【N輪菁英盃過後嘅港超前瞻（2）- 理文、冠忠南區】
受疫情影響，今年嘅菁英盃安排咗喺港超開季前開鑼，比到一眾球會能夠喺港超球會喺開季之前，有一個檢閱年輕球員同新外援嘅機會。﹝有關呢個安排，我會另文再書﹞，亦都比咗一眾愛好港超嘅朋友，喺開季之前睇下辦。喺完成咗兩三輪菁英盃之後，相信大家都對各支球隊嘅實力有啲理解。呢篇文將會以菁英盃嘅賽績同表現為依歸，淺析來屆港超各球隊嘅水平同表現。廢話唔多講，我哋即刻入正題。
理文 ﹝去季成績：第四名﹞- 三年磨劍，收成終臨？
因應一隊人見人憎嘅隊伍退出﹝如果想睇小弟對富力事件嘅分析，可以撳呢度！﹞，第三隊要介紹嘅超聯軍團就變成去季第四嘅理文。由2018-19年度開始，理文一直都有班主強大嘅資金支持，但出嚟嘅成果就未必同賽季嘅投入成正比，有唔少引援都貌似水貨，更有球迷戲謔理文為「hiumingball」。但觀乎今季嘅表現，似乎曉明Sir 嘅三年磨一劍，終於將把刀磨利啦。
上篇都係由前場開始，今隊又試下由後防開始啦。門將位置由「肥袁」袁皓俊把守，經過兩三年超聯嘅洗禮，「肥袁」實力慢慢增強，為球隊最後一道防線注入堅實嘅實力，但係，喺近幾場嘅菁英盃比賽入面，就有另一位門將打出身價，果位就係之前喺元朗打出身價嘅陳嘉豪啦。三場菁英盃僅失一球，喺對飛馬嘅賽事更加救出元朗舊隊友基斯嘅十二碼，打起全隊信心後帶大勝一場，擁有兩位足以喺超聯層級立足嘅隊員，門將嘅位置相信會成為曉明Sir 幸福嘅煩惱。
後衛方面，由充滿經驗嘅隊長列斯奧，夥拍當打之年嘅余煒廉。一個有經驗，一個有活力，亦係構築起理文堅固城牆嘅基石。但列斯奧畢竟年紀漸長，轉身都開始慢，對飛馬果場就燒鬚送十二碼。但就算你唔知我唔知，我相信曉明Sir 都知，所以即刻簽入來自西班牙嘅超級外援，曾效力東方龍獅嘅傻… 啊係荷西安祖，此子雖未亮相，但觀察佢當年嘅表現，路數好，交波準，應付港超真係綽綽有餘。如果荷西安祖能夠好好融入球隊體系，話理文擁有港超最強嘅一對中堅亦不為過。左右兩閘方面兵源充足，左閘有余沛康，黃炎堃，右閘有而家望波嘅阿濤同黃俊皓，雖然無咩大名球員，但少有犯大錯嘅陣容，實而不華，加上足夠嘅板凳深度，理文後防嘅表現絕對值得期待。
中場方面，兩名外援 – 亞哥斯達同沙普夫絕對係理文嘅重心人物。沙普夫當初來投嘅時候都曾經被質疑係水貨，但歲月證明佢係「逗住型」中場。平時做波嘅時候以穩陣為主，唔算好亮眼。但每當球隊受壓果陣，沙普夫總能夠出現喺適當嘅位置，做適合嘅事。喺球隊信得過嘅「穩陣先生」。同沙普夫相反，亞哥斯達就係球隊進攻方面嘅藝術家，喺對飛馬果場波輕輕鬆鬆就交出幾個撕破防線嘅Killer Pass，交比梁嘉恆同鄧匡延射入。除咗比波之外，此子亦有一定嘅推進同埋門能力，堪稱全場多面手。與其擔心佢踢得唔好，不如擔心下季要點樣留住佢啦。至於本地球員方面，亦有勤力狠辣嘅顏樂楓、談樂軒等，亦有可以打後一格踢攻中嘅中村佑人，配以年輕小將張憙延，雖然張憙延啱啱先從飛馬來投，但適應能力相當驚人，更表現出同年紀唔匹配嘅膽識同臨場判斷，交比曉明Sir 啄磨一番，他日必有作為。縱觀理文整條中場線，真係要乜有乜。曉明Sir 近年執料砌機，終於砌到部「屈機」出嚟啊！
