摩連奴：我目標係15年的曼聯生涯！
摩帥教過好多隊波，過往一向每隊教幾年，不過即將踏入第2年教曼聯，摩連奴已經諗住要做第二個費sir，準備好將佢26年嘅成功元素再次注入番曼聯！呢個元素其實好簡單，就係：持久！「我已準備好，嚟緊15年留在曼聯。無錯，點解唔得？雖然我承認呢件唔係易事，因為呢份工好多受壓嘅位，人人都將問題歸咎領隊，而且人人都話球隊目標只有贏聯賽冠軍。但係唔好唔記得，一年冠軍只得一隊，要贏每年都變得更為困難。我要做嘅，就係同球會講我嘅工作係超出球會成績嘅。」
點先可以做到？摩帥話，穩定性一定要行先：「好多年來，曼聯就等如爵爺。大家習慣哂，而且都明白呢個長遠穩定會帶嚟咩結果。之前有莫耶斯、有雲高爾，依家到我教到第二年，我希望我可以長期留效，成就球會希望有嘅穩定性。我會試，不過首先我要表現出我係夠班先得。所以我日日都好努力。」
老老實實，依家做領隊真係唔易，有幾多個可以「長治久安」？而呢個文化，就連摩帥都話好難去改變：「或者你可以取得成功嘅一年，但係下年保唔住就要被叮走。我喺車路士係咁，雲尼亞里喺李城都係咁，仲有好多例子都一樣。今時今日，太多人睇短期喇。我只可以話，費爵爺係唯一、係好獨特嘅，唔可能代替。無人可以留在同一隊波咁長時間，留在同一個聯賽咁長時間。雲加可能有啲近似，不過現代足球而言只有表現出自己價值、取得成功先可以留效。你成功，有得留低；你失敗，就要走。」
所以摩連奴認為，干地、高普、哥帥、雲加，通通都係經過試煉嘅「強者中嘅強者」，已經唔可能搵到更好嘅領隊。而佢哋嘅留效，摩連奴認為係成功嘅必要條件之一，留唔過一季嘅領隊，對於球會嘅成功嚟講只會帶嚟惡夢。作為球迷，你又想唔想見到摩連奴留隊15年？定係想佢留26年呢？
來源：ESPN
點先可以做到？摩帥話，穩定性一定要行先：「好多年來，曼聯就等如爵爺。大家習慣哂，而且都明白呢個長遠穩定會帶嚟咩結果。之前有莫耶斯、有雲高爾，依家到我教到第二年，我希望我可以長期留效，成就球會希望有嘅穩定性。我會試，不過首先我要表現出我係夠班先得。所以我日日都好努力。」
老老實實，依家做領隊真係唔易，有幾多個可以「長治久安」？而呢個文化，就連摩帥都話好難去改變：「或者你可以取得成功嘅一年，但係下年保唔住就要被叮走。我喺車路士係咁，雲尼亞里喺李城都係咁，仲有好多例子都一樣。今時今日，太多人睇短期喇。我只可以話，費爵爺係唯一、係好獨特嘅，唔可能代替。無人可以留在同一隊波咁長時間，留在同一個聯賽咁長時間。雲加可能有啲近似，不過現代足球而言只有表現出自己價值、取得成功先可以留效。你成功，有得留低；你失敗，就要走。」
所以摩連奴認為，干地、高普、哥帥、雲加，通通都係經過試煉嘅「強者中嘅強者」，已經唔可能搵到更好嘅領隊。而佢哋嘅留效，摩連奴認為係成功嘅必要條件之一，留唔過一季嘅領隊，對於球會嘅成功嚟講只會帶嚟惡夢。作為球迷，你又想唔想見到摩連奴留隊15年？定係想佢留26年呢？
來源：ESPN