曼聯專區小評：季初陣容分析
曼聯上季攞第二，今季目標好自然就係要收窄上季落後曼城嗰19分差距，從而挑戰近6年嚟嘅都未嘗贏過嘅聯賽冠軍。但睇過曼聯季前熱身賽嘅朋友仔，都咪話對季初嘅紅魔唔擔心，當然你可以話仲有啲主力未歸隊喇，又或者好似摩連奴咁講，曼聯今夏買人計劃停滯不前，想要嘅人又簽唔到，真係好難同其他已經埋好班嘅英超列強對碰。聯賽即將開始，都係時候就現有人腳去諗一諗點樣排陣。
門將
門將呢個位當然唔洗講一定係迪基亞，無佢曼聯近幾季輸多咗好多場波喇，佢對曼聯嘅重要性真係唔洗再講。羅美路同埋今夏簽入嘅格蘭，絕對唔會動搖到迪基亞今時今日嘅位置。
後衛
晌摩帥嘅4-3-3陣式入面，楊格同華倫西亞都睇落無傷無病之下，都坐穩左右兩閘正選，不過有個問題就係兩個人都已經33歲，真係可以打到咁多場? 新簽入嘅達洛特（受傷至9月復出）同梳爾睇嚟隨時standby。
華西季初受傷首戰一定打唔到，咁右閘出邊個好?摩帥曾經講個幾個方向：將楊格轉打右閘、連迪路夫打右閘、又或者達美安無離隊嘅話都係一個選擇，筆者就認為3個option中，最好似乎係達美安，一來正宗右閘、二來佢季前賽有打，狀態算可以，與其要兩個世盃歸隊不久嘅球員轉位打，倒不如用達美安喇，起碼唔洗擔心狀態先，怕就怕佢速度跟唔上而已。
唔肯定出邊個人選，後防嚟講得中堅位置，盛傳曼聯想要哈利麥佳亞又或者艾達維特，當然佢地簽得成嘅話都肯定「即買即用」，但舊有人選方面又會揀邊個呢？摩帥心目中首選一定係艾迪拜利，的確佢晌曼聯嘅表現畀到人穩陣嘅感覺，睇佢對拜仁嗰場熱身賽負責跟實斜線入攝嘅球員，有板有眼，但要期望佢無受傷。
另一個人選，個人認為會係連迪路夫，對拜仁一戰佢負責封阻對方傳中，表現都唔錯，其實如果佢早啲適應到英超節奏，都好相信摩帥早已經畀佢成日打正選，依家就希望佢打番出代表瑞典出戰世界時表現，唔係再喺上季嗰個連迪路夫。
中場
中場嗰3個人選，大膽講句馬迪同埋普巴都幾肯定會踢正選，一守一攻，而往往缺乏嘅就係點樣串連佢地嘅功用而變成踢雙防中，根據對拜仁場波，新加盟嘅費特應該就係嗰個人選，佢可以話係一位中場多面手，善於往返兩邊禁區串連攻守，重組咗曼聯嘅中場線，相信有費特之下可以解放普巴上去進攻。
當然摩帥仲有好多選擇，包括靴里拉、費蘭尼、麥湯文尼同埋安達斯彭利拿，其中摩帥講到明會畀機會彭利拿，反而筆者認為上陣機會最大影響嘅應該係靴里拉。
前鋒
前面打3個，如果要揀嘅話，有兩個位都係肯定，上季季中簽入嘅「山神」山齊士一定係其中之一，事實上佢晌美國之旅亦都表現得好好，如果季初打出呢個水準，應該都有啲睇頭。另一個唔洗講當然係盧卡古，柱躉式中鋒晌前線可以停到個波，幫隊友製造機會，如果佢同山神可以夾出火花，曼聯晌前線威脅應該會增加唔少。
當然最後一席好多人搶，首選新任「10號」拉舒福特，對拜仁一戰都幾證明到福仔唔太適合打最前嗰位前鋒，但以佢突破能力，打邊鋒都OK，當然要同摩帥一手捧起嘅連格爭位打，後者晌場入面走上走落嘅風格，正正係摩帥喜愛嘅一點，所以連格晌位置上比福仔排先。另外仲有雙「馬」馬達同埋馬迪爾可以爭3前鋒嘅最後一席。
