三招學識買禮物哄女友開心
買禮物從來都係男友既必修科，而且影響重大，一個唔小心隨時送禮變送死！
為咗令各位男士知道到底女友想要咩禮物，等柳臣同大家上番個速成班。只要你謹記以下三招，包你以後送禮物送得放心，女友又收得開心。
首先，有幾句廢話千祈唔好信，無論係朋友同你講定係女友親自同你講。
例如：「唔洗貴架，最緊要有用／有心思／女友鐘意。」呢啲講咗等於無講，講完都係唔知買咩既，一概都係廢話。
鬼唔知最好買份禮物又平又靚又正又岩用女友又好鐘意咩！買到就唔洗問你啦！
一，只有你地自己先明既禮物你開過既玩笑，佢搞過既爛GAG。每對情侶都總有幾個無聊白痴而只有你地互相之間先明既爛GAG。
買樣野同個件你地之間既小事有關既禮物，比喻你地曾經開過一個貓耳既玩笑，你可以買頂貓耳帽俾佢。
好處一：表現出你記得你地之間既對話，你重視佢，佢會覺得好開心。
好處二：呢類禮物，多數都唔洗花你好多錢。
注意一：唔可以事隔太遠，太無關。你唔好十年前講過一個笑話，然後十年後先送個份禮物俾佢，佢老早就已經無曬印象。
注意二：記住目的係要佢覺得你有心思，令佢笑，而唔係要實用。唔好因為你笑過佢肥然後買減肥藥俾佢．．．．．．
二，得意野
呢個就比較大類啦，任何可愛野，得意野。多啲注意佢平時鐘意啲咩，有人特別鐘意公仔，有人特別鐘意朱古力，有人特別鐘意手套。
你識hand-made當然好啦，不過如果你信唔過自己手藝既，麻煩閣下都係老老實實花少少錢去買啦！
好處一：簡單。就算係女友再男仔頭，佢都會鐘意某啲野，只要你平時有聽佢提起過，就可以保證安全過關。
注意一：整要整定，買要訂定。得意野有啲都幾難搵／整下，可能需要一段時間預備，千祈唔好臨急抱佛腳。
三，貴野
一個字講完。貴。如果你又無你地之間既秘密，又唔知佢鐘意咩（喂！你到底係咪佢男朋友黎架？！），都唔緊要，仲有最後一招！
保底保你不死。買貴野，唔係話女人都鐘意貴野，而係貴本身就係一種心意。你自己諗下，如果你收到一份禮物成萬蚊既，唔理有冇用，你都會覺得個個朋友一定好重視你，先會買咁貴既野送俾你。所以如果上面兩招都幫你唔到，就記住呢招必殺技，一字記之曰：貴！
順便提一句，除非你本人係時裝設計師，仲要專設計女裝，唔係的話，唔好送衫！！！
一黎你買既衫唔一定襯，二黎你識條鐵揀女裝衫，三黎你買咩碼都會死！
買大左佢覺得你話佢肥，買細左佢覺得你睇佢唔起。所以，唔好送衫！！！
希望大家睇完以後識得買禮物俾女友啦。
為咗令各位男士知道到底女友想要咩禮物，等柳臣同大家上番個速成班。只要你謹記以下三招，包你以後送禮物送得放心，女友又收得開心。
.jpg)
首先，有幾句廢話千祈唔好信，無論係朋友同你講定係女友親自同你講。
例如：「唔洗貴架，最緊要有用／有心思／女友鐘意。」呢啲講咗等於無講，講完都係唔知買咩既，一概都係廢話。
鬼唔知最好買份禮物又平又靚又正又岩用女友又好鐘意咩！買到就唔洗問你啦！
一，只有你地自己先明既禮物你開過既玩笑，佢搞過既爛GAG。每對情侶都總有幾個無聊白痴而只有你地互相之間先明既爛GAG。
買樣野同個件你地之間既小事有關既禮物，比喻你地曾經開過一個貓耳既玩笑，你可以買頂貓耳帽俾佢。
好處一：表現出你記得你地之間既對話，你重視佢，佢會覺得好開心。
好處二：呢類禮物，多數都唔洗花你好多錢。
注意一：唔可以事隔太遠，太無關。你唔好十年前講過一個笑話，然後十年後先送個份禮物俾佢，佢老早就已經無曬印象。
注意二：記住目的係要佢覺得你有心思，令佢笑，而唔係要實用。唔好因為你笑過佢肥然後買減肥藥俾佢．．．．．．
二，得意野
呢個就比較大類啦，任何可愛野，得意野。多啲注意佢平時鐘意啲咩，有人特別鐘意公仔，有人特別鐘意朱古力，有人特別鐘意手套。
你識hand-made當然好啦，不過如果你信唔過自己手藝既，麻煩閣下都係老老實實花少少錢去買啦！
好處一：簡單。就算係女友再男仔頭，佢都會鐘意某啲野，只要你平時有聽佢提起過，就可以保證安全過關。
注意一：整要整定，買要訂定。得意野有啲都幾難搵／整下，可能需要一段時間預備，千祈唔好臨急抱佛腳。
三，貴野
一個字講完。貴。如果你又無你地之間既秘密，又唔知佢鐘意咩（喂！你到底係咪佢男朋友黎架？！），都唔緊要，仲有最後一招！
保底保你不死。買貴野，唔係話女人都鐘意貴野，而係貴本身就係一種心意。你自己諗下，如果你收到一份禮物成萬蚊既，唔理有冇用，你都會覺得個個朋友一定好重視你，先會買咁貴既野送俾你。所以如果上面兩招都幫你唔到，就記住呢招必殺技，一字記之曰：貴！
順便提一句，除非你本人係時裝設計師，仲要專設計女裝，唔係的話，唔好送衫！！！
一黎你買既衫唔一定襯，二黎你識條鐵揀女裝衫，三黎你買咩碼都會死！
買大左佢覺得你話佢肥，買細左佢覺得你睇佢唔起。所以，唔好送衫！！！
希望大家睇完以後識得買禮物俾女友啦。