終於要介紹前鋒線，今年嘅理文鋒線亦都進入收成期。澳門球王梁嘉恆今季極度當Fit，喺第二輪面對飛馬嘅賽事更加梅開二度，其中一球腳面控落嚟直接爆贏基斯，為自己製造半單刀機會，更加引證到佢喺保護皮球、速度同埋門方面嘅能力。如果嘉恆可以Keep 住如此火辣辣嘅狀態，相信可以成為理文前線嘅一把尖刀，甚至挑戰華人神射手寶座。此外，理文前線仲有外援基華尼頓同尼迪利。兩個人都有自己嘅缺憾，一個就識喪跑竄擾，但射術平平，另一個就把握力好，但體能隨年紀漸長而下滑。一凹一突嘅技術特點，就造就咗理文前線嘅最佳拍檔。一個拉空比另一個射，又或者假意傳波後突入禁區，眉來眼去嘅佢地相信會為一眾超聯後衛帶來大量麻煩。而即使事但一位尖刀表現下滑，邊路鋒將鄭兆鈞都隨時候命。相信咁多位有睇上屆賽事嘅朋友都見識到佢係邊路有幾咁活躍，具備速度、盤扭同射波能力。希望以上四子可以有良性競爭啦。
寫理文寫咗咁多，無非都係想帶出我覺得理文今屆即將收成，理文嘅陣容係相當完整。喺列強都有相當明顯嘅缺點之下，相信今屆理文冠軍可期。
預測來季排名：1
冠忠南區﹝去季排名：5﹞ - 兵源短缺、孤掌難鳴
去季表現乏善可陳嘅南區，先同合作咗好多年嘅鄭兆聰講聲拜拜，並將主教練重責交比列文，但贊助商財政不穩，雖然仲支持到球隊營運，但隊波嘅陣容就相當薄弱，新援較為搶鏡嘅就只有日援中場佐佐木周同葡國中場柏度文迪斯。睇完今季菁英盃，就更覺今季嘅南區荊棘滿途。
繼續由後防線講起，正選門將係港隊三號門將謝德謙，俊俏嘅外型唔係好關呢篇文事，佢一直表現穩定，但年紀亦已屆35歲之譜，喺李溢晉轉會流浪下，接班嘅重任就交咗比蔡子濤。睇咗幾場菁英盃嘅賽事，雖然未至於話派膠，始終好多位都係因為後防失位做成嘅運氣波或者必入波，但集中力亦有待改進，亦都未有頂級門將可以泰山壓頂嘅霸氣。之後點接班，就要睇謝德謙點樣將經驗傳授比新秀啦。繼續傾埋條後防線，後防線最對板嘅，相信係靚仔高達 – 川瀨浩太，除咗守備算﹝喺南區嘅表現下﹞叫相當穩健，有時角球攻勢上去助攻亦偶有斬獲。至於佢嘅拍檔就係教練兼球員列文。雖然列文有喺英超英冠征戰嘅經驗，但始終歲月催人老，轉身慢，Coverage 唔夠等嘅問題亦都好快浮現，比圖亦都有著入籍中堅嘅通病 – 轉身慢。如果再唔對症下藥，簽入中堅，後防就有如一大個窿，比對手嘅鋒線予取予攜。左右兩閘方面有積施利，陳港斌同…無啦。積施利雖然曾經喺中超打滾，但而家嘅積施利已經唔係當年嘅全盛時期，雖然個躉都仲係咁大，但上落助攻嘅速率已經減慢。要佢繼續做疊瓦式助攻可謂強人所難。至於陳港斌，我個人覺得佢做閘嚟講相當稱職，但始終只係左閘，爆破能力同傳送能力尚欠火候，未能為右中場喺進攻時帶嚟有效嘅支援，更顯中場嘅孤立無援。
