能要數數馬迪爾同埋朗尼。馬迪爾上季表現出色、多次救曼聯於水深火熱當中，不過今季佢好似壓力好大咁，又有啲傷，最慘係比起師弟拉舒福特嘅表現而言佢真係遜色。如果今仗佢被派上陣，好可能亦係摩帥的考牌之一，要佢交啲成績出嚟睇，如果唔係連聯賽都可能被取締都唔定…至於朗尼，摩帥咁講：「我畀你哋說服到我，會畀佢打呢場對索爾亞的比賽。個情況係大家逼佢打呢場比賽，而更進一步係大家根本唔容許佢打一場表現無咁好嘅比賽。作為領隊我要保護佢，為佢分析，畀最好嘅嘢佢。如果佢未有充足的準備，我會嘗試同軍醫嗰邊溝通一下。」其實，對於朗尼而言呢場都係名聲保衛戰，佢要話畀大家聽佢係值得打聯賽正選，呢場比賽不容有失…
所以話，邊個話對索爾亞無關痛癢？好多球員的命運可能都關呢場比賽事…
最離地陣容：
伊巴
馬迪爾、朗尼、迪比
舒拉達連、卡域克
科素文沙、盧祖、達美安、華倫西亞
羅美路
PS：點解係伊巴？因為賽前已講明會出佢囉！再PS：上次對飛燕諾其實都半全力架，迪基亞、史摩寧、拜利都有上陣，普巴同靴里拉、福仔、馬達都有打。只係對索爾亞，會唔會又再留多啲力呢？
所以，我哋不妨做一個大膽假設，就係摩帥今仗人腳應該就係摩連奴的選擇，棄歐霸定係唔棄呢？之後提到嘅球員如果真係正選一半或以上，都幾肯定摩帥想集中聯賽比賽。第一位「邊緣人」代表，應該要提提迪比呢個雲帥愛將。荷甲打到識飛，不過好似始終都唔適應英超，偶有佳作之後都係保持唔到水準…今季夾夾埋埋都唔知有無打過一個鍾，如果再唔爭取表現，下季被清洗的機會一啲都唔細。只係摩帥會唔會畀個機會佢一展身手呢？
另一個係上季另一位驚喜新人科素文沙。對諾咸頓一戰佢有上場，不過表現其實一般般，加上佢擅打左閘，曼聯左閘人滿之患，梳爾、盧祖甚至白蘭特都可以打呢個位，變相令科素文沙好似得返盃賽有機會上陣一樣。今仗佢會唔會有機會畀大家睇下表現？其實好似佢咁，上陣時間唔多嘅仲有楊格、舒尼達連，聯賽唔見佢哋有太多表現時間，都可以話係「邊緣人」之一。
不過，講到最驚驚嘅邊緣人，可能要數數馬迪爾同埋朗尼。馬迪爾上季表現出色、多次救曼聯於水深火熱當中，不過今季佢好似壓力好大咁，又有啲傷，最慘係比起師弟拉舒福特嘅表現而言佢真係遜色。如果今仗佢被派上陣，好可能亦係摩帥的考牌之一，要佢交啲成績出嚟睇，如果唔係連聯賽都可能被取締都唔定…至於朗尼，摩帥咁講：「我畀你哋說服到我，會畀佢打呢場對索爾亞的比賽。個情況係大家逼佢打呢場比賽，而更進一步係大家根本唔容許佢打一場表現無咁好嘅比賽。作為領隊我要保護佢，為佢分析，畀最好嘅嘢佢。如果佢未有充足的準備，我會嘗試同軍醫嗰邊溝通一下。」其實，對於朗尼而言呢場都係名聲保衛戰，佢要話畀大家聽佢係值得打聯賽正選，呢場比賽不容有失…
所以話，邊個話對索爾亞無關痛癢？好多球員的命運可能都關呢場比賽事…
最離地陣容：
伊巴
馬迪爾、朗尼、迪比
舒拉達連、卡域克
科素文沙、盧祖、達美安、華倫西亞
羅美路
PS：點解係伊巴？因為賽前已講明會出佢囉！再PS：上次對飛燕諾其實都半全力架，迪基亞、史摩寧、拜利都有上陣，普巴同靴里拉、福仔、馬達都有打。只係對索爾亞，會唔會又再留多啲力呢？