一百樣男人永遠搞不懂女人的事？│為什麼女生的（房間／袋）可以這麼亂？│〈１〉

一般而言，柳臣好少寫野既時候心入面無答案。但今次唔同，今次柳臣都無答案，因為柳臣都係一個男人。
一百個為什麼（男生版），男人永遠搞不懂女人的事？每次寫幾個，大家一齊討論吓到底女人有幾難明啦！

１）為什麼女生的（房間／袋）可以這麼亂？
如果問我最唔明女生啲咩，呢個問題一直係名列前茅。
我相信好多男生都會覺得男仔比較唔介意乾淨，間房應該會亂啲。
所以每個男生見到女生房間，都一定係嘩一聲。點解你平時執到咁示正，間房可以亂到咁，所有野都係佢唔應該出現既位置。係床上既書，係地上既衫，一枱化妝品風筒仲有好多你講唔出係咩既裝備，隨便放係工作既枱面，如果唔講，仲以為佢間房岩岩被人打劫完。

其次係袋，無論係銀包、揹袋、背包。你都覺得，佢地應該係從未來黎既哆啦A夢，你永遠唔知佢地袋入面要黎放咩。
點解咁重？！你放十斤重既石頭做負重鍛鍊？重都唔緊要，入面亂既程度同佢地間房不相伯仲。如果佢要你幫佢係個袋入面搵一樣野，呢個已經係一個尋寶遊戲。
而且你最後總係搵唔到。因為，佢個袋雖然又重又亂，好似好多野，但永遠無佢需要既野。
外套？冇！紙巾？冇！雨傘？冇！膠布？冇！止痛藥，阿士匹靈，感冒藥？冇冇冇！
裡面肯定係裝左啲我睇唔到既野，例如隱形戰機？既然你個袋咁重，點解唔帶啲有用既野？
２）為什麼行街可以無目的？
第二個問題相信好多男生都唔明。就係行街。無女人唔鐘意行街，每次行街都可以行上一整天。
但係行街還行街，女人行街係唔一定有野想買。
男人行街往往係有目的性的，我想買對新鞋，我想去睇下新既模型，我想去食野，睇戲。
當男人知道自己要做咩，決定咗，佢先會行出街。
女人完全相反，約朋友行，約男友行，對女人黎講，行街本身就係一個活動。
有咩好行？就咁係條街，係個商場度行黎行去，點解女人咁鐘意行街？男人永遠諗爆頭。
仲有，個幾個商場你唔係行慣行熟架咩？咪又係個啲野？點解可以隔幾日就去行一次，唔悶架咩？

３）為什麼需要咁多個袋？
承第一個問題，點解需要咁多個袋？出街一個，番學一個，去玩一個，有必要嗎？
而且每多一個袋，女人就多50%帶漏野。女生可以將鑰匙放係一個袋，然後因為佢覺得另一個袋靚，就帶咗另一個袋出街，然後又唔執袋。
如果你覺得個袋唔靚，一開始唔買佢咪得囉？男生完全不解欸！袋多了是能幹嘛？女生們知道嗎？男生除了不需要那麼多袋之外，男生甚至可以完全不帶袋出街呢！只要把鑰匙銀包電話往褲袋一攝，男生就可以出門。

男士們仲有咩你諗極都唔明歡迎留言一齊討論，女士們知答案可唔可以入黎解答一下。
柳臣 fb page，等你入黎一齊傾！
如果想睇到更多男人永遠搞不懂女人的事，就記得like同share篇文支持柳臣～

延伸閲讀：
一百樣男人永遠搞不懂女人的事？│為什麼女生愛結伴去洗手間？│〈２〉
一百樣男人永遠搞不懂女人的事？│為什麼女生愛結伴去洗手間？│〈２〉
一百樣男人永遠搞不懂女人的事？│化妝真係需要咁多野?│〈３〉
一百樣男人永遠搞不懂女人的事？│「好」姊妹？│〈４〉