面對亞洲二哥，踢返一場好波？- 港隊對伊朗嘅賽後點評 （中 - 中前場球員）
喺啱啱過去嘅六月三號，香港隊喺2022年世界盃亞洲區外圍賽出戰伊朗，喺北面嘅球會唔放人，同埋唔少入籍兵退隊嘅嘅情況下，兵源緊絀就成為咗港隊主帥麥柏倫需要煩惱嘅一大問題，但經過咗90分鐘嘅比賽，雖然港隊敗陣，但唔少球迷都對港隊嘅表現感到相當滿意。究竟邊個踢得好，又有邊個需要再進步呢？麥柏倫同教練團隊，喺呢幾日又需要做啲咩呢？以下喺小弟對每名球員嘅少少點評，並將會係文末講下成隊波整體嘅發揮，分析下隊波嘅強弱點。時不宜遲，即刻開波。
防守中場 – 黃洋 – 7分
同「唐文」一樣，黃洋今季喺傑志都係做一個精神領袖嘅角色，但或者因為比賽較少，令就嚟38歲嘅黃洋有更充沛嘅體力應付呢場大戰。除咗係中場位置作掃盪之外，更加有一兩球成功突破，可惜隊友未能及時支援而未竟全功，喺後段，進攻方面有更多球員支援，大哥可能係做一啲簡單嘅駁腳，但就顯示出佢紮實嘅基本功同大局觀。以一個職業生涯已經進入尾聲嘅球員嚟講，要喺一場咁高水平嘅賽事打防中仲要打足，心態上同體能上一定做足職業級嘅準備，黃洋大哥呢種職業態度，絕對值得後輩們學習。
防守中場 - 迪高 5分
迎嚟代表隊「地標戰」嘅防中迪高，表現亦都令人相當失望。喺集訓時間不足嘅情況下，迪高同班波明顯未算夾得好熟，中場嘅現位跑動亦都唔夠，無法成為後衛交波嘅目標，拖慢守轉攻嘅速率，亦令對手更放心壓前。到開龍門球嘅時候，相信麥柏倫安排咗佢做支點，二傳比中場打反擊，但面對伊朗嘅中場線，迪高爭頂成功嘅次數寥寥可數，令球隊輕易失去控球權。總括而言，迪高今場除咗有幾個頭鎚解圍之外，表現真係乏善足陳。要點樣運用呢位新加入港隊嘅入籍兵，定係用狀態大用嘅「光頭」顏樂楓取而代之？相信教練團都要諗諗啦。
防守中場 梁冠聰 5分
港隊上半場受壓嘅其中一個原因，出於中場嘅硬度不足。而中場發揮失色嘅，除咗迪高，仲有佢喺東方龍獅嘅隊由梁冠聰。梁冠聰嘅表現大概同迪高差唔多，以中場而言，覆蓋率唔高之餘亦未見佢Key 到波，全場只有一個阻止對手突擊嘅技術犯規，可以令人留下比較深刻嘅印象。當港隊中場線嘅覆蓋率唔高嘅時候，對方就可以輕鬆突破第一度防線，向港隊三閘線進攻，亦都解釋咗港隊初段受壓嘅原因。
左中場 孫銘謙 6分
如果喺呢一場要我揀一個地獄黑仔王，我諗我會揀孫銘。今次教練團將佢擺落左中場，但實質其實係半個翼位咁樣踢，受壓果陣就回後協助陳晉一，進攻時就希望用速度拉散伊朗。從球場上嘅表現睇，我覺得孫銘喺防務上尚算合格，對位比左路拍檔陳晉一準確同果斷，企位亦都相當正確，令伊朗隊去到邊線，都只能推落死位，第一個入球果陣，面對住Ali Gholizadeh，其實都成功封截對手入小禁區嘅路線，唔好彩嘅係之後個波彈返落對手腳下，加上射門再省中人先至入。加上上半場隻手唔聽駛，一個唔小心就係禁區邊輸個罰球，但兩者都可以話係無心之失，只能夠話佢黑仔啦。
