進擊的巨人！摩帥的巨人兵團
摩帥入主曼聯雖然只係2年，不過佢對於球隊嘅精神面貌已經作出唔少改變，當中最顯然易見嘅就係買嘅球員一個比一個高，一個比一個大份，形容依家曼聯係「巨人兵團」絕不為過！盧卡古唔在講，米九高而且有近百公斤重，又頂得又撞得，講身型絕對係後衛嘅惡夢。睇返上季，拜利1米87、普巴米九，伊巴更加係1米95嘅巨人，可見摩帥引入嘅球員唔少都以高大見稱。而傳聞中嘅新將，一樣都有返咁上下高大。好似比列錫就有1米87，馬迪就更高，有逼近伊巴嘅1米94高度。而季初大家認為好快就會「被放棄」嘅費蘭尼最終站穩陣腳，同佢嘅身高不無關係。
根據skysports統計，上季曼聯一隊平均身高已經達1米84，只係輸畀平均1米85嘅西布朗、屈福特，同史篤城、車路士睇齊。不過你可能會問，得個高字無用嘅，用得著先得。偏偏數字上，呢隊「巨人兵」又真係可以完全善用自己身高噃，比起雲帥年代，曼聯上季足足多咗一倍頭槌攻門數字，中龍嘅頭槌由11個增至23個，當中9個成為入球。而高空爭逐方面亦有加強，頭槌爭逐勝率多咗近25%！連帶斬波命中率都加咗44.7%，角球準繩度亦多咗22%。
其實呢個數字正正同摩帥戰術好有關，佢需要嘅唔係利物浦式嘅逼搶，而係實而不華嘅實用足球。後防高大不在講，中場高大往往可以喺中圈附近贏得制空權轉化為控球權，而擅長呢家戰術嘅就係普巴同埋費蘭尼。截到波之後，就再用精準傳球或者斬波，將皮球供應畀中前場攻擊球員，伊巴就係好擅長護波嘅高佬之一，成為前場高點畀大家交波畀佢再進擊。
而新球季無咗伊巴，多咗個差唔多高大嘅盧卡古，主流戰術唔會點變，不過明知你係用呢招對手都無辦法做到對應，因為唔夠高就係唔夠高，點都逆轉唔到劣勢。所以點解除咗控球中場之外曼聯買入比列錫嘅呼聲高唱入雲，原因就係睇中佢作為快翼嘅沉底速度，配合底線傳中呢招為高大前鋒盧卡古、拉舒福特製造機會(福仔都米8高架)，為球隊帶來更多入球供應。所以下季睇曼聯？預咗睇高Q大腳先啦！
來源：天空體育
好高...
根據skysports統計，上季曼聯一隊平均身高已經達1米84，只係輸畀平均1米85嘅西布朗、屈福特，同史篤城、車路士睇齊。不過你可能會問，得個高字無用嘅，用得著先得。偏偏數字上，呢隊「巨人兵」又真係可以完全善用自己身高噃，比起雲帥年代，曼聯上季足足多咗一倍頭槌攻門數字，中龍嘅頭槌由11個增至23個，當中9個成為入球。而高空爭逐方面亦有加強，頭槌爭逐勝率多咗近25%！連帶斬波命中率都加咗44.7%，角球準繩度亦多咗22%。
其實呢個數字正正同摩帥戰術好有關，佢需要嘅唔係利物浦式嘅逼搶，而係實而不華嘅實用足球。後防高大不在講，中場高大往往可以喺中圈附近贏得制空權轉化為控球權，而擅長呢家戰術嘅就係普巴同埋費蘭尼。截到波之後，就再用精準傳球或者斬波，將皮球供應畀中前場攻擊球員，伊巴就係好擅長護波嘅高佬之一，成為前場高點畀大家交波畀佢再進擊。
而新球季無咗伊巴，多咗個差唔多高大嘅盧卡古，主流戰術唔會點變，不過明知你係用呢招對手都無辦法做到對應，因為唔夠高就係唔夠高，點都逆轉唔到劣勢。所以點解除咗控球中場之外曼聯買入比列錫嘅呼聲高唱入雲，原因就係睇中佢作為快翼嘅沉底速度，配合底線傳中呢招為高大前鋒盧卡古、拉舒福特製造機會(福仔都米8高架)，為球隊帶來更多入球供應。所以下季睇曼聯？預咗睇高Q大腳先啦！
來源：天空體育
好高...