連迪路夫你要識！
曼聯今季第一簽域陀連迪路夫（Victor Lindelof）其實都唔算係橫空出世架喇，因為一月時都傳過曼聯想要買佢！不過最終呢位瑞典新星都強勢加盟，大家係時候認識佢多啲喇！
其實呢位中堅年紀真係好細，仲係22歲，大把世界！不過一開始呢件「瑰寶」其實都只係打瑞典低級聯賽組出身，有料之人當然好快畀人掘角，17歲就加盟賓菲加。過咗2年進入2013年，佢亦終於得到處子一隊上陣機會，打打下就開始進佔一隊喇。
如果要講擅長位置，6尺2寸嘅佢都係司職中堅多，不過因為速度都唔錯，亦可以勝任右閘。而葡萄牙傳媒就指，摩帥好喜歡連迪路夫守得又跑得，更將佢同法國中堅華拉尼相提並論，真係好睇好佢！至於打法呢，效力賓菲加時隊友都叫佢「冰人」，因為佢踢波好有信心、好冷靜，而且出腳、攔截都好準確，唔魯莽，連拎牌數字都唔多，可見佢係一位又快又準嘅中堅，仲備有閱讀球賽、對手嘅足球智慧，唔怪得知咁多人認為佢係明日的中堅巨星。而一個值得一提嘅，係連迪路夫腳頭唔輕，仲幾準繩，係賓菲加試過攻入好靚嘅自由球，曼聯可以又多一個進攻板斧！只係佢去咗開角球、自由球，咁邊個頂波呢？嗯...可能係差少少就米九嘅莫拉達啦！
對連迪路夫來投反應：
摩連奴：佢係好有潛質嘅球員，佢可以喺曼聯有光明前途。上個球季反映出我哋需要更多人腳，需要更有質素嘅球員，而連迪路夫就於今夏來投了。我知大家都會好歡迎佢。」
連迪路夫：可以成為曼聯球員我好開心，雖然我喺賓菲加亦學到好多，過咗好多好開心嘅日子，但係我依家就好期待可以喺曼聯、喺奧脫福為摩連奴上陣。我知我嘅位置上仲有好多好球員，而我會努力做好自己，盡量幫助球隊。所以我都好想有好球員圍繞身邊，因為有佢哋我都會進步得更快。」
鍾斯：曼聯係可以吸引最好球員嘅球隊，如果夏天無買過人先係曼奇怪嘅事。
其實呢位中堅年紀真係好細，仲係22歲，大把世界！不過一開始呢件「瑰寶」其實都只係打瑞典低級聯賽組出身，有料之人當然好快畀人掘角，17歲就加盟賓菲加。過咗2年進入2013年，佢亦終於得到處子一隊上陣機會，打打下就開始進佔一隊喇。
如果要講擅長位置，6尺2寸嘅佢都係司職中堅多，不過因為速度都唔錯，亦可以勝任右閘。而葡萄牙傳媒就指，摩帥好喜歡連迪路夫守得又跑得，更將佢同法國中堅華拉尼相提並論，真係好睇好佢！至於打法呢，效力賓菲加時隊友都叫佢「冰人」，因為佢踢波好有信心、好冷靜，而且出腳、攔截都好準確，唔魯莽，連拎牌數字都唔多，可見佢係一位又快又準嘅中堅，仲備有閱讀球賽、對手嘅足球智慧，唔怪得知咁多人認為佢係明日的中堅巨星。而一個值得一提嘅，係連迪路夫腳頭唔輕，仲幾準繩，係賓菲加試過攻入好靚嘅自由球，曼聯可以又多一個進攻板斧！只係佢去咗開角球、自由球，咁邊個頂波呢？嗯...可能係差少少就米九嘅莫拉達啦！
對連迪路夫來投反應：
摩連奴：佢係好有潛質嘅球員，佢可以喺曼聯有光明前途。上個球季反映出我哋需要更多人腳，需要更有質素嘅球員，而連迪路夫就於今夏來投了。我知大家都會好歡迎佢。」
連迪路夫：可以成為曼聯球員我好開心，雖然我喺賓菲加亦學到好多，過咗好多好開心嘅日子，但係我依家就好期待可以喺曼聯、喺奧脫福為摩連奴上陣。我知我嘅位置上仲有好多好球員，而我會努力做好自己，盡量幫助球隊。所以我都好想有好球員圍繞身邊，因為有佢哋我都會進步得更快。」
鍾斯：曼聯係可以吸引最好球員嘅球隊，如果夏天無買過人先係曼奇怪嘅事。