【養生保健】我的M痛解救法

顯示分享連結
做女仔，每個月都會飽受『女人之苦』。包包我亦唔例外~ 早在中學時期已經開始出現經痛，試過因為太痛而出席唔到考試。

直到依家，我都只係靠死頂同食必理痛去捱過頭一、兩日。但食必理痛食咗咁多年，一早已經食到冇乜效！要轉食特效必理痛，仲要打孖上。包媽每次見我咁食止痛藥法，都會話我咁只係治標唔治本，平時都叫你唔好飲咁多凍嘢....(下刪三萬字)

直至上個月平安夜朋友聚會，同朋友傾開依個話題，好友C 小姐話最近睇咗個中醫，話堅work，叫我試下....其實以前我都試過去工聯會睇中醫，但飲完藥都係差唔多。可能係同個醫師唔夾啦...所以我最後食返止痛藥就算.....

就咁睇卡片，見佢寫係教授~ @0@ 真係有d意外，乜依家 d 中醫名涵都咁強嘅? 好奇心之下，於是上網check 下，睇下又有幾堅先。結果發現，依個醫師上過《都市閒情》，Youtube 又有好多片喎~ 原來周醫師唔止係中醫，仲係氣功師， 見好似幾勁，於是就打去book， 再試一試中醫，睇下今次得唔得~


地點其實都算幾方便，係佐敦地鐵站附近行一陣就到。人流多，唔係D 鬼鼠陰森大廈。


上到去，診所好大好光猛，而且仲有好多湯包、同保健品賣。


可能嗰日我去到都幾晏，所以都唔係好多人，坐咗一陣好快就可以入去睇喇~


入到去，我同醫師講想調理經痛問題，而且月經期間仲會有血塊 (聽講有血塊代表有瘀血) 。把脈之後，醫師就話其實我個脾、肺都唔好~ (wow~ 講中咗呀~ 每次一轉天氣，都好易有氣管敏感同感冒...) 要調理都唔止一樣，不過調理好經痛問題先再調理其他問題

醫師當然叫我一定要戒凍嘢，連魚生嗰 D 都唔好食 (咁好慘啫...T^T)，要先飲5日藥再睇下情況點~


初時仲以為要執藥，點知係藥粉，真係好呀~ 對我依類職業女性非常方便XDD。而且醫師都開咗 D 中藥片畀我護胃 (因為我同佢講過個胃唔好，佢真係細心)

每日早晚都沖2包藥粉，連續飲咗5日，味道係苦左D D，但苦口良藥....惟有飲返D 水沖淡返D味~

結果，今個月真係冇咁痛喎~ (當然都有少少痛，但唔需要食止痛藥)， 而血塊問題亦冇咗！真係掂喎~ 最難得係搵到個夾到自己中醫丫...

各位絲打，如果你都有同樣經痛煩惱，不妨試下去搵周醫師睇睇....

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持，就係我嘅原動力，請畀個LIKE我喇～
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: [email protected]
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

如果喜歡我們的文章，請即分享到︰