【包飲包食】抹茶控一試就夠❤屯門●V City ●御前上茶❤

顯示分享連結
禮拜六、日又或者假期，V City 硬係塞滿哂人，所以就算「御前上茶」開左都唔敢行埋去。前日放年假，見佢人少少就入去試下喇~

Menu 大致上將甜品分為聖代、泡冰、豆腐布甸、茶凍、窩夫、飲品等等

由於直至下午茶時段，我都仲未Lunch，於是好豪氣咁叫咗依個「御前抹茶盛合」成為$84蚊。其實淨係睇佢張相，已經覺得勁唔抵食，得嗰4款野就收我 84蚊，賺到佢笑喇~

唔知廚房係咪得一個人嘅關係，尋日只得4枱客 (唔計我)，要等成10~15分鐘先出到餐。當店員送到面前時，我知道嗰84蚊有30蚊係去咗下面依個木架度.......因為入面有乾冰，營造視覺上冰凍效果。不過好可惜，佢落得好少乾冰，樓下吸煙區 d 煙民呼一口氣都多煙霧過佢。

第 1 啖當然試軟雪糕先喇，抹茶味都夠嘅~ 甘得嚟帶甜，而且夠凍。
而右邊依個抹茶果凍呢，都有好濃嘅抹茶味，但只有甘味，完全唔甜，
食多幾啖就會有d 寡，所以一定要撈埋側邊d紅豆嚟食。

將紅豆撈埋糯米團食一般食法，不過要注意紅豆事先要撈一撈，
否則面嗰層會無味，食到底又勁甜

整體嚟講，味道係好過抹茶館少少，但價錢我覺得偏貴囉~ 食一次就夠！

↓↓想知更多電影相關資訊、影評，請關注及訂閱↓↓↓
【Facebook 專頁 】: http://www.facebook.com/Mind2Wild

如果喜歡我們的文章，請即分享到︰

標籤: 抹茶控  飲食  美食  甜品  綠茶  green tea  御前上茶  V City  屯門  dessert