中場方面，雖然簽入日本中場佐佐木周，此子球味十足，有著打不死嘅精神，加上日本出品嘅紮實基本功，可以話係一個靚簽，但可惜一隻手掌拍唔響，過去幾場波入面，縱使佢有幾努力，但單打獨鬥仍難有成果。佐佐木周嘅拍檔入面，劉浩霖質素唔差，但亦都未見好突出嘅表現。鄭進泓就始終年輕，雖然成長得好快，但擔大旗仍然言之尚早。中場線其中一個弱點，亦都在於後防線嘅輸送上面，喺過去幾場比賽，不難發現後防線同中場線有斷層，令球隊難以保護控球權同有效組織進攻。雖然過往嘅南區都唔係踢小組嘅球隊，但喺「大水牛」查維斯離隊下，球隊必須做更多嘅小組，喺「少爺仔」陳肇鈞被雪嘅情況下，唯有寄望柏度文迪斯盡快融入球隊，加強中場力量，同埋要睇下坐擁UEFA專業級教練資格嘅列文點調度啦。
前線方面可謂南區重症。多年嚟，南區一直依賴查維斯嘅身型做長傳急攻嘅支點。喺查維斯離隊後，前線重責就交咗比陳廣豪同子彈 夏志明同肥彭 史提芬彭利拿，雖然肥彭嘅身型都有返咁上下，但仍然難與查維斯相提並論，廣豪身位不足，子彈雖然有一定身型，但點都係叫佢跑，好過叫佢孭位。喺中後場未能提供有效嘅地波供應下，成班前鋒踢得相當辛苦。而查維斯嘅離去，亦都意味住前線體系完全轉變，廣豪都仲話有啲收穫，但子彈同肥彭亦尚未能融入新嘅進攻體系，導致出現季初嘅低潮。作為射手，除咗技術之外，仲相當需要信心。如果列文未能夠及時搵出前線進攻嘅策略，前鋒信心會每況越下，不斷輪迴，要避免不斷沉淪，列文嘅解藥就必需要及時出現。
來季預測排名：6
上次出文有人話2000字唔夠，今次寫夠三千。下次出文將會同大家睇下飛馬同流浪，希望大家多多支持！
理文 ﹝去季成績：第四名﹞- 三年磨劍，收成終臨？
因應一隊人見人憎嘅隊伍退出﹝如果想睇小弟對富力事件嘅分析，可以撳呢度！﹞，第三隊要介紹嘅超聯軍團就變成去季第四嘅理文。由2018-19年度開始，理文一直都有班主強大嘅資金支持，但出嚟嘅成果就未必同賽季嘅投入成正比，有唔少引援都貌似水貨，更有球迷戲謔理文為「hiumingball」。但觀乎今季嘅表現，似乎曉明Sir 嘅三年磨一劍，終於將把刀磨利啦。
上篇都係由前場開始，今隊又試下由後防開始啦。門將位置由「肥袁」袁皓俊把守，經過兩三年超聯嘅洗禮，「肥袁」實力慢慢增強，為球隊最後一道防線注入堅實嘅實力，但係，喺近幾場嘅菁英盃比賽入面，就有另一位門將打出身價，果位就係之前喺元朗打出身價嘅陳嘉豪啦。三場菁英盃僅失一球，喺對飛馬嘅賽事更加救出元朗舊隊友基斯嘅十二碼，打起全隊信心後帶大勝一場，擁有兩位足以喺超聯層級立足嘅隊員，門將嘅位置相信會成為曉明Sir 幸福嘅煩惱。
