為何摩帥又嗌小豆？正正缺第二射手
曼聯近兩場都和波，今屆夾埋已經和咗10場以上，好多時都係有形勢但就係入唔到波，單睇聯賽入球數字，依家只係攻入43球，比前列頭5位嘅任何一隊都少，就連愛華頓同埋般尼茅夫入球都比曼聯多……
事實上摩連奴季初咁落力想伊巴過嚟曼聯，就知道曼聯前線攻力唔夠，而伊巴個人亦交足功課，至今為曼聯在各項賽事射入27球，亦係唯一一個晌聯賽入球數字達雙位數，之不過就係無第二得分前鋒，晌伊巴停賽時就好明顯睇得出呢點，無第二前鋒可以孭起入球重任，仲攪到摩連奴繼上次話「永遠都唔會賣走小豆、韋碧克同埋迪馬利亞」之後，再一次讚小豆好易就入到20球。
「我哋喺有好球員、又有創造性球員，佢哋可以製造埋門機會，但偏偏就唔係天生射手嗰種。正如我舉個例，憑我哋晌奧脫福嘅表現，以及晌對手身上製造出嚟嘅埋門同埋禁區內嘅入波機會，我想小豆好容易就入到20球，就算佢以後備身份出場10至20分鐘，佢都有20個入球。事關佢天生就係入球觸覺敏感，善於門前把握機會，那就是對方門將撲出即時加多腳，定係兩邊出波佢會搶點作頭槌攻門。」（佢喺曼聯效力嗰陣，我一早知喇，小豆style根本就係poacher）
曼聯一直傳統上前線都有「射手」角色球員，「黑雙煞」高爾同約基、雲尼斯達羅、雲佩斯等，佢哋通通交足功課之餘，亦都有人幫手分擔入波重任，正如舒靈咸、蘇斯克查、朗尼、小豆、韋碧克……但今季依家伊巴自己一個人就交足功課，只可惜可以幫到佢嘅拉舒福特、馬迪爾以及朗尼，都無一個入球數字多過雙位數，打法上亦不屬於摩帥所講入球觸覺敏感射門，令前線攻力減弱，更令伊巴打得好吃力。
晌咁嘅情況下，又真係難怪摩帥掛住小豆，佢起碼本季已經為利華古遜喺聯賽入咗10球，比起對上3位都叫多，兩季加盟利華踢咗50場聯賽，合共有27球，平均每兩場有波入，如果只要將小豆平均每兩場波放入嗰10多場和波入面，都已經可以起碼有5場波贏，拿多10分喇……當然呢啲全都是假設性，唯一可以知就係來季摩帥一定買前鋒喇！
事實上摩連奴季初咁落力想伊巴過嚟曼聯，就知道曼聯前線攻力唔夠，而伊巴個人亦交足功課，至今為曼聯在各項賽事射入27球，亦係唯一一個晌聯賽入球數字達雙位數，之不過就係無第二得分前鋒，晌伊巴停賽時就好明顯睇得出呢點，無第二前鋒可以孭起入球重任，仲攪到摩連奴繼上次話「永遠都唔會賣走小豆、韋碧克同埋迪馬利亞」之後，再一次讚小豆好易就入到20球。
「我哋喺有好球員、又有創造性球員，佢哋可以製造埋門機會，但偏偏就唔係天生射手嗰種。正如我舉個例，憑我哋晌奧脫福嘅表現，以及晌對手身上製造出嚟嘅埋門同埋禁區內嘅入波機會，我想小豆好容易就入到20球，就算佢以後備身份出場10至20分鐘，佢都有20個入球。事關佢天生就係入球觸覺敏感，善於門前把握機會，那就是對方門將撲出即時加多腳，定係兩邊出波佢會搶點作頭槌攻門。」（佢喺曼聯效力嗰陣，我一早知喇，小豆style根本就係poacher）
曼聯一直傳統上前線都有「射手」角色球員，「黑雙煞」高爾同約基、雲尼斯達羅、雲佩斯等，佢哋通通交足功課之餘，亦都有人幫手分擔入波重任，正如舒靈咸、蘇斯克查、朗尼、小豆、韋碧克……但今季依家伊巴自己一個人就交足功課，只可惜可以幫到佢嘅拉舒福特、馬迪爾以及朗尼，都無一個入球數字多過雙位數，打法上亦不屬於摩帥所講入球觸覺敏感射門，令前線攻力減弱，更令伊巴打得好吃力。
晌咁嘅情況下，又真係難怪摩帥掛住小豆，佢起碼本季已經為利華古遜喺聯賽入咗10球，比起對上3位都叫多，兩季加盟利華踢咗50場聯賽，合共有27球，平均每兩場有波入，如果只要將小豆平均每兩場波放入嗰10多場和波入面，都已經可以起碼有5場波贏，拿多10分喇……當然呢啲全都是假設性，唯一可以知就係來季摩帥一定買前鋒喇！