盧卡古：YO！不如英超搞「全明星賽」！
拆咗車之後盧卡古好似好興奮好開心，日前更於自己Twitter上面建議英超都舉辦「全明星賽」：「喂，畀個建議大家：NBA有全明星賽，點解無人喺英超搞？由北部對南部！由球迷投票邊個出戰！你點睇先？」仲要tag埋FA添！
講起NBA全明星賽，其實足足有50年歷史！呢個可以話係夢幻對決，因為全明星賽就係東岸西岸對壘，由球迷選出最強隊伍一決雌雄，到時無球隊、無國界，有嘅就係最強對最強嘅娛樂性！正正因為跨越咗球隊，自然會出現一啲夢幻組合；而球迷投票嘅正選明星賽代表，亦變相係球員的另一張成績表！
少少離題，其實英超全明星賽真係出現過架！不過就係天空電視台喺2007年搞嘅慈善嘢，20支英超隊伍雖然都有悉數「出場」，不過代表佢哋嘅唔只足球員，有球隊職工、教練，甚至係其他體育範疇嘅支持者，再加埋忠粉代表組成！一場踢10分鐘，最終勝者就可以為代表嘅慈善機構贏到獎金。最終決戰由米堡對陣「槌仔幫」，由米杜士堡勝出。
講返「渣古的建議」，今季NBA全明星賽改制由大帝占士同「咖哩仔」史堤芬居里各自點將入隊無分東西岸，同舊制東西岸已分隊有啲唔同，不過2個方式好似都可以一玩！用「南北隊」的話，到時北部聯隊隨時有普巴伙拍迪布尼；南部聯隊有哈里卡尼與莫拉達一齊攻堅，又幾有噱頭！至於搵隊長揀兵，呢個就真係難少少喇！阿古路？伊巴？定係華迪做隊長好呢？之但係FIFA感覺上比較傳統，睇嚟要玩英超明星賽對佢哋嚟講係有啲心理關卡要過，唔係咁易喇…
講起NBA全明星賽，其實足足有50年歷史！呢個可以話係夢幻對決，因為全明星賽就係東岸西岸對壘，由球迷選出最強隊伍一決雌雄，到時無球隊、無國界，有嘅就係最強對最強嘅娛樂性！正正因為跨越咗球隊，自然會出現一啲夢幻組合；而球迷投票嘅正選明星賽代表，亦變相係球員的另一張成績表！
少少離題，其實英超全明星賽真係出現過架！不過就係天空電視台喺2007年搞嘅慈善嘢，20支英超隊伍雖然都有悉數「出場」，不過代表佢哋嘅唔只足球員，有球隊職工、教練，甚至係其他體育範疇嘅支持者，再加埋忠粉代表組成！一場踢10分鐘，最終勝者就可以為代表嘅慈善機構贏到獎金。最終決戰由米堡對陣「槌仔幫」，由米杜士堡勝出。
講返「渣古的建議」，今季NBA全明星賽改制由大帝占士同「咖哩仔」史堤芬居里各自點將入隊無分東西岸，同舊制東西岸已分隊有啲唔同，不過2個方式好似都可以一玩！用「南北隊」的話，到時北部聯隊隨時有普巴伙拍迪布尼；南部聯隊有哈里卡尼與莫拉達一齊攻堅，又幾有噱頭！至於搵隊長揀兵，呢個就真係難少少喇！阿古路？伊巴？定係華迪做隊長好呢？之但係FIFA感覺上比較傳統，睇嚟要玩英超明星賽對佢哋嚟講係有啲心理關卡要過，唔係咁易喇…