曼聯專區小評：伊巴皇朝重要？定係伊巴「王子」重要？
一開始傳伊巴謙來投曼聯，其實筆者第一個感覺係：會唔會係法卡奧、迪馬利亞翻版？唔係話實力問題，而係英超比起其他聯賽而言真係好唔同，任你喺法甲、西甲、荷甲打得曉飛，去到英超就唔係實力同努力可以解決一切問題，大家睇法卡奧唔打曼聯之後，近期又入唔少關鍵入波就知道。不過經歷咗半年有多，伊巴謙莫域呢位瑞典球星可以話係令筆者完全無話可說，因為佢唔單止適應哂英超，如果計哂咁多條戰線的話，佢仲係英超球隊入面入波最多嗰個球員！35歲嘅佢，已經為曼聯上陣37場比賽之餘仲攻入共24球，依家嘅曼聯甚至可以話係好依賴佢添，因為聯賽佢入15球位列神射手，其下已經係入6球嘅馬達同埋得4球嘅普巴，單單係伊巴嘅入波就已經獨力為曼聯爭取到聯賽11分之多。
先唔好講佢入波有幾神，單係體能已經係神級，佢上陣嘅時間甚至比迪基亞仲多！直到收筆一刻為止，迪基亞上陣時間為2970分鐘，而伊巴竟然達3120分鐘，連普巴3102分鐘都要輸畀佢。計跑動？聯賽佢平均一場跑足9公里，多過盧卡古少少；哈利卡尼每場比賽跑多伊巴1.5公里左右啦，而山齊士都係多佢100米左右咋。35歲仲有咁嘅體能，仲唔係超人係咩？講到入波嘅效率，雖然季初好多聲音都話佢係「浪費機會者」、唔少黃金機會都把握唔到，不過睇返數字其實一啲都唔失禮，連利雲度夫斯基都係122腳攻門入25球，阿蘇就110腳起腳入25球，伊巴138腳入24球都唔算有幾浪射。睇完，筆者都有啲懷疑伊巴係唔係人類之餘，亦開始有啲擔心曼聯的未來。
史高斯其實有講過，佢認為依家曼聯太過依賴伊巴了。都無辦法，計計埋埋曼聯都真係無一個提供到穩定入波數字嘅球員出現，唔好講今季，呢幾年都無。聯賽一季入夠20個入波？對上嗰個已經係雲佩斯喇。當然伊巴仲未入夠20球啦，不過打咗25場波已經有15球入波，要破20應該唔困難。曼聯呢一季要追車未必有機會，不過離開聯賽第二位嘅曼城其實只有4分的差距，離第3、第4的熱刺、阿仙奴都只係2分，打唔打得返入前四真係好睇伊巴嘅發揮，最少呢一季佢一定係MVP之一。只不過，放眼望去的話，要曼聯真真正正中興，得伊巴係唔夠嘅。
曼聯的死對頭舒利亞都好認同伊巴在曼聯的重要性，佢認為伊巴最重要的任務唔係為球隊帶嚟入波，而係帶嚟一個改變：「伊巴的影響力可以媲美簡東拿，而我亦好明白點解。佢個人的能力固然非常重要，不過更重要係佢嘅魅力，同埋佢點樣成為球隊嘅動力源。對於年輕球員而言，伊巴嘅渴求、佢自己嘅能量，同埋佢嘅野心係好好嘅學習對象。在比賽場上伊巴的表現當然可足學習，而日日都同佢朝見口晚見面，在訓練場同埋更衣室去學習，對於年輕球員而言其實更為重要。」而史高斯亦提到同樣的事情，佢認為曼聯陣中有一位球員長遠而言可以做到伊巴嘅工作，佢就係拉舒福特：「睇到伊巴踢波，就同上一堂足球課無分別。而拉舒福特更加應該要日日睇實伊巴點訓練自己，因為我肯肯定佢有一日會代替伊巴成為曼聯的主要入球者。」
