【九十後的童年回憶】每日一篇網上閱讀計劃

唔知各位九十後既讀者有冇覺得呢個logo有d似曾相識呢?冇錯!佢就係小學階段陪住我地成長既每日一篇喇!筆者相信每位九十後既讀者係小學雞時期都做過呢個網上練習，更加估唔到既係「每日一篇」過左咁多年依然係屹立不倒，仲成為小學生必做既網上練習。
根據每日一篇既官網顯示，呢個網上閱讀計劃始創於2002年，創立呢個計劃既人係前香港中文大學教育學院名譽副教授、現任明愛專上學院人文及語言學院教授何萬貫，何教授認為多讀多寫先可以提升學生既語文水平，於是就創立呢個「每日一篇網上閱讀計劃」。

呢個計劃運作到而家已經運作左十幾年，個計劃已經擴展到幼稚園。最令筆者印像深刻既係龍虎榜，如果做得好排頭幾名仲可以係班同學面前威吓，十足而家FB呃like咁款。離開左小學之後就冇再做過每日一篇，而家睇返勾起左筆者唔少回憶，雖然我地唔可能再登入去每日一篇，但呢d回憶點滴將永遠存在係我地心中。