曼聯專區小評：蘇B救駕！成績次要，精神重建更重要！
雖然官網彈出又彈入，但係蘇斯克查回歸帶領曼聯似乎已經箭在弦上。(執筆時未上任，依家已經官宣喇！) 呢一著究竟係好定壞？《天空體育》嘅投票入面，亦只有37%網民認同蘇B可救曼聯，6成3都唔睇好。不過筆者就認為呢個決定背後大有文章，要循序漸進搞好曼聯，用蘇B絕不為過。
先講往績，蘇B唔係第一次教英超，2014年佢就教過「藍鳥」卡迪夫城，入主時球隊排17，離隊時球隊都係排17，不過係由英超17跌到去英冠17，可謂慘不忍睹。睇表面當然好嚇人，甚至諗緊應唔應該重召佢，但細睇的話呢個大跌其實有得解釋。首先蘇B當年可以講係空降卡迪夫，對球隊的認識唔深，加上過份急進，一落場就希望一朝改變球會風格，非常危險。當年卡迪夫穩打穩紮，以防守為球隊的核心，但蘇斯克查一上場就轉打攻擊，仲一次過換晒大部分正選球員，最終令球隊攻守失衡，成績插水。如今時光飛逝，回歸莫迪幾年的蘇B帶住呢隊球隊穩步上揚，甚至一度打入歐霸附加賽。
往績唔算好出色，咁蘇B點解會得到曼聯高層垂青？或者可由士氣、由傳統開始講起。上面都講過，蘇B係想將防守藍鳥打造成進攻卡迪夫，於是遭逢失敗，即係呢位主帥嘅風格係偏向攻擊型嘅。死守嘅曼聯已經令管理層同球迷非常不滿，是時候重拾水銀瀉地、狂攻無間嘅紅魔本色，所以進攻mindset 的蘇B非常適合呢個任務。
再者依家曼聯內憂外患，對手上晒力非常強勢無咩可以做，但更衣室負面情緒充斥、球迷又悶又不滿，點都要解決呢幾個內部問題先，如果唔係球隊固然難以翻身，有名主帥亦唔會加盟一隊死寂無希望的隊伍。所以呢個時候搵一個根正苗紅嘅紅魔死忠嚟帶隊最好不過，既增球迷親切感，俾額外動力球迷支持球隊；同時亦可以reset一下，重回舊時曼聯嘅傳統同文化。蘇B講過自己師承爵爺，「我所有教波嘅知識都係來自爵爺」，如此「親生仔」感覺，無論係球員定係球迷都會受落。所以作為緩衝，蘇B既可幫曼聯轉一轉戰術方向回歸攻擊足球，亦可以凝聚曼聯內部、團結球迷，精神層面功效多於實際改革球隊。
之但係，佢始終都係一名少帥，亦無咩領軍大球會經驗，要震懾一班大帝係非常困難。筆者估計佢最多只可以動之以情，以溫婉懷柔方式去領軍，所以要佢帶曼聯連贏聯賽賽事，甚至爭逐前4，其實都只係痴人說夢。蘇B呢半季點叫成功？只要球員開開心心鬥心返晒嚟，有返啲自信，有返啲攻勢，球迷睇得開心繼續支持球隊(勝利球迷byebye~)，已經係蘇斯克查的大成功。打好呢個底，下季搵返個雄才大略、有手段有野心嘅強勢領隊，要上手就易好多喇。今季成績點樣？次要啦。
先講往績，蘇B唔係第一次教英超，2014年佢就教過「藍鳥」卡迪夫城，入主時球隊排17，離隊時球隊都係排17，不過係由英超17跌到去英冠17，可謂慘不忍睹。睇表面當然好嚇人，甚至諗緊應唔應該重召佢，但細睇的話呢個大跌其實有得解釋。首先蘇B當年可以講係空降卡迪夫，對球隊的認識唔深，加上過份急進，一落場就希望一朝改變球會風格，非常危險。當年卡迪夫穩打穩紮，以防守為球隊的核心，但蘇斯克查一上場就轉打攻擊，仲一次過換晒大部分正選球員，最終令球隊攻守失衡，成績插水。如今時光飛逝，回歸莫迪幾年的蘇B帶住呢隊球隊穩步上揚，甚至一度打入歐霸附加賽。
往績唔算好出色，咁蘇B點解會得到曼聯高層垂青？或者可由士氣、由傳統開始講起。上面都講過，蘇B係想將防守藍鳥打造成進攻卡迪夫，於是遭逢失敗，即係呢位主帥嘅風格係偏向攻擊型嘅。死守嘅曼聯已經令管理層同球迷非常不滿，是時候重拾水銀瀉地、狂攻無間嘅紅魔本色，所以進攻mindset 的蘇B非常適合呢個任務。
再者依家曼聯內憂外患，對手上晒力非常強勢無咩可以做，但更衣室負面情緒充斥、球迷又悶又不滿，點都要解決呢幾個內部問題先，如果唔係球隊固然難以翻身，有名主帥亦唔會加盟一隊死寂無希望的隊伍。所以呢個時候搵一個根正苗紅嘅紅魔死忠嚟帶隊最好不過，既增球迷親切感，俾額外動力球迷支持球隊；同時亦可以reset一下，重回舊時曼聯嘅傳統同文化。蘇B講過自己師承爵爺，「我所有教波嘅知識都係來自爵爺」，如此「親生仔」感覺，無論係球員定係球迷都會受落。所以作為緩衝，蘇B既可幫曼聯轉一轉戰術方向回歸攻擊足球，亦可以凝聚曼聯內部、團結球迷，精神層面功效多於實際改革球隊。
之但係，佢始終都係一名少帥，亦無咩領軍大球會經驗，要震懾一班大帝係非常困難。筆者估計佢最多只可以動之以情，以溫婉懷柔方式去領軍，所以要佢帶曼聯連贏聯賽賽事，甚至爭逐前4，其實都只係痴人說夢。蘇B呢半季點叫成功？只要球員開開心心鬥心返晒嚟，有返啲自信，有返啲攻勢，球迷睇得開心繼續支持球隊(勝利球迷byebye~)，已經係蘇斯克查的大成功。打好呢個底，下季搵返個雄才大略、有手段有野心嘅強勢領隊，要上手就易好多喇。今季成績點樣？次要啦。