5招抗通脹！其實通脹，又有咩好怕？

通脹可以話係萬惡之源，除左係物價上升同經濟危機既原因之外，重令全世界既老闆同打工仔都好頭癢。一般人好多時都可能誤解左通脹實質係啲咩，但無可否認，通脹對日常支出有好大既影響

雖然你唔可以阻止通脹，但唔等於你對抗唔到佢帶黎既影響！只要你明白通脹點樣影響你既購買力，就可以諗下有咩有效既對策可以保障自己既財務。以下係一啲方法，令自己唔好成為通脹底下物價上漲既炮灰。


1. 學識投資

投資係其中一個最有效防止儲蓄受通脹影響既方法。將啲錢放落去做比較多樣化既投資，例如股票同債券，比起就咁放喺戶口，可以幫助你既財富升得更快。睇多啲財經新聞，同留意下財經走勢都好重要，咁先可以做個精明投資者嘛。

2. 選擇定息計劃

如果要對抗通脹，時間就係你最大既敵人。喺物價上升既同時，一啲定期既費用都會上升。如果選擇定息既付費計劃，就可以令利息同實際儲蓄合乎比例，防止定期既支出跟住通脹上升。無論係私人貸款、儲蓄戶口或者其他投資，你都應該搵啲喺一定時期內定息既計劃。
3. 置業

呢度置業既意思係指喺你名下有一幢／一間自己既樓。擁有物業代表你有一個實實在在既資產可以傳比仔女，或者遲啲可以用作其他用途。如果你唔夠資金置業，可以考慮一下申請一份你承擔得起既按揭計劃。

4. 兩手準備

俗語都有話，做咩都最要有兩手準備。所以幾時都要準備一個後備方案（甚至幾個），以防萬一。所以除左好好為財務把關，計劃預算之外，重要準備一筆應急既錢。你可以投資一啲抗通脹既資產（例如房地產同商品），同埋搵一啲有穩定現金收入既收入來源。同時，要保持良好既生活習慣，買一份好既醫療保險，咁就唔怕醫療費用會因為通脹而上升啦。

5. 節儉生活

由於通脹會對物價造成即時既影響，所以最簡單既解決方法就係唔好使咁多錢。例如減少買奢侈品；坐其他人便車或者搭公共交通工具；甚至home office（如果你老細比既話⋯）！用信用卡用得有技巧啲，留心佢地既百分比年利率，獨家優惠同埋獎賞計劃。

－－－
有啲上面既小貼士可以好輕易咁喺日常生活中實踐到，但有啲就可能要大家長期努力啲堅持。不過好消息係：努力吸收金融知識，可以裝備自己，面對未來金融市場既波幅，最終一定會對自己有益！由今日開始為自己既財富好好打算，防止未來陷入財務危機！

想知道更多理財貼士，記住留意MoneyHero blog，學識更多慳錢妙法！

source: http://www.moneyhero.com.hk/blog/zh/5%E6%8B%9B%E6%8A%97%E9%80%9A%E8%84%B9%EF%BC%81%E3%80%8C%E5%85%B6%E5%AF%A6%E9%80%9A%E8%84%B9%EF%BC%8C%E5%8F%88%E6%9C%89%E5%92%A9%E5%A5%BD%E6%80%95%EF%BC%9F%E3%80%8D/