男人有話兒（７）同女友行街
如果你以為我會寫同女朋友行街幾可憐幾慘，你就錯啦！
其實對男人黎講，同女朋友行街，有時係一種好好既舒壓活動。
無論你個日有咩煩惱，心情有幾唔好。當你同女朋友漫無目的係街上閒逛，好自然會將所有唔開心野擺埋一邊。
聽佢講下無聊野，聽佢鬧下邊個八婆幾咁八婆。其實佢講咩唔係最重要，去邊都唔緊要，只要有佢係你身邊一齊行，你就會覺得好放鬆好舒服。
好多人以為女人先需要男人俾安全感佢地，其實男人都好需要安全感。而同女朋友行街正正可以令男人得到呢種「安全感」。因為只有當你同女朋友行街既時候，你會知道係個一刻，可以咩都唔洗理，放低一切凡塵雜務，只需全心全意陪自己心愛既人穿梭大街小巷。
男人行街同女人行街好唔同，女人行街可以行兩三個鐘唔知買咩（或者咩都想買）。
男人行街係出門口之前已經好清楚自己要買咩，求其換件衫搭車出旺角信和買完坐番車番屋企，加埋都唔洗半個鐘。
仿佛女人天生就鐘意行街，就算明知自己糧尾無錢買野，佢地都會想睇下過下心癮。
女人行街，重點係行。好似變番三歲細路女，見到咩都開心大發現咁。你好少見到兩個麻甩佬會因為見到一個新出既得意手機殼而咿嘩鬼叫跑去人地店舖門口。
但女朋友就算見到幾無聊野都開心一餐，見到佢咁開心，潛移默化之下你都會好自然被佢影響，連你都開心埋一份。最後你陪佢行街，唔只係為咗佢開心，反而係佢令到你開心番。
柳臣曾經以為情侶要氹對方開心一定要花好多心機，精心設計做曬棟篤笑又或者山長水遠睇紅葉落霞。但原來只要佢係你身邊，就已經會令你開心。
另一樣陪女朋友行街既必經階段，就係發掘你既潛能。平時作為死毒宅廢青既你，一同女朋友出街，就會發現自己係幾咁多才多藝。
因為你除左係「自動揹袋拎野機」之外，仲係「得意野偵探」，以及「防走光防撞車人肉氣墊」，同埋「人肉導盲ＧＰＳ」外加『「件衫著得你好靚啊」評論員』。
必要時，你仲要做埋佢既「獨家政治評論員，科學解說員，爛ＧＡＧ王，手機及其充電器保管員」等等等等，真係七十二變都唔止。
同女朋友一齊愈耐，你可能會開始覺得煩厭，甚至感情會變淡。好正常。因為你已經漸漸忘記咗個種同女朋友一齊行街既療癒感覺。
柳臣fb：https://www.facebook.com/pages/%E6%9F%B3%E8%87%A3/802134759816720
其實對男人黎講，同女朋友行街，有時係一種好好既舒壓活動。
無論你個日有咩煩惱，心情有幾唔好。當你同女朋友漫無目的係街上閒逛，好自然會將所有唔開心野擺埋一邊。
聽佢講下無聊野，聽佢鬧下邊個八婆幾咁八婆。其實佢講咩唔係最重要，去邊都唔緊要，只要有佢係你身邊一齊行，你就會覺得好放鬆好舒服。
好多人以為女人先需要男人俾安全感佢地，其實男人都好需要安全感。而同女朋友行街正正可以令男人得到呢種「安全感」。因為只有當你同女朋友行街既時候，你會知道係個一刻，可以咩都唔洗理，放低一切凡塵雜務，只需全心全意陪自己心愛既人穿梭大街小巷。
男人行街同女人行街好唔同，女人行街可以行兩三個鐘唔知買咩（或者咩都想買）。
男人行街係出門口之前已經好清楚自己要買咩，求其換件衫搭車出旺角信和買完坐番車番屋企，加埋都唔洗半個鐘。
仿佛女人天生就鐘意行街，就算明知自己糧尾無錢買野，佢地都會想睇下過下心癮。
女人行街，重點係行。好似變番三歲細路女，見到咩都開心大發現咁。你好少見到兩個麻甩佬會因為見到一個新出既得意手機殼而咿嘩鬼叫跑去人地店舖門口。
但女朋友就算見到幾無聊野都開心一餐，見到佢咁開心，潛移默化之下你都會好自然被佢影響，連你都開心埋一份。最後你陪佢行街，唔只係為咗佢開心，反而係佢令到你開心番。
柳臣曾經以為情侶要氹對方開心一定要花好多心機，精心設計做曬棟篤笑又或者山長水遠睇紅葉落霞。但原來只要佢係你身邊，就已經會令你開心。
另一樣陪女朋友行街既必經階段，就係發掘你既潛能。平時作為死毒宅廢青既你，一同女朋友出街，就會發現自己係幾咁多才多藝。
因為你除左係「自動揹袋拎野機」之外，仲係「得意野偵探」，以及「防走光防撞車人肉氣墊」，同埋「人肉導盲ＧＰＳ」外加『「件衫著得你好靚啊」評論員』。
必要時，你仲要做埋佢既「獨家政治評論員，科學解說員，爛ＧＡＧ王，手機及其充電器保管員」等等等等，真係七十二變都唔止。
同女朋友一齊愈耐，你可能會開始覺得煩厭，甚至感情會變淡。好正常。因為你已經漸漸忘記咗個種同女朋友一齊行街既療癒感覺。
柳臣fb：https://www.facebook.com/pages/%E6%9F%B3%E8%87%A3/802134759816720