一百樣男人永遠搞不懂女人的事？│化妝真係需要咁多野?│〈３〉

女人化妝是一個神奇的領域，往往令男人頭都痕埋，今日稍稍提出幾個男人常常會問既問題。

１）為什麼同一種化妝品要買十幾支？
又唔係紙巾零食呢啲消耗品，一支唇膏香水用番三五個月都絕對唔係問題，但點解女人化妝櫃可以同時有二三十支唇膏，六七樽香水？
化妝筆又四五支？男人都有鬚刨，但好用既一個就夠，而唔會同一時間買四五個鬚刨係屋企換住用。
買番黎未用過既又有，買番黎然後話唔鐘意既又有，女人買化妝品係咪其實係擺設黎？好似男人買模型咁？
更莫明既係，點解女人可以分到一百隻紅色有咩唔同？

２）為什麼買化妝品一定要男朋友給意見？
我地男人明白女為悅己者容。但係柳臣唔明白，女士們你都明知我地唔識架啦，你問我我除咗點頭話靚之外，我仲可以講咩？
我連你買個set野有咩用都唔知，又點俾到意見你？貴囉！
而且我地連幾錢為之貴都唔知，除咗唇膏，其他野你化咗我又見唔出你化咗既，我自然覺得貴。

以下提供幾個男人唔敢講出口既真心答案，等大家下次唔洗為難男朋友：
呢隻香水定個隻香水香啲？都很刺鼻，其實比起香水，柳臣相信大部份男人更在意女生的洗髮水香味。
呢隻唇膏定個隻個色好睇啲？我以為是同一隻顏色。單買定一set過買好啲？反正買了set過沒幾天你還是會想買其他，還不如分開幾次買。

３）為什麼無時無刻都要補妝？
最後令男人不明白的還有這一個問題，女士們為什麼可以在任何地方補妝？
你們不是一化妝動輒上半個小時嗎？
為什麼不論走到那裡，無論是地鐵上、巴士上，人多人少，站著坐著，都可以看到有女士拿出一盒盒的東西在補妝？
到底一天要補多少次妝才算合理？

還有到底化裸妝又係咩玩法？如果你化完想似無化過既，咁你唔化咪得囉？
女人化妝到底係想人睇得出佢有化妝，定想人睇唔出？為什麼有時男人看上去覺得沒化妝的女生，女士們卻一看出她化了妝；為什麼男生有時覺得女生沒化妝，女生卻說她化了妝？有沒有化妝到底該看那裡？

男士們仲有咩你諗極都唔明歡迎留言一齊討論，女士們知答案可以入黎解答一下。
柳臣 fb page，等你入黎一齊傾！
如果想睇到更多男人永遠搞不懂女人的事，就記得like同share篇文支持柳臣～

延伸閲讀：
一百樣男人永遠搞不懂女人的事？│為什麼女生愛結伴去洗手間？│〈２〉
一百樣男人永遠搞不懂女人的事？│為什麼女生的（房間／袋）可以這麼亂？│〈１〉
一百樣男人永遠搞不懂女人的事？│「好」姊妹？│〈４〉