後衛方面，由充滿經驗嘅隊長列斯奧，夥拍當打之年嘅余煒廉。一個有經驗，一個有活力，亦係構築起理文堅固城牆嘅基石。但列斯奧畢竟年紀漸長，轉身都開始慢，對飛馬果場就燒鬚送十二碼。但就算你唔知我唔知，我相信曉明Sir 都知，所以即刻簽入來自西班牙嘅超級外援，曾效力東方龍獅嘅傻… 啊係荷西安祖，此子雖未亮相，但觀察佢當年嘅表現，路數好，交波準，應付港超真係綽綽有餘。如果荷西安祖能夠好好融入球隊體系，話理文擁有港超最強嘅一對中堅亦不為過。左右兩閘方面兵源充足，左閘有余沛康，黃炎堃，右閘有而家望波嘅阿濤同黃俊皓，雖然無咩大名球員，但少有犯大錯嘅陣容，實而不華，加上足夠嘅板凳深度，理文後防嘅表現絕對值得期待。
中場方面，兩名外援 – 亞哥斯達同沙普夫絕對係理文嘅重心人物。沙普夫當初來投嘅時候都曾經被質疑係水貨，但歲月證明佢係「逗住型」中場。平時做波嘅時候以穩陣為主，唔算好亮眼。但每當球隊受壓果陣，沙普夫總能夠出現喺適當嘅位置，做適合嘅事。喺球隊信得過嘅「穩陣先生」。同沙普夫相反，亞哥斯達就係球隊進攻方面嘅藝術家，喺對飛馬果場波輕輕鬆鬆就交出幾個撕破防線嘅Killer Pass，交比梁嘉恆同鄧匡延射入。除咗比波之外，此子亦有一定嘅推進同埋門能力，堪稱全場多面手。與其擔心佢踢得唔好，不如擔心下季要點樣留住佢啦。至於本地球員方面，亦有勤力狠辣嘅顏樂楓、談樂軒等，亦有可以打後一格踢攻中嘅中村佑人，配以年輕小將張憙延，雖然張憙延啱啱先從飛馬來投，但適應能力相當驚人，更表現出同年紀唔匹配嘅膽識同臨場判斷，交比曉明Sir 啄磨一番，他日必有作為。縱觀理文整條中場線，真係要乜有乜。曉明Sir 近年執料砌機，終於砌到部「屈機」出嚟啊！
終於要介紹前鋒線，今年嘅理文鋒線亦都進入收成期。澳門球王梁嘉恆今季極度當Fit，喺第二輪面對飛馬嘅賽事更加梅開二度，其中一球腳面控落嚟直接爆贏基斯，為自己製造半單刀機會，更加引證到佢喺保護皮球、速度同埋門方面嘅能力。如果嘉恆可以Keep 住如此火辣辣嘅狀態，相信可以成為理文前線嘅一把尖刀，甚至挑戰華人神射手寶座。此外，理文前線仲有外援基華尼頓同尼迪利。兩個人都有自己嘅缺憾，一個就識喪跑竄擾，但射術平平，另一個就把握力好，但體能隨年紀漸長而下滑。一凹一突嘅技術特點，就造就咗理文前線嘅最佳拍檔。一個拉空比另一個射，又或者假意傳波後突入禁區，眉來眼去嘅佢地相信會為一眾超聯後衛帶來大量麻煩。而即使事但一位尖刀表現下滑，邊路鋒將鄭兆鈞都隨時候命。相信咁多位有睇上屆賽事嘅朋友都見識到佢係邊路有幾咁活躍，具備速度、盤扭同射波能力。希望以上四子可以有良性競爭啦。
寫理文寫咗咁多，無非都係想帶出我覺得理文今屆即將收成，理文嘅陣容係相當完整。喺列強都有相當明顯嘅缺點之下，相信今屆理文冠軍可期。
預測來季排名：1
冠忠南區﹝去季排名：5﹞ - 兵源短缺、孤掌難鳴
去季表現乏善可陳嘅南區，先同合作咗好多年嘅鄭兆聰講聲拜拜，並將主教練重責交比列文，但贊助商財政不穩，雖然仲支持到球隊營運，但隊波嘅陣容就相當薄弱，新援較為搶鏡嘅就只有日援中場佐佐木周同葡國中場柏度文迪斯。睇完今季菁英盃，就更覺今季嘅南區荊棘滿途。
