男人有話兒（８）「等溝」即「待沽」法則
永遠不要對一個喜歡四處說自己「無人追」的女性展開追求。男人追女仔都係希望歡愉，我相信無人係為左尋求自虐。為此，所有男人都應該對「無人追」既女人避之則吉。
好多男人一聽到女人話自己無人追，就覺得對方易追，認為自己有機會。但呢種諗法完全錯曬！
其實呢種行為係主動將魚杆交比對方，然後自己跳落海做魚。係，漁夫係會唔介意釣起你，但係只係順手。最後係劏左你，定放生你，個選擇權就會去左女方身上。男人首先要明白，追同被追既關係。追本身係主動，而追一個鐘意聲明自己「無人追」既人，就會變成被動。
女人講得出「無人追」，當中係有包含左幾個危險既潛藏信息。
1)佢覺得「被人追」對佢黎講係「正常」，引申出佢既世界觀裡面，覺得「無人追」係唔正常。
如果唔係，佢就唔會成日講「無人追」啦！正如你都唔會次次見到有人去廁所，你就指住對方話：「去廁所啊！」如果無人追係正常，佢根本唔會好似個怨婦咁不時念茲在茲。
一個無時無刻都覺得自己應份被人追既女人，可見其自我價值之高，點會係一個普通男人有資格追既女人，有咩可能易追？
2)女人講「無人追」，完全唔係自卑既表現，相反佢係覺得自己有價值，只係無人追。呢種女人心裡面其實不斷同自己講「其實我都唔係咁差姐？啊邊個邊個咁都有男朋友，點解無人追我？」。呢種女人其實非常自傲同有自尊，係揀男朋友上比起個啲唔會開口埋口話自己會人追既女人更加高要求，絕對唔係男人諗得咁隨便。男人要知道，聲稱自己無人追，有時都係一種身價既展示。正如真係覺得自己肥而無自信既女人根本唔會係你面前自己提出肥呢個字（欣宜例外，咁欣宜係明星啊！）。
換個講法，呢種女人亦都覺得女人係應該備受兩個高質既男主角競爭，講自己無人追成為佢地既一種營銷策略，就好似幫一塊高價地塑造出一副無人發現既爛地既形象咁。
咁只要有男人發掘到自己少少既優點，都會覺得自己執到寶。
但呢個講法之所以成立，前設正正係呢種女人真係當左自己係市場上既一件貨物，同時更認為自己係一塊高價地，而無考慮過自己可能真係只係一塊爛地。
3)話自己無人追既女人，擺明了一種等溝心態。講白啲就係佢覺得點解對方唔黎溝佢。
咩人會大安旨意等溝呢？等溝既女人，就好似待沽既股票一樣，你買梗佢會升既，咪可以「待沽」囉。覺得自己好有潛力，覺得自己升值中，無人追先至會係一種宣言。
而且為左保障自己製造出黎既呢個資料泡沫，你估佢到有一個佢唔鐘意既人追佢既時候，佢會唔會日日同人講自己有人追啊？當然唔會啦！
佢直到出pool之前個一秒，佢都會係「無人追」。隨時上一秒仲係「無人追」，下一秒就放閃閃盲你。
睇清楚個邏輯關係：高質股會待沽，唔等於待沽既就係高質股。而話比人聽無人追正正既用等溝黎引男人上釣。唔係話女人奸，只可以話男人蠢。
4)即使撇除上述咁多咁多理由，就算佢真係真係「無人追」。
男人都唔應該追呢種女人。因為市場係最現實既，無人追咪姐係賣唔出既次貨。
男人都知道自己追女仔既時候要求幾低架啦！（女的，活的。大致上標準係咁架姐！）咁都一直無人追，佢問題一定好嚴重，你都仲要覺得自己執到寶？真係咁大隻蛤乸隨街跳咩？你有冇見過小龍女一日到黑跑去全真教度同啲道士講自己無人追啊？
古有此地無銀掘，今有此女無人追？咁你都信？
好多男人一聽到女人話自己無人追，就覺得對方易追，認為自己有機會。但呢種諗法完全錯曬！
其實呢種行為係主動將魚杆交比對方，然後自己跳落海做魚。係，漁夫係會唔介意釣起你，但係只係順手。最後係劏左你，定放生你，個選擇權就會去左女方身上。男人首先要明白，追同被追既關係。追本身係主動，而追一個鐘意聲明自己「無人追」既人，就會變成被動。
女人講得出「無人追」，當中係有包含左幾個危險既潛藏信息。
1)佢覺得「被人追」對佢黎講係「正常」，引申出佢既世界觀裡面，覺得「無人追」係唔正常。
如果唔係，佢就唔會成日講「無人追」啦！正如你都唔會次次見到有人去廁所，你就指住對方話：「去廁所啊！」如果無人追係正常，佢根本唔會好似個怨婦咁不時念茲在茲。
一個無時無刻都覺得自己應份被人追既女人，可見其自我價值之高，點會係一個普通男人有資格追既女人，有咩可能易追？
2)女人講「無人追」，完全唔係自卑既表現，相反佢係覺得自己有價值，只係無人追。呢種女人心裡面其實不斷同自己講「其實我都唔係咁差姐？啊邊個邊個咁都有男朋友，點解無人追我？」。呢種女人其實非常自傲同有自尊，係揀男朋友上比起個啲唔會開口埋口話自己會人追既女人更加高要求，絕對唔係男人諗得咁隨便。男人要知道，聲稱自己無人追，有時都係一種身價既展示。正如真係覺得自己肥而無自信既女人根本唔會係你面前自己提出肥呢個字（欣宜例外，咁欣宜係明星啊！）。
換個講法，呢種女人亦都覺得女人係應該備受兩個高質既男主角競爭，講自己無人追成為佢地既一種營銷策略，就好似幫一塊高價地塑造出一副無人發現既爛地既形象咁。
咁只要有男人發掘到自己少少既優點，都會覺得自己執到寶。
但呢個講法之所以成立，前設正正係呢種女人真係當左自己係市場上既一件貨物，同時更認為自己係一塊高價地，而無考慮過自己可能真係只係一塊爛地。
3)話自己無人追既女人，擺明了一種等溝心態。講白啲就係佢覺得點解對方唔黎溝佢。
咩人會大安旨意等溝呢？等溝既女人，就好似待沽既股票一樣，你買梗佢會升既，咪可以「待沽」囉。覺得自己好有潛力，覺得自己升值中，無人追先至會係一種宣言。
而且為左保障自己製造出黎既呢個資料泡沫，你估佢到有一個佢唔鐘意既人追佢既時候，佢會唔會日日同人講自己有人追啊？當然唔會啦！
佢直到出pool之前個一秒，佢都會係「無人追」。隨時上一秒仲係「無人追」，下一秒就放閃閃盲你。
睇清楚個邏輯關係：高質股會待沽，唔等於待沽既就係高質股。而話比人聽無人追正正既用等溝黎引男人上釣。唔係話女人奸，只可以話男人蠢。
4)即使撇除上述咁多咁多理由，就算佢真係真係「無人追」。
男人都唔應該追呢種女人。因為市場係最現實既，無人追咪姐係賣唔出既次貨。
男人都知道自己追女仔既時候要求幾低架啦！（女的，活的。大致上標準係咁架姐！）咁都一直無人追，佢問題一定好嚴重，你都仲要覺得自己執到寶？真係咁大隻蛤乸隨街跳咩？你有冇見過小龍女一日到黑跑去全真教度同啲道士講自己無人追啊？
古有此地無銀掘，今有此女無人追？咁你都信？