路夫蘭：半場果陣我地應該當賽果只係零比零

路夫蘭於賽和紐卡素後發表了以下言論

「半場果陣，我地應該當賽果只係零比零，我地下半場開局十分差，所以紐卡素係晏菲路能夠袋分落袋，係十分值得。同對多蒙特果陣一樣，你能夠改變一切，只要你想，你可以入多兩球，被追和後，我地有機會入波，但係我地做唔到。」


路夫蘭同時認為球隊集中力不足

「我地唔會滿足於呢個賽果，我地上半場有好好既表現，領先兩球，但係最尾比人入番兩球。我地自己都好唔滿意，上半場明明踼得好好，再次顯示到我地既質素，但係我諗我地需要從今次既教訓中學習。」

週中即將作客維拉利爾，該名克羅地亞後衛相信，對賽紐卡素，後備席上得到充份休息既球員，好快會令高普忘記今仗既痛苦回憶。

「我地有幾位隊友受左傷，同埋今仗都有幾位球員都於後備席休息，下場佢地將會回歸陣中。我認為我地正處於十分好既狀態，所以我地應該盡快忘記今日呢個唔好既表現。」


筆者認為，路夫蘭講出一個重點，利物浦海鮮波既一大成因就係心理質素問題。下半場樂見托尼叔見球隊處於劣勢時曾對隊友作出鼓勵，可惜事與願違。

*新開設既Facebook專頁，想更緊貼利物浦既最新資料就Like啦!
Facebook專頁 : https://www.facebook.com/melwoodinhk/


Source: http://www.liverpoolfc.com/news/first-team/218142-lovren-we-must-think-like-it-s-0-0-at-half-time