曼聯專區小評：「神」隱可以點搞？
反勝水晶宮對於球隊當然有正面影響，不過賽後大家討論馬迪的世界波、摩連奴的半場team talk之外，更有唔少聲音稱山齊士越來越唔對路，上半場猶如隱形一般。而連帶受到批評的，亦有中場普巴，好似紅軍名宿加歷查就不留情面，直稱二人：「如在遊樂場的小孩子一樣，喜歡去邊玩就去邊玩，行行企企毫無作為。」
睇返數據，其實都睇得出點解山神呢場比賽為人所詬病。成場比賽失去控球權達34次，只係於禁區觸球3次，加利仔都睇到佢嘅行為有少少異常：「離門40碼同隊友玩one two，對場波真係無咩幫助。佢最適合做呢件事嘅位置係左邊前場，去連繫球隊入面嘅進攻球員。」不過睇山神比賽，無論係阿仙奴定係曼聯都好，就會發現佢有一個壞習慣，就係球賽不順己意，或者球隊受壓的話，佢就會向後退至中場「搵波踢」，而且變得自我中心。其實大家都知山齊士最強的位置一定係禁區內外、娥眉月前後、同埋偏於左路嘅空間。只要一離開呢啲位置，佢嘅優勢發揮唔到之餘，亦會同中場球員重疊，影響戰術發揮、球隊嘅平衡；而喺中圈位置成日甩波亦令球隊攻守失據。更慘嘅係，當山神嗰期唔順，就好易跌入一個惡性循環：返後，球隊受影響，keep住返後，球隊keep住受影響。
所以要解放佢，有2件事應該做。第一，就係摩連奴應該加強佢嘅紀律性，唔好畀佢四圍走。只要佢唔好心急，等隊友去畀供應佢，咁就可以減少佢喺唔應該嘅時間出現喺唔適當位置嘅機會。只係山神似乎去到邊都唔太信任隊友，所以呢個方法要多啲力水先得。第二件事，就係要搵人好好連結中前場，有強大後盾提供支援同供應，山神就可以專心於前線發揮。
做到呢點嘅有個2人，先聽聽加利仔的建議：「有馬達的中場，曼聯唔同哂。我認為曼聯的10號仔同翼鋒球員都要有box to box嘅能力，而隊中已經有唔少合格有突嘅球員好似盧卡古、福仔、山神，只係爭一個連結者。馬達控制節奏好好，識得連繫唔同嘅球員，於對手半場有舉足輕重的作用。」所以解放山齊士，第一個可以搵馬達。咁第二個呢？筆者認為係普巴。以普巴嘅閱讀球賽能力與傳送能力，絕對可以為山齊士開唔少路。只係更適合box to box、更適合四圍走嘅佢，咁大個球場可以到處跑，令佢搵唔到方法最大化自己嘅能力，要佢幫山齊士睇嚟先要幫咗自己先…
不過又咁睇，呢啲都係時間可以解決嘅問題，畀啲時間夾下，默契好咗，走位熟咗，到普巴同山神夾出化學作用，到時就邊個都擋唔住佢哋！(前題係，無論係高層定係球迷都要有耐性等…)
睇返數據，其實都睇得出點解山神呢場比賽為人所詬病。成場比賽失去控球權達34次，只係於禁區觸球3次，加利仔都睇到佢嘅行為有少少異常：「離門40碼同隊友玩one two，對場波真係無咩幫助。佢最適合做呢件事嘅位置係左邊前場，去連繫球隊入面嘅進攻球員。」不過睇山神比賽，無論係阿仙奴定係曼聯都好，就會發現佢有一個壞習慣，就係球賽不順己意，或者球隊受壓的話，佢就會向後退至中場「搵波踢」，而且變得自我中心。其實大家都知山齊士最強的位置一定係禁區內外、娥眉月前後、同埋偏於左路嘅空間。只要一離開呢啲位置，佢嘅優勢發揮唔到之餘，亦會同中場球員重疊，影響戰術發揮、球隊嘅平衡；而喺中圈位置成日甩波亦令球隊攻守失據。更慘嘅係，當山神嗰期唔順，就好易跌入一個惡性循環：返後，球隊受影響，keep住返後，球隊keep住受影響。
所以要解放佢，有2件事應該做。第一，就係摩連奴應該加強佢嘅紀律性，唔好畀佢四圍走。只要佢唔好心急，等隊友去畀供應佢，咁就可以減少佢喺唔應該嘅時間出現喺唔適當位置嘅機會。只係山神似乎去到邊都唔太信任隊友，所以呢個方法要多啲力水先得。第二件事，就係要搵人好好連結中前場，有強大後盾提供支援同供應，山神就可以專心於前線發揮。
做到呢點嘅有個2人，先聽聽加利仔的建議：「有馬達的中場，曼聯唔同哂。我認為曼聯的10號仔同翼鋒球員都要有box to box嘅能力，而隊中已經有唔少合格有突嘅球員好似盧卡古、福仔、山神，只係爭一個連結者。馬達控制節奏好好，識得連繫唔同嘅球員，於對手半場有舉足輕重的作用。」所以解放山齊士，第一個可以搵馬達。咁第二個呢？筆者認為係普巴。以普巴嘅閱讀球賽能力與傳送能力，絕對可以為山齊士開唔少路。只係更適合box to box、更適合四圍走嘅佢，咁大個球場可以到處跑，令佢搵唔到方法最大化自己嘅能力，要佢幫山齊士睇嚟先要幫咗自己先…
不過又咁睇，呢啲都係時間可以解決嘅問題，畀啲時間夾下，默契好咗，走位熟咗，到普巴同山神夾出化學作用，到時就邊個都擋唔住佢哋！(前題係，無論係高層定係球迷都要有耐性等…)