牽一髮動全身 - Giroud轉投車路士

牽一髮動全身...實在太精彩
Aubameyang剛剛先confirm去阿仙奴，Giroud幾個鐘後宣佈去同市宿敵車路士，不過阿仙奴球迷對Giroud既離去應該無仇恨掛？ 話晒銀河唯一都多次救過阿仙奴，而且又無正選打，走都正常。

最精彩都唔係咁，最意外既係Batshuayi借左去多蒙特，填補番Aubameyang個位...我真係好好奇Aubameyang去阿仙奴之前，咁多間球會係唔係已經Deal好咁換法？定係Sanchez去曼聯之時, 雲加已經聯絡晒大家可以起筷？

講番車路士，干地終於如願搵到個柱躉式中鋒，照道理應該係352直接代替Morata，始終Morata磨合左半季係有進步，但離干地要求仲有段距離，Giroud唔洗適應英超而且係阿仙奴都做慣前場支點，理應符合干地要求...但係唔係代表Morata無用武之地？又未必, Morata同Giroud完全係兩類型前鋒，對比起Batshuayi搭Morata，Morata配Giroud算係「一剛一柔，更有睇頭」。對住唔同既對手，有兩種風格既前鋒就更加靈活。

不過如果以Hazard做膽，搭Giroud打352，又會略嫌Giroud走動範圍細，速度唔夠快。352既2係前面需要大範圍走動，二人要緊密連繫先可以發揮出最大威力，呢方面Morata又好過Giroud，詳情可以youtube搜尋一個攻勢話你知 - 車路士黃金拍檔。

343呢？Hazard加Pedro兩邊，中間Giroud ?好似有D睇頭...

點都好，干地放晒風咁搵柱躉式中鋒，一定已經有晒想法，大家就放長雙眼睇下車路士既新鋒線。