曼聯專區小評：今季曼聯輸分唔輸數據！
7輪英超排第六，4勝1和2負13分，已經有好多人開始有諗法，話連摩帥都教唔掂、連普巴伊巴都救唔到，曼聯真係無翻身一日咁話。咁又唔怪得佢哋咁諗，上季同樣打7場比賽，雲高爾麾下曼聯有16分，計埋的話當年曼聯仲贏多一場。你又驚唔驚真係摩帥都救唔到曼聯呢？筆者就無咩呢個擔心喇。因為喺好多數據上面睇，摩連奴真真正正改變緊曼聯，呢個改變會唔會帶嚟好成績尚要等時間過，不過就幾肯定呢啲改變會帶嚟緊張刺激嘅比賽。
第一係進攻數字。上季同一時間曼聯入12球，今季僅僅多一球。有伊巴在陣都咁，好似真係令人幾失望。不過睇真啲，入波數字多得唔多，不過攻門就真係多好多。上一季7場比賽只係攻咗54腳波排英超第17，今季已經射過92腳波，冠絕英超，差唔多攻多成倍。直接講，就係由英超最唔願意攻門嘅球隊，變成最有侵略性嘅球隊。平均嚟講，上年成季平均一場都係得13次攻門，今季每場波已經多咗3.4次，每場16.5次了。係，只係識攻入唔到波係唔會贏，只不過幾年嚟都打消極足球，畀啲時間適應下都得掛？
而另一個重點就複雜少少，表面上數字睇起上嚟曼聯係懶咗嘅。點懶法？同上年同期比，交波次數少咗430次；跑動少咗66公里，連控球權都少咗4個巴仙左右。單睇數字就梗係可以用「懶」去形容，不過當大家諗返起上年控球至上、攻門欠奉的風格，就知道摩連奴的野心係咩。交少兩腳波意味住上年啲橫傳、後傳少咗，成隊波感覺就清爽咗、無咁「論盡」。再睇埋球員的衝刺次數比起同期雲帥麾下多出200次，即係每場波多成28.5次，跑少咗、傳波少咗、控球都少咗，但係衝刺走位尋求突破的次數多咗，即係一心以攻擊為要務，前進、壓逼同走位係球員要考慮多咗嘅。攻擊，咪就係大家都想睇到嘅嘢囉？
跟住落嚟想講，可能大家都驚驚哋，因為筆者想計計斬波次數。梗係驚啦，經過莫帥盲斬的恐怖日子之後，再斬大家唔多唔少都有啲心驚驚。但係筆者同大家講，真係斬多咗…上年呢個時間只得123次斬波，係英超第17；今年已經去返179斬，係英超第二…呢一刻，嚇夠大家未？放心，摩帥都話一朝天子一朝臣，斬波都要睇下有咩人喺禁區先得！當年莫帥麾下1.9米以上的球員，最有制空力嘅係費蘭尼、史摩寧同埋維迪，前面係不擅頂上功夫的雲佩斯，要搵目標其實唔易。依家1.9米以上嘅，除咗有史摩寧、費蘭尼之外，多咗個頭槌能力驚人嘅伊巴(1.95米)，同埋身體抗性一啲都輸蝕嘅普巴(1.91米)，加上摩帥重用費蘭尼個頭同埋衝撞力，今時今日大斬特斬對曼聯嚟講絕對係殺著！曼聯依家13個入波有5個都係來自側擊斬波，就知摩帥係用緊呢隊波嘅優點去壓制對手，所以話斬斬斬攻勢返嚟？唔係壞事！
所以依家嘅曼聯成績好似唔見得有太大唔同，不過筆者好有信心呢隊曼聯可以打出好吸引的足球，最少畀返啲激情大家，有原因去挨下夜支持、有機會睇波尖叫下緊張下。入夠一球唔龜縮繼續攻，呢啲先係傳統曼聯嚟家嘛！
第一係進攻數字。上季同一時間曼聯入12球，今季僅僅多一球。有伊巴在陣都咁，好似真係令人幾失望。不過睇真啲，入波數字多得唔多，不過攻門就真係多好多。上一季7場比賽只係攻咗54腳波排英超第17，今季已經射過92腳波，冠絕英超，差唔多攻多成倍。直接講，就係由英超最唔願意攻門嘅球隊，變成最有侵略性嘅球隊。平均嚟講，上年成季平均一場都係得13次攻門，今季每場波已經多咗3.4次，每場16.5次了。係，只係識攻入唔到波係唔會贏，只不過幾年嚟都打消極足球，畀啲時間適應下都得掛？
而另一個重點就複雜少少，表面上數字睇起上嚟曼聯係懶咗嘅。點懶法？同上年同期比，交波次數少咗430次；跑動少咗66公里，連控球權都少咗4個巴仙左右。單睇數字就梗係可以用「懶」去形容，不過當大家諗返起上年控球至上、攻門欠奉的風格，就知道摩連奴的野心係咩。交少兩腳波意味住上年啲橫傳、後傳少咗，成隊波感覺就清爽咗、無咁「論盡」。再睇埋球員的衝刺次數比起同期雲帥麾下多出200次，即係每場波多成28.5次，跑少咗、傳波少咗、控球都少咗，但係衝刺走位尋求突破的次數多咗，即係一心以攻擊為要務，前進、壓逼同走位係球員要考慮多咗嘅。攻擊，咪就係大家都想睇到嘅嘢囉？
跟住落嚟想講，可能大家都驚驚哋，因為筆者想計計斬波次數。梗係驚啦，經過莫帥盲斬的恐怖日子之後，再斬大家唔多唔少都有啲心驚驚。但係筆者同大家講，真係斬多咗…上年呢個時間只得123次斬波，係英超第17；今年已經去返179斬，係英超第二…呢一刻，嚇夠大家未？放心，摩帥都話一朝天子一朝臣，斬波都要睇下有咩人喺禁區先得！當年莫帥麾下1.9米以上的球員，最有制空力嘅係費蘭尼、史摩寧同埋維迪，前面係不擅頂上功夫的雲佩斯，要搵目標其實唔易。依家1.9米以上嘅，除咗有史摩寧、費蘭尼之外，多咗個頭槌能力驚人嘅伊巴(1.95米)，同埋身體抗性一啲都輸蝕嘅普巴(1.91米)，加上摩帥重用費蘭尼個頭同埋衝撞力，今時今日大斬特斬對曼聯嚟講絕對係殺著！曼聯依家13個入波有5個都係來自側擊斬波，就知摩帥係用緊呢隊波嘅優點去壓制對手，所以話斬斬斬攻勢返嚟？唔係壞事！
所以依家嘅曼聯成績好似唔見得有太大唔同，不過筆者好有信心呢隊曼聯可以打出好吸引的足球，最少畀返啲激情大家，有原因去挨下夜支持、有機會睇波尖叫下緊張下。入夠一球唔龜縮繼續攻，呢啲先係傳統曼聯嚟家嘛！