曼聯專區小評：魔獸來投 戰術不變
雖然未定實，不過既然每份英媒都咁報，睇嚟下季曼聯前鋒線都係由「小魔獸」包辦架喇！咁呢位24歲、米9嘅大大隻球員(無錯，同普巴一樣高！)會為曼聯戰術帶嚟咩改變呢？
我哋先睇睇上季佢嘅打法有咩特點先。上季佢一共入25球，係英超射手榜次席球員，當中7球右腳入、12球左腳入，6球係頭槌。作為一個左腳仔，有13球入波都唔係用左腳入，可見後衛要封死佢擅長腳都係唔多夠，佢仲有好多板斧可以入到波。而睇佢入波嘅位置，出奇地比較偏向禁區右路，左腳球員反而比較少左路入波。而原因可能同佢嘅打法有關，步大力雄嘅佢習慣於右路壓過對方後衛之後，以左腳攞遠柱射入，即係話無返咁上下力量型，係唔會做到佢呢種入波pattern。
再睇佢嘅隊友，愛華頓陣中明顯欠缺中場同前鋒嘅連繫，好多時都要佢單打獨鬥。巴克里、米拿拉斯夾埋都係得14個助攻，咁嘅情況下就會睇到盧卡古一個人做咗幾多功夫、入咗幾多波。而呢個情況，明顯就係曼聯上季伊巴成日面對嘅問題。依家曼聯以打單箭頭為主要戰術，前鋒好多時都要單打獨鬥，而呢一點盧卡古已經習慣哂。睇助攻數字，最強的靴里拉加馬迪爾都只係提供咗12個助攻，比巴克里、米拿拉斯更少，呢個情況之下真係啱哂盧卡古…雖然，真係幾陰公豬。
所以可以預期嘅係，曼聯進攻板斧出奇地唔會點變，因為盧卡古同伊巴打法都有少少似，一個人打哂前面、又係高高大大以身體抗性為武器，頭槌又幾好咁，可能佢射術無伊巴咁好，但勝在後生同埋跑得，機動性有望比上年更好。但係重大的戰術改變？呢一刻似乎無咩改變嘅可能性…
不過另一點可以一睇，就係盧卡古好喜歡蝦榜下游隊伍，對新特蘭、修咸頓、米堡呢啲球隊入波比較多，對big 6相對入得少啲波，對於曼聯上季對弱旅成日入唔到波嚟講，呢個數據確係令人開心嘅。而且佢隊友強咗，亦話唔定佢加盟之後可以喺big 6身上數糊都唔定。而頭槌都殺食嘅佢，同埋連迪路夫呢個擅長自由球、中距離射門嘅後衛有無化學作用，都係可以期待一下嘅。只係曼聯要靠自由球做主流攻擊戰術，我諗大家都唔希望發生啦？
所以呢一刻，盧卡古嘅加盟對於下季曼聯面貌而言應該無咩改變，真係要有突破的話，可能真係要寄望一位中場球員加盟，為曼聯帶嚟更多可能性、創造力喇。
我哋先睇睇上季佢嘅打法有咩特點先。上季佢一共入25球，係英超射手榜次席球員，當中7球右腳入、12球左腳入，6球係頭槌。作為一個左腳仔，有13球入波都唔係用左腳入，可見後衛要封死佢擅長腳都係唔多夠，佢仲有好多板斧可以入到波。而睇佢入波嘅位置，出奇地比較偏向禁區右路，左腳球員反而比較少左路入波。而原因可能同佢嘅打法有關，步大力雄嘅佢習慣於右路壓過對方後衛之後，以左腳攞遠柱射入，即係話無返咁上下力量型，係唔會做到佢呢種入波pattern。
再睇佢嘅隊友，愛華頓陣中明顯欠缺中場同前鋒嘅連繫，好多時都要佢單打獨鬥。巴克里、米拿拉斯夾埋都係得14個助攻，咁嘅情況下就會睇到盧卡古一個人做咗幾多功夫、入咗幾多波。而呢個情況，明顯就係曼聯上季伊巴成日面對嘅問題。依家曼聯以打單箭頭為主要戰術，前鋒好多時都要單打獨鬥，而呢一點盧卡古已經習慣哂。睇助攻數字，最強的靴里拉加馬迪爾都只係提供咗12個助攻，比巴克里、米拿拉斯更少，呢個情況之下真係啱哂盧卡古…雖然，真係幾陰公豬。
所以可以預期嘅係，曼聯進攻板斧出奇地唔會點變，因為盧卡古同伊巴打法都有少少似，一個人打哂前面、又係高高大大以身體抗性為武器，頭槌又幾好咁，可能佢射術無伊巴咁好，但勝在後生同埋跑得，機動性有望比上年更好。但係重大的戰術改變？呢一刻似乎無咩改變嘅可能性…
不過另一點可以一睇，就係盧卡古好喜歡蝦榜下游隊伍，對新特蘭、修咸頓、米堡呢啲球隊入波比較多，對big 6相對入得少啲波，對於曼聯上季對弱旅成日入唔到波嚟講，呢個數據確係令人開心嘅。而且佢隊友強咗，亦話唔定佢加盟之後可以喺big 6身上數糊都唔定。而頭槌都殺食嘅佢，同埋連迪路夫呢個擅長自由球、中距離射門嘅後衛有無化學作用，都係可以期待一下嘅。只係曼聯要靠自由球做主流攻擊戰術，我諗大家都唔希望發生啦？
所以呢一刻，盧卡古嘅加盟對於下季曼聯面貌而言應該無咩改變，真係要有突破的話，可能真係要寄望一位中場球員加盟，為曼聯帶嚟更多可能性、創造力喇。