而筆者自己，就認為唔單止拉舒福特，就連馬迪爾都受到伊巴影響唔少。唔單止係學到伊巴嘅攻門技巧，最重要係要學到佢嘅自信、嗰種「有我一定得」嘅氣牆，因為打逆境波又好、對比自己隊伍更強的對手都好，都一定要有呢一種自信同霸氣，先可以有力壓對手的可能。而馬迪爾近幾場比賽表現出嚟嘅傲氣，筆者認為唔多唔少都受到伊巴嘅薰陶。過2日就上演聯賽盃決賽，因為卡域克、米希達利恩的受傷，曼聯的情況比想像中惡劣，不過呢個時候正正就係伊巴發揮其霸氣力壓對手，取得勝利嘅最好時候。但係姑勿論伊巴能唔能夠再次成為呢場比賽嘅關鍵人物，佢一定係曼聯再興嘅其中一位重要人物。
先唔好講佢入波有幾神，單係體能已經係神級，佢上陣嘅時間甚至比迪基亞仲多！直到收筆一刻為止，迪基亞上陣時間為2970分鐘，而伊巴竟然達3120分鐘，連普巴3102分鐘都要輸畀佢。計跑動？聯賽佢平均一場跑足9公里，多過盧卡古少少；哈利卡尼每場比賽跑多伊巴1.5公里左右啦，而山齊士都係多佢100米左右咋。35歲仲有咁嘅體能，仲唔係超人係咩？講到入波嘅效率，雖然季初好多聲音都話佢係「浪費機會者」、唔少黃金機會都把握唔到，不過睇返數字其實一啲都唔失禮，連利雲度夫斯基都係122腳攻門入25球，阿蘇就110腳起腳入25球，伊巴138腳入24球都唔算有幾浪射。睇完，筆者都有啲懷疑伊巴係唔係人類之餘，亦開始有啲擔心曼聯的未來。
史高斯其實有講過，佢認為依家曼聯太過依賴伊巴了。都無辦法，計計埋埋曼聯都真係無一個提供到穩定入波數字嘅球員出現，唔好講今季，呢幾年都無。聯賽一季入夠20個入波？對上嗰個已經係雲佩斯喇。當然伊巴仲未入夠20球啦，不過打咗25場波已經有15球入波，要破20應該唔困難。曼聯呢一季要追車未必有機會，不過離開聯賽第二位嘅曼城其實只有4分的差距，離第3、第4的熱刺、阿仙奴都只係2分，打唔打得返入前四真係好睇伊巴嘅發揮，最少呢一季佢一定係MVP之一。只不過，放眼望去的話，要曼聯真真正正中興，得伊巴係唔夠嘅。
曼聯的死對頭舒利亞都好認同伊巴在曼聯的重要性，佢認為伊巴最重要的任務唔係為球隊帶嚟入波，而係帶嚟一個改變：「伊巴的影響力可以媲美簡東拿，而我亦好明白點解。佢個人的能力固然非常重要，不過更重要係佢嘅魅力，同埋佢點樣成為球隊嘅動力源。對於年輕球員而言，伊巴嘅渴求、佢自己嘅能量，同埋佢嘅野心係好好嘅學習對象。在比賽場上伊巴的表現當然可足學習，而日日都同佢朝見口晚見面，在訓練場同埋更衣室去學習，對於年輕球員而言其實更為重要。」而史高斯亦提到同樣的事情，佢認為曼聯陣中有一位球員長遠而言可以做到伊巴嘅工作，佢就係拉舒福特：「睇到伊巴踢波，就同上一堂足球課無分別。而拉舒福特更加應該要日日睇實伊巴點訓練自己，因為我肯肯定佢有一日會代替伊巴成為曼聯的主要入球者。」
而筆者自己，就認為唔單止拉舒福特，就連馬迪爾都受到伊巴影響唔少。唔單止係學到伊巴嘅攻門技巧，最重要係要學到佢嘅自信、嗰種「有我一定得」嘅氣牆，因為打逆境波又好、對比自己隊伍更強的對手都好，都一定要有呢一種自信同霸氣，先可以有力壓對手的可能。而馬迪爾近幾場比賽表現出嚟嘅傲氣，筆者認為唔多唔少都受到伊巴嘅薰陶。過2日就上演聯賽盃決賽，因為卡域克、米希達利恩的受傷，曼聯的情況比想像中惡劣，不過呢個時候正正就係伊巴發揮其霸氣力壓對手，取得勝利嘅最好時候。但係姑勿論伊巴能唔能夠再次成為呢場比賽嘅關鍵人物，佢一定係曼聯再興嘅其中一位重要人物。