曼聯對李斯特城預計陣容：
門將：迪基亞
後衛：達美安、連迪路夫、艾歷拜利、梳爾(艾舒利楊格)
中場：費特、靴里拉、彭利拿(普巴)
前鋒：山齊士、拉舒福特(盧卡古)、馬達
*( )視乎放假後回來的狀態
門將
門將呢個位當然唔洗講一定係迪基亞，無佢曼聯近幾季輸多咗好多場波喇，佢對曼聯嘅重要性真係唔洗再講。羅美路同埋今夏簽入嘅格蘭，絕對唔會動搖到迪基亞今時今日嘅位置。
後衛
晌摩帥嘅4-3-3陣式入面，楊格同華倫西亞都睇落無傷無病之下，都坐穩左右兩閘正選，不過有個問題就係兩個人都已經33歲，真係可以打到咁多場? 新簽入嘅達洛特（受傷至9月復出）同梳爾睇嚟隨時standby。
華西季初受傷首戰一定打唔到，咁右閘出邊個好?摩帥曾經講個幾個方向：將楊格轉打右閘、連迪路夫打右閘、又或者達美安無離隊嘅話都係一個選擇，筆者就認為3個option中，最好似乎係達美安，一來正宗右閘、二來佢季前賽有打，狀態算可以，與其要兩個世盃歸隊不久嘅球員轉位打，倒不如用達美安喇，起碼唔洗擔心狀態先，怕就怕佢速度跟唔上而已。
唔肯定出邊個人選，後防嚟講得中堅位置，盛傳曼聯想要哈利麥佳亞又或者艾達維特，當然佢地簽得成嘅話都肯定「即買即用」，但舊有人選方面又會揀邊個呢？摩帥心目中首選一定係艾迪拜利，的確佢晌曼聯嘅表現畀到人穩陣嘅感覺，睇佢對拜仁嗰場熱身賽負責跟實斜線入攝嘅球員，有板有眼，但要期望佢無受傷。
另一個人選，個人認為會係連迪路夫，對拜仁一戰佢負責封阻對方傳中，表現都唔錯，其實如果佢早啲適應到英超節奏，都好相信摩帥早已經畀佢成日打正選，依家就希望佢打番出代表瑞典出戰世界時表現，唔係再喺上季嗰個連迪路夫。
中場
中場嗰3個人選，大膽講句馬迪同埋普巴都幾肯定會踢正選，一守一攻，而往往缺乏嘅就係點樣串連佢地嘅功用而變成踢雙防中，根據對拜仁場波，新加盟嘅費特應該就係嗰個人選，佢可以話係一位中場多面手，善於往返兩邊禁區串連攻守，重組咗曼聯嘅中場線，相信有費特之下可以解放普巴上去進攻。
當然摩帥仲有好多選擇，包括靴里拉、費蘭尼、麥湯文尼同埋安達斯彭利拿，其中摩帥講到明會畀機會彭利拿，反而筆者認為上陣機會最大影響嘅應該係靴里拉。
前鋒
前面打3個，如果要揀嘅話，有兩個位都係肯定，上季季中簽入嘅「山神」山齊士一定係其中之一，事實上佢晌美國之旅亦都表現得好好，如果季初打出呢個水準，應該都有啲睇頭。另一個唔洗講當然係盧卡古，柱躉式中鋒晌前線可以停到個波，幫隊友製造機會，如果佢同山神可以夾出火花，曼聯晌前線威脅應該會增加唔少。
當然最後一席好多人搶，首選新任「10號」拉舒福特，對拜仁一戰都幾證明到福仔唔太適合打最前嗰位前鋒，但以佢突破能力，打邊鋒都OK，當然要同摩帥一手捧起嘅連格爭位打，後者晌場入面走上走落嘅風格，正正係摩帥喜愛嘅一點，所以連格晌位置上比福仔排先。另外仲有雙「馬」馬達同埋馬迪爾可以爭3前鋒嘅最後一席。
曼聯對李斯特城預計陣容：
門將：迪基亞
後衛：達美安、連迪路夫、艾歷拜利、梳爾(艾舒利楊格)
中場：費特、靴里拉、彭利拿(普巴)
前鋒：山齊士、拉舒福特(盧卡古)、馬達
*( )視乎放假後回來的狀態