但作為中場，我就覺得佢喺進攻方面比唔到支援隊友，令安永佳即使控到個波落嚟，都難以比到後上嘅孫銘。但眼見佢面對伊朗屢次來襲，協防嘅佢早已疲於奔命，所以亦無謂苛責呢位小將。希望孫銘可以吸收今次經驗，將來嘅表現可以更穩定同有信心啦！
右中場 徐宏傑 – 6.5分
雖然由效力流浪果陣開始，徐宏傑一直都係司職後衛，但係當佢係梅州同理文打閘嘅時候，一直都展示出唔錯嘅壓上能力，加上勤於走動補位，相信麥柏倫就係睇中咗呢兩點，轉而將佢推前一格，喺今仗擔任右中場嘅角色。由於中場全面被對手控制，傑仔今場主要企喺三閘線靠前少少，成為唐文前方嘅第一度屏障。而傑仔同唐文呢個「一老一嫩」嘅組合亦都配合得相當唔錯。但同左中場嘅孫銘一樣，傑仔都難以喺進攻方面比到好多支持安永佳，但以賽前部署而言，傑仔嘅表現絕對合格有餘。
中鋒 安永佳 – 8.5分
一個妙絕嘅頭鎚，展示出佢入楔同騰空嘅能力，展現出作菁英盃空中霸王嘅霸氣，令港隊喺伊朗身上取得一個難能可貴嘅入球。但安永佳嘅好表現，絕對唔單只果一個頭鎚。喺港隊排出鐵桶陣嘅情況之下，安永佳作為正中鋒，絕對係最孤立無援嘅一個，喺三四個高大嘅伊朗防守球員夾擊底下，牙佳做到一個中鋒最基本要做到嘅事 – 控到個波落嚟。但可惜中場嘅速率唔夠，令安永佳缺少左回後嘅選擇，令反攻斷纜。
當然，安永佳今場嘅表現亦唔係十全十美。雖然安永佳今場展現出佢背身拎波嘅能力，而中場嘅支援唔多亦都係事實，但面對身型更高大嘅伊朗後防，喺回後同即刻轉身打突擊方面嘅選擇，佢亦都真係可以做得更聰明。
港隊多年嚟都缺乏一個前線嘅Target Man，但經過今場之後，我哋搵到啦。記住佢，佢叫安永佳。
十一個正選嘅點評我就打晒啦，大家想唔想睇埋我對後備球員嘅點評呢，如果想睇嘅話，就分享多啲，叫多啲人睇，我就有動力寫架啦，今日到呢道先啦！
防守中場 – 黃洋 – 7分
同「唐文」一樣，黃洋今季喺傑志都係做一個精神領袖嘅角色，但或者因為比賽較少，令就嚟38歲嘅黃洋有更充沛嘅體力應付呢場大戰。除咗係中場位置作掃盪之外，更加有一兩球成功突破，可惜隊友未能及時支援而未竟全功，喺後段，進攻方面有更多球員支援，大哥可能係做一啲簡單嘅駁腳，但就顯示出佢紮實嘅基本功同大局觀。以一個職業生涯已經進入尾聲嘅球員嚟講，要喺一場咁高水平嘅賽事打防中仲要打足，心態上同體能上一定做足職業級嘅準備，黃洋大哥呢種職業態度，絕對值得後輩們學習。
防守中場 - 迪高 5分
迎嚟代表隊「地標戰」嘅防中迪高，表現亦都令人相當失望。喺集訓時間不足嘅情況下，迪高同班波明顯未算夾得好熟，中場嘅現位跑動亦都唔夠，無法成為後衛交波嘅目標，拖慢守轉攻嘅速率，亦令對手更放心壓前。到開龍門球嘅時候，相信麥柏倫安排咗佢做支點，二傳比中場打反擊，但面對伊朗嘅中場線，迪高爭頂成功嘅次數寥寥可數，令球隊輕易失去控球權。總括而言，迪高今場除咗有幾個頭鎚解圍之外，表現真係乏善足陳。要點樣運用呢位新加入港隊嘅入籍兵，定係用狀態大用嘅「光頭」顏樂楓取而代之？相信教練團都要諗諗啦。
