瘋狂世界盃補習社（五），中東王子好識搞氣氛
有睇今屆世界盃揭幕戰的話，最惹笑的場面當然不是主辦國俄羅斯大炒沙特5蛋，而是席上兩國領袖的神情交流，俄羅斯總統普京自然是座上客啦，至於坐佢側邊的兩位仁兄一樣鼎鼎大名，分別是國際足協主席恩芬天奴以及沙特王子艾沙特。
未踢呢場波之前，個個都話沙特有得打，睇返兩國的國際足協排名都係爭3位而已，實力理應相當接近。可是，現實終究是殘酷，俄羅斯入吓一球，入吓又一球，不知不覺間入夠5球先肯收腳，而坐在主家席上的普京，只能一次又一次攤大手板向沙特王子艾沙特表示無奈，王子仲好有體育精神繼續睇住自己國家隊點樣派蛋獻醜。其實，艾沙特無進一步行動已經相當克制，畀著30幾年前的中東國王真係衝落球場喝停球賽進行，仲煽動球員集體抗議離場以示不公允。唔信？1982年世界盃，科威特就向世人示範了一次中東王子「大過天」的史實。
當年喺西班牙舉行的世界盃，有幸代表亞洲出賽的國家就只有科威特。初賽對陣法國，輸波其實都係意料中事，結果完場前法國靠居理斯再入一球成4-1。突然之間，一名科威特王室成員無端端衝入球場向球證投訴，表示科威特球員誤將場外哨子聲當成球證已嗚笛完場，並且要求球證判入球無效，否則就拉隊離場。為免場內局面進一步惡化，球證妥協判入球無效，但最終法國都係入多一球，仍以4-1勝出。後來國際足協高調處理事件，除了判該入球有效外，同時罰主球證終生不可執法，以及向該王室成員罰款一萬美元。這場比賽亦促成國際足協修例，任何人士不得進入場內，以免與球證爭論而影響判決。所以你話艾沙特係咪好有品呢。
資料來源：men's uno (http://hk.mensuno.asia/node/%E7%98%8B%E7%8B%82%E4%B8%96%E7%95%8C%E7%9B%83%E8%A3%9C%E7%BF%92%E7%A4%BE%EF%BC%88%E4%BA%94%EF%BC%89-9868)
本文由《men's uno》授權報導，未經同意禁止轉載。
未踢呢場波之前，個個都話沙特有得打，睇返兩國的國際足協排名都係爭3位而已，實力理應相當接近。可是，現實終究是殘酷，俄羅斯入吓一球，入吓又一球，不知不覺間入夠5球先肯收腳，而坐在主家席上的普京，只能一次又一次攤大手板向沙特王子艾沙特表示無奈，王子仲好有體育精神繼續睇住自己國家隊點樣派蛋獻醜。其實，艾沙特無進一步行動已經相當克制，畀著30幾年前的中東國王真係衝落球場喝停球賽進行，仲煽動球員集體抗議離場以示不公允。唔信？1982年世界盃，科威特就向世人示範了一次中東王子「大過天」的史實。
當年喺西班牙舉行的世界盃，有幸代表亞洲出賽的國家就只有科威特。初賽對陣法國，輸波其實都係意料中事，結果完場前法國靠居理斯再入一球成4-1。突然之間，一名科威特王室成員無端端衝入球場向球證投訴，表示科威特球員誤將場外哨子聲當成球證已嗚笛完場，並且要求球證判入球無效，否則就拉隊離場。為免場內局面進一步惡化，球證妥協判入球無效，但最終法國都係入多一球，仍以4-1勝出。後來國際足協高調處理事件，除了判該入球有效外，同時罰主球證終生不可執法，以及向該王室成員罰款一萬美元。這場比賽亦促成國際足協修例，任何人士不得進入場內，以免與球證爭論而影響判決。所以你話艾沙特係咪好有品呢。
資料來源：men's uno (http://hk.mensuno.asia/node/%E7%98%8B%E7%8B%82%E4%B8%96%E7%95%8C%E7%9B%83%E8%A3%9C%E7%BF%92%E7%A4%BE%EF%BC%88%E4%BA%94%EF%BC%89-9868)
本文由《men's uno》授權報導，未經同意禁止轉載。