【影評】出人意表的《黑魔后:沉睡魔咒》Maleficent〖無劇透乾淨版〗

顯示分享連結
童話故事《睡公主》家傳戶曉，本身對依套係期望唔算好大，只係為咗睇Angelina Jolie、特技冋化妝。點知今次迪迪尼畀到驚喜喎......

【故事大綱】
當人類王國舉國上下為美麗小公主的誕生而慶祝歡騰，神秘的黑魔后卻不請自來，施下魔咒預告公主將會沉睡不醒，自此黑魔后的陰影一直伴隨公主成長⋯⋯魔咒背後原來牽涉連串陰謀、背叛、復仇、一場場世紀之戰，以及黑魔后的身世之謎！

【包包觀後感】
迪士尼電影及彼思動畫所出品嘅電影， 一向都好睇又感人，就好似《反斗奇兵》、《怪獸公司》、《沖天奇兵》等等! 今次《黑魔后:沉睡魔咒》未算係感人，但充滿驚喜~

先講女主角，Angelina Jolie 所演繹嘅黑魔后，將卡通版原有型像徹底地改頭換面，沒有卡通版的惡毒，反而多了一分妖艷高雅！至於化妝及造型，則忠於卡通版本~ 特技化妝品好靚好細緻，尤其係權骨位，自然無暇疪。相反，一諗到CCTVB 嗰套膠劇西遊記，見到D化妝同角色造型就唔開胃。

動話方面，Pixar 出品向來都有保証，劇中 3位小仙女樣貌同真人演員如出一轍。加上我係睇 3D 版，視覺效果更佳。

值得一提嘅就係.......大家要留意幼年版嘅Aurora！佢就係Angelina同Brad Pitt 嘅囡囡 － Vivienne。雖然出鏡時間唔耐，但都覺佢幾可愛。

至於劇情，正如標提所講，依篇係無劇透版，所以我只可以話，同大家一向所知嘅《睡公主》版本有所不同，真係值得入戲院睇㗎！

評分時間：整體我會比〖75分〗！至於剩低嗰25分扣咗係邊呢？

(1) 始終依套戲都係適合一家大細睇，就算故事結構改篇咗少少，都係唔夠深層次
(2) 個人唔滿意King Stefan 青年版，無留鬚個樣同髮型超 seven

【相關題外話】
相信大家細細個時已聽過唔好多同嘅童話故事，大部份都係出自《格林童話》。但原來故事背後，隱藏咗令人驚訝嘅秘密！
《令人戰慄的格林童話》係由兩位主要以發表世界文化野史嘅日本作家堤幸子同上田加代子(筆名桐生橾)所編寫。包包係中學時期接觸過依本書，但未完全睇哂！不過依本書所寫嘅睡公主係一個令驚訝嘅版本。或者你會質疑內容嘅真實性，但作者係書內備註，引述不同野史資料。

書中有提及「紡綞」其實隱喻為男性性器，因為原著係德國語所寫成，而係德國俗語中，「那玩意兒」和「我那話兒」都係用來形容男性性器。咁樣講起上黎，被紡綞而「刺破手指流血」，咪可以意譯為女性初夜落紅。又好似講得幾啱喎！大家有興趣嘅，可以去以下網址睇網上版～

睡美人--讓公主沈睡的真正原因: http://bit.ly/1kEUDle

無論你哋對依排書有咩評價都好，以上都係小妹覺得幾好睇，但內面係有色情及暴力情節，大家要慎睇呀～

【同場加映】上個月18號，我參加咗M.A.C.個人彩妝指導活動，買咗一大堆化妝品，當中就買咗Maleficent 特別版嘅陰影粉～ 呵呵！純粹咁啱有需要先買，我並唔係hardcore成咁！XD


★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持，就係我嘅原動力，請畀個LIKE我喇～
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: [email protected]
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

如果喜歡我們的文章，請即分享到︰