曼聯專區小評：蘇B紅魔遇強或勢危
睇曼聯比賽，作為球迷筆者有少少阿Q，總係會搵球隊好嘅一面去睇。好似摩帥年代，比賽雖然好悶、攻勢唔銳利又成日守，更加係一啲娛樂性都無，但要搵到讚嘅地方，其實都搵得到。最值得讚嘅一定係防守嘅深度，成堆球員圍在禁區外血肉長城，封晒對方傳送路線、射門路線，其實講守勢真係稱得上「堅壁」。睇睇同樣都係對利物浦，曼聯阿仙奴都係輸波，但筆者認為論防守，曼聯嘅表現係比較好嘅一隊：
利物浦對曼聯： 比數1:3，控球35%，客隊攻門6次，對手射門36次
利物浦對阿仙奴： 比數1:5，控球52%，客隊攻門8次，對手射門15次
計下數，紅軍對曼聯時將攻門轉化成入球嘅比率係8%，要成10腳攻門先有一腳進帳；但迎戰阿仙奴時竟然高達33%，平均3腳攻門就入一球！無錯，阿仙奴係無放棄控球，攻擊方面亦比曼聯多啲啲，但明顯防守上落嘅功夫唔夠曼聯用心。一提，曼聯俾利物浦攻入嘅其中2球都有負碌成份，擊中球員改變方向，其實要封的線路、要mark的球員都已經有封有mark，只係人哋攻擊數字有返咁上下，有幾次運仔幫手絕對係常理之中。不過有唔少曼聯球迷都視利物浦為最大宿敵，如此被力壓敗陣，確係引起唔少怒火，加深更多不滿。
其實摩連奴對強隊一向奉行「先為不可勝，以待敵之可勝」(先使自己不被戰勝，再等待可以戰勝敵人的機會) 的「消極戰術」，今季唔計對熱刺的搶攻，其實好多時都係「放棄控球，放棄搶攻，只打反擊」：
對車仔： 和2:2，控球38%，對方攻門21次，我方攻門7次對曼城： 負1:3，控球35%，對方攻門17次，我方攻門6次
對利記： 負1:3，控球35%，對方攻門36次，我方攻門6次
呢幾場大戰之中，只有對車仔一仗差少少偷雞成功，其他都係最終敗走。固然「先為不可勝」已經做唔到，亦俾人一種「買你怕」嘅感覺，次次對強隊都好似懼怕對手一樣，令人氣結之餘亦好厭倦，間接亦令人忽視咗曼聯所下的防守苦功。
過去的，就由佢過去，筆者亦都唔想再「呃自己」搵啲開心嘢安慰自己，因為蘇B已經將進攻足球帶返奧脫福！之但係，以呢個球隊模式對強隊又係唔係work呢？筆者有啲擔心情況會近似阿仙奴大敗予紅軍一役。上回講到蘇B 曼聯將成隊波壓前，如果對手把握力、機動力都較弱，咁就好易壓住對手狂攻。但對強隊的話，防線如此推前危機其實好大，普巴、福仔護波能力其實唔算極強，好易中前場甩波之後被對手打快速反擊；而後防的甩漏亦會赤裸裸呈現，被對手壓逼之下隊形同節奏極易被擾亂，隨時大敗而回。
呢個情況其實爵爺都遇過，看官有印象的話，爵爺執教生涯最後幾年對強隊時都係選擇先防守的戰術，希望避攖其鋒。依家蘇B教波儼然有爵爺影子，但佢會點樣處理呢個兩難情況呢？筆者認為佢會學爵爺轉轉陣式，以451陣式爭逐中場，先求控制比賽節奏，攻擊可能放在次要。
老實講，依家嘅曼聯默契同人腳都未係最頂級，要與如日方中嘅紅軍、熱刺比拚，估計都會落於下風。所以筆者都唔期待蘇B曼聯可以擊敗列強，最少對中下游球隊可以打出水準同精神面貌，已經好滿足！完成今個球季再慢慢搞，研發一套「強強對陣」套路都未遲。
利物浦對曼聯： 比數1:3，控球35%，客隊攻門6次，對手射門36次
利物浦對阿仙奴： 比數1:5，控球52%，客隊攻門8次，對手射門15次
計下數，紅軍對曼聯時將攻門轉化成入球嘅比率係8%，要成10腳攻門先有一腳進帳；但迎戰阿仙奴時竟然高達33%，平均3腳攻門就入一球！無錯，阿仙奴係無放棄控球，攻擊方面亦比曼聯多啲啲，但明顯防守上落嘅功夫唔夠曼聯用心。一提，曼聯俾利物浦攻入嘅其中2球都有負碌成份，擊中球員改變方向，其實要封的線路、要mark的球員都已經有封有mark，只係人哋攻擊數字有返咁上下，有幾次運仔幫手絕對係常理之中。不過有唔少曼聯球迷都視利物浦為最大宿敵，如此被力壓敗陣，確係引起唔少怒火，加深更多不滿。
其實摩連奴對強隊一向奉行「先為不可勝，以待敵之可勝」(先使自己不被戰勝，再等待可以戰勝敵人的機會) 的「消極戰術」，今季唔計對熱刺的搶攻，其實好多時都係「放棄控球，放棄搶攻，只打反擊」：
對車仔： 和2:2，控球38%，對方攻門21次，我方攻門7次對曼城： 負1:3，控球35%，對方攻門17次，我方攻門6次
對利記： 負1:3，控球35%，對方攻門36次，我方攻門6次
呢幾場大戰之中，只有對車仔一仗差少少偷雞成功，其他都係最終敗走。固然「先為不可勝」已經做唔到，亦俾人一種「買你怕」嘅感覺，次次對強隊都好似懼怕對手一樣，令人氣結之餘亦好厭倦，間接亦令人忽視咗曼聯所下的防守苦功。
過去的，就由佢過去，筆者亦都唔想再「呃自己」搵啲開心嘢安慰自己，因為蘇B已經將進攻足球帶返奧脫福！之但係，以呢個球隊模式對強隊又係唔係work呢？筆者有啲擔心情況會近似阿仙奴大敗予紅軍一役。上回講到蘇B 曼聯將成隊波壓前，如果對手把握力、機動力都較弱，咁就好易壓住對手狂攻。但對強隊的話，防線如此推前危機其實好大，普巴、福仔護波能力其實唔算極強，好易中前場甩波之後被對手打快速反擊；而後防的甩漏亦會赤裸裸呈現，被對手壓逼之下隊形同節奏極易被擾亂，隨時大敗而回。
呢個情況其實爵爺都遇過，看官有印象的話，爵爺執教生涯最後幾年對強隊時都係選擇先防守的戰術，希望避攖其鋒。依家蘇B教波儼然有爵爺影子，但佢會點樣處理呢個兩難情況呢？筆者認為佢會學爵爺轉轉陣式，以451陣式爭逐中場，先求控制比賽節奏，攻擊可能放在次要。
老實講，依家嘅曼聯默契同人腳都未係最頂級，要與如日方中嘅紅軍、熱刺比拚，估計都會落於下風。所以筆者都唔期待蘇B曼聯可以擊敗列強，最少對中下游球隊可以打出水準同精神面貌，已經好滿足！完成今個球季再慢慢搞，研發一套「強強對陣」套路都未遲。