繼續由後防線講起，正選門將係港隊三號門將謝德謙，俊俏嘅外型唔係好關呢篇文事，佢一直表現穩定，但年紀亦已屆35歲之譜，喺李溢晉轉會流浪下，接班嘅重任就交咗比蔡子濤。睇咗幾場菁英盃嘅賽事，雖然未至於話派膠，始終好多位都係因為後防失位做成嘅運氣波或者必入波，但集中力亦有待改進，亦都未有頂級門將可以泰山壓頂嘅霸氣。之後點接班，就要睇謝德謙點樣將經驗傳授比新秀啦。繼續傾埋條後防線，後防線最對板嘅，相信係靚仔高達 – 川瀨浩太，除咗守備算﹝喺南區嘅表現下﹞叫相當穩健，有時角球攻勢上去助攻亦偶有斬獲。至於佢嘅拍檔就係教練兼球員列文。雖然列文有喺英超英冠征戰嘅經驗，但始終歲月催人老，轉身慢，Coverage 唔夠等嘅問題亦都好快浮現，比圖亦都有著入籍中堅嘅通病 – 轉身慢。如果再唔對症下藥，簽入中堅，後防就有如一大個窿，比對手嘅鋒線予取予攜。左右兩閘方面有積施利，陳港斌同…無啦。積施利雖然曾經喺中超打滾，但而家嘅積施利已經唔係當年嘅全盛時期，雖然個躉都仲係咁大，但上落助攻嘅速率已經減慢。要佢繼續做疊瓦式助攻可謂強人所難。至於陳港斌，我個人覺得佢做閘嚟講相當稱職，但始終只係左閘，爆破能力同傳送能力尚欠火候，未能為右中場喺進攻時帶嚟有效嘅支援，更顯中場嘅孤立無援。
中場方面，雖然簽入日本中場佐佐木周，此子球味十足，有著打不死嘅精神，加上日本出品嘅紮實基本功，可以話係一個靚簽，但可惜一隻手掌拍唔響，過去幾場波入面，縱使佢有幾努力，但單打獨鬥仍難有成果。佐佐木周嘅拍檔入面，劉浩霖質素唔差，但亦都未見好突出嘅表現。鄭進泓就始終年輕，雖然成長得好快，但擔大旗仍然言之尚早。中場線其中一個弱點，亦都在於後防線嘅輸送上面，喺過去幾場比賽，不難發現後防線同中場線有斷層，令球隊難以保護控球權同有效組織進攻。雖然過往嘅南區都唔係踢小組嘅球隊，但喺「大水牛」查維斯離隊下，球隊必須做更多嘅小組，喺「少爺仔」陳肇鈞被雪嘅情況下，唯有寄望柏度文迪斯盡快融入球隊，加強中場力量，同埋要睇下坐擁UEFA專業級教練資格嘅列文點調度啦。
前線方面可謂南區重症。多年嚟，南區一直依賴查維斯嘅身型做長傳急攻嘅支點。喺查維斯離隊後，前線重責就交咗比陳廣豪同子彈 夏志明同肥彭 史提芬彭利拿，雖然肥彭嘅身型都有返咁上下，但仍然難與查維斯相提並論，廣豪身位不足，子彈雖然有一定身型，但點都係叫佢跑，好過叫佢孭位。喺中後場未能提供有效嘅地波供應下，成班前鋒踢得相當辛苦。而查維斯嘅離去，亦都意味住前線體系完全轉變，廣豪都仲話有啲收穫，但子彈同肥彭亦尚未能融入新嘅進攻體系，導致出現季初嘅低潮。作為射手，除咗技術之外，仲相當需要信心。如果列文未能夠及時搵出前線進攻嘅策略，前鋒信心會每況越下，不斷輪迴，要避免不斷沉淪，列文嘅解藥就必需要及時出現。
來季預測排名：6
上次出文有人話2000字唔夠，今次寫夠三千。下次出文將會同大家睇下飛馬同流浪，希望大家多多支持！