瘋狂世界盃補習社（三），點解要玩世界盃集圖冊？
要做個忠肝義膽的世界盃極度狂熱份子，今日你大可以親身遠赴當地睇波，狂掃世界盃官方推出的紀念品云云。但係要數返30幾年前的話，年紀輕輕的你 (或我) 要在世界盃舉行之前接觸它，最直接而唯一的方法，就係去書報攤買本Panini世界盃集圖册是也。打開陳年書櫃，小弟儲的第一本Panini並不是世界盃系列，而係一本叫做《The World of Survival》的集圖册，詳述各類型的野生動物，好鬼有趣，時為1986年之事兒了。至於首本儲的世界盃集圖册，是1990年意大利世界盃，不過今日翻開書櫃竟不見影蹤，莫非早年搬屋期間「連櫃帶册」一併回歸堆填區？
玩集圖册，其實小弟並非專家，多年來只是玩了90、94及98這三屆，仲要每屆都儲唔齊，吉位頗多。今年世界盃舉行前夕，小弟心癢癢想緬懷一番，卻又怕遭其他人恥笑「咁大個人仲玩埋啲低能嘢」，於是在儲集圖册期間一直小心翼翼不欲向外公佈，然而當我在面書看到一個名為「香港 Panini 集圖冊貼紙同盟會」的群組之時，方發現我的過份擔憂根本是多餘。
今時今日儲集圖册，只要你肯洗少少錢 (我就用咗$1000儲齊全册)，以及運用科技 (即係面書)，儲唔齊已經無乜可能。在瘋狂儲集圖册期間，小弟在群組不停地留post，ching前ching後詢問各位大大有無12、98、109、288、567等冧把，回覆時間極快，然後又pm前pm後約邊度幾點交收？交收見面，才察覺其實眼前的ching根本就是細細嗰玩開集圖册嗰班70後人仔。30年後的2018年，我們終究長大了，經濟能力充裕了，不用再好似當年苦苦哀求阿媽俾幾蚊買集圖册咁乞求。「所有師兄都歸位了！所有回憶都返哂嚟啦！」千金易得，師兄難求，集圖貼紙交換大會上嗰份全場大細路瘋狂叫囂並認真做別人眼中的傻事，的確此刻無價。
資料來源：men's uno (http://hk.mensuno.asia/node/%E7%98%8B%E7%8B%82%E4%B8%96%E7%95%8C%E7%9B%83%E8%A3%9C%E7%BF%92%E7%A4%BE%EF%BC%88%E4%B8%89%EF%BC%89-9866)
本文由《men's uno》授權報導，未經同意禁止轉載。
玩集圖册，其實小弟並非專家，多年來只是玩了90、94及98這三屆，仲要每屆都儲唔齊，吉位頗多。今年世界盃舉行前夕，小弟心癢癢想緬懷一番，卻又怕遭其他人恥笑「咁大個人仲玩埋啲低能嘢」，於是在儲集圖册期間一直小心翼翼不欲向外公佈，然而當我在面書看到一個名為「香港 Panini 集圖冊貼紙同盟會」的群組之時，方發現我的過份擔憂根本是多餘。
今時今日儲集圖册，只要你肯洗少少錢 (我就用咗$1000儲齊全册)，以及運用科技 (即係面書)，儲唔齊已經無乜可能。在瘋狂儲集圖册期間，小弟在群組不停地留post，ching前ching後詢問各位大大有無12、98、109、288、567等冧把，回覆時間極快，然後又pm前pm後約邊度幾點交收？交收見面，才察覺其實眼前的ching根本就是細細嗰玩開集圖册嗰班70後人仔。30年後的2018年，我們終究長大了，經濟能力充裕了，不用再好似當年苦苦哀求阿媽俾幾蚊買集圖册咁乞求。「所有師兄都歸位了！所有回憶都返哂嚟啦！」千金易得，師兄難求，集圖貼紙交換大會上嗰份全場大細路瘋狂叫囂並認真做別人眼中的傻事，的確此刻無價。
資料來源：men's uno (http://hk.mensuno.asia/node/%E7%98%8B%E7%8B%82%E4%B8%96%E7%95%8C%E7%9B%83%E8%A3%9C%E7%BF%92%E7%A4%BE%EF%BC%88%E4%B8%89%EF%BC%89-9866)
本文由《men's uno》授權報導，未經同意禁止轉載。