防守中場 梁冠聰 5分
港隊上半場受壓嘅其中一個原因，出於中場嘅硬度不足。而中場發揮失色嘅，除咗迪高，仲有佢喺東方龍獅嘅隊由梁冠聰。梁冠聰嘅表現大概同迪高差唔多，以中場而言，覆蓋率唔高之餘亦未見佢Key 到波，全場只有一個阻止對手突擊嘅技術犯規，可以令人留下比較深刻嘅印象。當港隊中場線嘅覆蓋率唔高嘅時候，對方就可以輕鬆突破第一度防線，向港隊三閘線進攻，亦都解釋咗港隊初段受壓嘅原因。
左中場 孫銘謙 6分
如果喺呢一場要我揀一個地獄黑仔王，我諗我會揀孫銘。今次教練團將佢擺落左中場，但實質其實係半個翼位咁樣踢，受壓果陣就回後協助陳晉一，進攻時就希望用速度拉散伊朗。從球場上嘅表現睇，我覺得孫銘喺防務上尚算合格，對位比左路拍檔陳晉一準確同果斷，企位亦都相當正確，令伊朗隊去到邊線，都只能推落死位，第一個入球果陣，面對住Ali Gholizadeh，其實都成功封截對手入小禁區嘅路線，唔好彩嘅係之後個波彈返落對手腳下，加上射門再省中人先至入。加上上半場隻手唔聽駛，一個唔小心就係禁區邊輸個罰球，但兩者都可以話係無心之失，只能夠話佢黑仔啦。
但作為中場，我就覺得佢喺進攻方面比唔到支援隊友，令安永佳即使控到個波落嚟，都難以比到後上嘅孫銘。但眼見佢面對伊朗屢次來襲，協防嘅佢早已疲於奔命，所以亦無謂苛責呢位小將。希望孫銘可以吸收今次經驗，將來嘅表現可以更穩定同有信心啦！
右中場 徐宏傑 – 6.5分
雖然由效力流浪果陣開始，徐宏傑一直都係司職後衛，但係當佢係梅州同理文打閘嘅時候，一直都展示出唔錯嘅壓上能力，加上勤於走動補位，相信麥柏倫就係睇中咗呢兩點，轉而將佢推前一格，喺今仗擔任右中場嘅角色。由於中場全面被對手控制，傑仔今場主要企喺三閘線靠前少少，成為唐文前方嘅第一度屏障。而傑仔同唐文呢個「一老一嫩」嘅組合亦都配合得相當唔錯。但同左中場嘅孫銘一樣，傑仔都難以喺進攻方面比到好多支持安永佳，但以賽前部署而言，傑仔嘅表現絕對合格有餘。
中鋒 安永佳 – 8.5分
一個妙絕嘅頭鎚，展示出佢入楔同騰空嘅能力，展現出作菁英盃空中霸王嘅霸氣，令港隊喺伊朗身上取得一個難能可貴嘅入球。但安永佳嘅好表現，絕對唔單只果一個頭鎚。喺港隊排出鐵桶陣嘅情況之下，安永佳作為正中鋒，絕對係最孤立無援嘅一個，喺三四個高大嘅伊朗防守球員夾擊底下，牙佳做到一個中鋒最基本要做到嘅事 – 控到個波落嚟。但可惜中場嘅速率唔夠，令安永佳缺少左回後嘅選擇，令反攻斷纜。
當然，安永佳今場嘅表現亦唔係十全十美。雖然安永佳今場展現出佢背身拎波嘅能力，而中場嘅支援唔多亦都係事實，但面對身型更高大嘅伊朗後防，喺回後同即刻轉身打突擊方面嘅選擇，佢亦都真係可以做得更聰明。
港隊多年嚟都缺乏一個前線嘅Target Man，但經過今場之後，我哋搵到啦。記住佢，佢叫安永佳。
十一個正選嘅點評我就打晒啦，大家想唔想睇埋我對後備球員嘅點評呢，如果想睇嘅話，就分享多啲，叫多啲人睇，我就有動力寫架啦，今日到呢道先啦！