編輯自選: 曼城15/16球季之我見
#回憶回憶橫濱黃街燈
曼城1516之我見 英超篇
15／16對於近幾年既球迷黎講可能係失望既一季。季中早早退出左爭標行列，哥帥接任既消息或多或少影響軍心，最終得到第四位帶有少許幸運成份。新援當中最有表現既可謂迪布尼，簡單直接既球風令球隊既進攻加速，造成更大既威脅。佢季中缺陣既同時亦係球隊低迷既時候，其重要性不言而喻。其他新援稍後亦會分析，記得多加留意本頁既更新。
球隊今季最大既缺點係遇強不強。經專業分析過後，對戰頭八名球隊無一勝績可以係最大既敗筆，遇上逼搶型球隊時往往陷於苦戰。例如高普既利物浦、雲尼亞里既李城，一個反擊令到防守球員無法組織守勢，有時中場既過份上前令到防線同中場提供足夠空間予對手反擊，最終導致失球。兩閘老化無法緊迫速度型球員、隊長斷斷續續既受傷令到防線無法組織，更逞論迪米捷利斯如何打開一個又一個既缺口。即使奧達文迪亦唔適合拉後組織，此子上前阻截先可以表現其價值。
進攻方面，迪布尼同施華係曼城既核心。至於拿華斯就可以憑佢既一招繼續做功能性球員，拿斯尼長期缺陣令曼城少了一個選擇，其未來亦未確定。史達寧既加入未能為球隊帶來多一個選項，其原因可能因為施華、迪布尼、史達寧最佳既位置往往係攻擊中場或影鋒。史達寧最好表現既一季係處於蘇亞雷斯同史杜歷治既身後、迪布尼係狼堡亦做攻擊中場、施華係球隊既組織核心，經常都見到佢四周遊走，今季史達寧往往安排係左翼，迪布尼亦不時打兩翼位，令到佢地既功用大打折扣。但三名球員又唔能夠同時放係中間，只會令到前場過於擁逼。哥帥既到來可能帶黎許多嶄新既陣型，可能解決到上述既問題。
今季最大既驚喜並唔係神鋒邦尼既表現，而係尼日利亞小將 伊恩拿祖(Iheanacho)，青少年金球獎既得主今季開始得到唔少既機會，此子後備上陣不時奉獻開鍵入球，如季初1－0水晶宮般。此子觸覺敏銳，往往可以預判作出最佳既選擇。一季過後，其數據更勝鄰居季初吹捧既新星。當然，I72既控球、傳球、判斷與隊友之間既合作亦需努力，但第三前鋒既位置基本確定。（今夏買前鋒既可能性甚高）
15／16係柏帥既最後一季，多謝柏帥第一年為球隊帶來雙冠，今季歐聯四強亦係一個大躍進，雖然兩戰皇馬既表現招人話柄，但柏帥的確為曼城帶來不少榮譽。雖然呢位大師無弟子做接班人，但係佢敢於進攻既作風都不失為一個敢帥。來季英超將會腥風血雨，領隊之間既唇槍舌劍分分鐘比球賽更見吸引，哥帥新人事新作風，嶄新既曼城將會為球迷們帶來幾大既樂趣，還看八月英超。
文: Chiffon
曼城1516之我見 英超篇
15／16對於近幾年既球迷黎講可能係失望既一季。季中早早退出左爭標行列，哥帥接任既消息或多或少影響軍心，最終得到第四位帶有少許幸運成份。新援當中最有表現既可謂迪布尼，簡單直接既球風令球隊既進攻加速，造成更大既威脅。佢季中缺陣既同時亦係球隊低迷既時候，其重要性不言而喻。其他新援稍後亦會分析，記得多加留意本頁既更新。
球隊今季最大既缺點係遇強不強。經專業分析過後，對戰頭八名球隊無一勝績可以係最大既敗筆，遇上逼搶型球隊時往往陷於苦戰。例如高普既利物浦、雲尼亞里既李城，一個反擊令到防守球員無法組織守勢，有時中場既過份上前令到防線同中場提供足夠空間予對手反擊，最終導致失球。兩閘老化無法緊迫速度型球員、隊長斷斷續續既受傷令到防線無法組織，更逞論迪米捷利斯如何打開一個又一個既缺口。即使奧達文迪亦唔適合拉後組織，此子上前阻截先可以表現其價值。
進攻方面，迪布尼同施華係曼城既核心。至於拿華斯就可以憑佢既一招繼續做功能性球員，拿斯尼長期缺陣令曼城少了一個選擇，其未來亦未確定。史達寧既加入未能為球隊帶來多一個選項，其原因可能因為施華、迪布尼、史達寧最佳既位置往往係攻擊中場或影鋒。史達寧最好表現既一季係處於蘇亞雷斯同史杜歷治既身後、迪布尼係狼堡亦做攻擊中場、施華係球隊既組織核心，經常都見到佢四周遊走，今季史達寧往往安排係左翼，迪布尼亦不時打兩翼位，令到佢地既功用大打折扣。但三名球員又唔能夠同時放係中間，只會令到前場過於擁逼。哥帥既到來可能帶黎許多嶄新既陣型，可能解決到上述既問題。
今季最大既驚喜並唔係神鋒邦尼既表現，而係尼日利亞小將 伊恩拿祖(Iheanacho)，青少年金球獎既得主今季開始得到唔少既機會，此子後備上陣不時奉獻開鍵入球，如季初1－0水晶宮般。此子觸覺敏銳，往往可以預判作出最佳既選擇。一季過後，其數據更勝鄰居季初吹捧既新星。當然，I72既控球、傳球、判斷與隊友之間既合作亦需努力，但第三前鋒既位置基本確定。（今夏買前鋒既可能性甚高）
15／16係柏帥既最後一季，多謝柏帥第一年為球隊帶來雙冠，今季歐聯四強亦係一個大躍進，雖然兩戰皇馬既表現招人話柄，但柏帥的確為曼城帶來不少榮譽。雖然呢位大師無弟子做接班人，但係佢敢於進攻既作風都不失為一個敢帥。來季英超將會腥風血雨，領隊之間既唇槍舌劍分分鐘比球賽更見吸引，哥帥新人事新作風，嶄新既曼城將會為球迷們帶來幾大既樂趣，還看八月英超。
文: Chiffon