閉起雙眼你最掛念誰

或者呢個世界上，真係有種得唔到既愛情。去到一刻，你會明白你地都唔屬於對方。
然後佢係你心目中，慢慢變成個個閉起雙眼最掛念既人。

係你決定放手個秒開始，你就知道，就算有一天，你會張開眼睛再去同另一個人一齊。
但係到當你一個人靜落黎既時候，你會合上雙眼重新回想起，個個已經錯過既人。
即使你並未曾相信命中注定，你都會概嘆你地命中注定唔能夠一生一世。
每個人係愛情路上都總會有所遺憾，就好似個個經典故事所講：你走入森林，搵一顆最大最靚既蘋果。然而只有當你走完成個森林，你先會知道，你已經錯過了最好的蘋果。於是你後悔，你掛念，你難以放下，直到你終於肯執起一個無咁大，無咁靚，但係睇落都令你覺得舒服既蘋果，然後走出呢個森林。

有時合上雙眼睇野，會比張開眼時更清晰。因為係漆黑之中，你再無能力去欺騙自己，內心係呢個時候就會呈現出最真實既想法。
無論你有多愛現時身邊的那位，你也無法阻止自己閉起雙眼時，心裡掛念著誰。
因為只需要閉上眼睛，佢既身影就會自動係你腦海中浮現。
閉起雙眼你最掛念誰，你敢說嗎？