【韓國 紅葉 攻略】首爾7大秋季賞楓好去處2016

韓國係秋季旅遊嘅理想地點。每年10月至11月，首爾市區及近郊楓葉轉紅，秋色處處，迷人嘅風景帶俾人們美好嘅回憶。嚟緊想去首爾享受秋意嘅朋友，又知唔知邊個地方嘅 紅葉 係最迷人呢？而家就等MoneyHero.com.hk同大家介紹：首爾7大賞楓熱點！

首爾市區
南山公園

南山公園位於首爾正中心，係俯瞰首爾嘅必遊勝地。此處每逢秋季紅葉滿山，遊客可從高處欣賞被秋葉包圍嘅首爾全景！ 園內更有情侶勝地「首爾塔」，為美景添上浪漫氣氛。

觀賞期：11月上旬～11月中旬
地址：首爾市中區三一大路231（藝場洞）

交通：首爾地鐵4號線「明洞」站4號出口，轉乘南山纜車直達（徒步登山亦可）



景福宮
景福宮一向係遊客必去熱點，但原來呢度秋天嘅楓葉同銀杏都非常燦爛！深紅嘅楓葉配上古雅嘅宮殿，讓景福宮更添一層古典味。值得一提嘅係，青瓦臺嘅巨大銀杏樹十分有名，去到記住搵棵樹影相了！

觀賞期：10月下旬～11月上旬

地址：首爾特別市鍾路區社稷路161（世宗路）
交通：3號線景福宮站5號出口，徒步約5分鐘



首爾兒童大公園
兒童大公園係韓國60、70後嘅童年回憶，現在已成為當地人賞櫻及賞楓嘅熱門地。園區佔地達53萬平方米，除咗賞楓之外，仲可以帶埋小朋友去動物園、遊樂園、兒童博物館等設施，係一大家細嘅秋季好去處！

觀賞期：10月下旬～11月上旬

地址：首爾特別市廣津區陵洞路216（陵洞）

交通：首爾地鐵5號線峨嵯山站（後門）、7號線兒童大公園站（正門）下車


天空公園（藍天公園）
「天空公園」園如其名，位於蘭芝島最接近天空嘅地方。一到秋天，公園總係人頭湧湧，不過前來嘅人主要唔係賞楓葉，而係賞芒草！園內有大片紫芒田，配上藍藍嘅天空，宛如一幅美麗既圖畫。另外，公園每年10月中會舉行首爾紫芒慶典，2016年嘅慶典日期將於稍後公布。

觀賞期：10月中旬 ~11月下旬

地址：首爾特別市麻浦區天空公園路95天空公園

交通：首爾地鐵6號線世界盃體育場站1號出口，步行約20~30分鐘
首爾近郊
南怡島
一提起南怡島，唔少人即刻聯想起「浪漫」二字。南怡島除左因愛情經典劇集《冬季戀歌》而爆紅外，秋季美不勝收嘅樹林、冬季令人驚嘆嘅雪景，都令此處成為戀人勝地！此處每年10月中至11月頭係紅葉同銀杏最盛期，遊客同觀光團會特別多，所以如果想人少啲，影相影得靚啲，記得要朝早去！

觀賞期：10月中旬~11月上旬

地址：江原道春川市南山面南怡島街1

交通：搭乘7號線或京義中央線地鐵至上鳯站轉乘京春線地鐵，在加平站下車


晨靜樹木園
去完南怡島還有時間嘅話，千萬唔好錯過附近嘅「晨靜樹木園」！呢個庭園面積廣達33萬平方米，園內景色精緻優美，十分有世外桃源嘅感覺。你可以一邊在園內嘅餐廳用餐，一邊享受窗外嘅紅葉，非常愜意！

觀賞期：10月下旬～11月上旬

地址：京畿道加平郡上面樹木園路432 (上面)

交通:

（由首爾出發）搭乘7號線或京義中央線地鐵至上鳯站轉乘京春線地鐵，在加平站或清平站下車，轉乘加平觀光巴士至「晨靜樹木園」。
（由南怡島出發）乘搭加平觀光巴士至「晨靜樹木園」。



雪嶽山國立公園
要數首爾附近最靚嘅賞楓地點，雪嶽山當之無愧地榮登榜首！山上一年四季都有奇岩絕璧、溪谷瀑布等美景，一到秋天，楓葉將整坐山染上楓紅，畫面更加美不勝收！要去雪嶽山賞楓，首先你要唔怕行山，另外由首爾前往雪嶽山來回需時6-7小時，旅客至少要在當地住一晚，玩埋附近景點才不枉此行。

觀賞期：10月中旬~ 10月下旬

地址：江原道束草市雪嶽洞山41

交通：於江南高速巴士客運站或東首爾巴士站乘巴士前往 「束草巴士站」，再轉乘7或7-1公車至「小公園停車場」。
轉自：http://www.moneyhero.com.hk/blog/zh/韓國-紅葉-攻略-首爾7大秋季賞楓好去處2016