山東一男子求愛8萬次被拒，他說: 我醜我高傲

山東男牛祥峰現年31歲，自四年前開始就透過唔同渠道去求愛(偶)......試過係街頭舉牌，亦係交友網站以「亂槍打鳥」既方式向數萬名女網友發私信，但全部都無功而還，他自稱過去四年求愛次數高達8萬次。牛祥峰既目標係想今年內結婚，為左愛情，佢過去四年轉左九份工，而家仲自己開埋餐廳，每次送外賣都會附上自己既卡片，想借呢個機會識到多d女性朋友。至於牛祥峰既擇偶條件都幾有要求，佢係訪問中表示「長得太難看的、太胖的不要」！仲話自己雖然醜，但因為自己既人品好所以比其他人高傲！老衲睇完訪問之後都覺得呢位施主勇氣可嘉，但奈何就係用錯方法，搞到自己四年來係愛情路上顆粒無收......
1. 樣貌問題，高度問題
雖然話就話以貌取人好膚淺，但一個良好既外型往往會先令其他對你人產生一個良好印象，正如牛祥峰都希望自己既女朋友唔可以生得太醜同太肥，咁女士對你有返咁上下要求都係正常遮，有時候女士都未必要求自己個男友要似彭于晏或者吳彥祖，但起碼都要五官端正啦！牛生其實都有自知之明，佢都認為自己唔係高大型仔，但佢外型實在太不修邊幅，三十出頭但個外型似年過半百既大叔，其實男人有端正既五官、結實既身材、整潔既髮型同作少少既打扮就足夠了，但奈何牛祥峰似乎沒有在意過自己既外表問題，唔講老衲仲以為佢係一個五十歲既中坑......
牛祥峰4年前27歲個陣已經頻頻出現係相睇節目，個陣既樣已經成個中坑咁款......

2. 你知唔知你衰咩？就係太有自信！
從訪問中見到，牛祥峰都幾鍾意係街頭用Intercept 既方法去「抄牌」識女仔，甚至直接問對方有冇男朋友......通常呢種方法都係失敗居多。調返轉有陌生人係街問你攞電話你都唔會比啦！而且直接問人地有冇男友之類既問題亦係盡顯「狗公格」，所以牛生四年來係愛情路上崎嶇難行並唔係冇原因既......除非你自問樣貌可以比得上彭于晏同吳彥祖，否則街頭兜搭呢d溝女方式就真係可免則免喇！

3. 未有社交，先想X交
牛祥峰講效率，速戰速決，每次交友，他都會先詢問對方既感情狀況，若對方有男友，便會馬上放棄，「別跟我浪費時間，不跟我談戀愛我就把妳刪掉」。睇到呢到老衲都搖搖頭，即使人地有男友都可以先做個朋友，一開波就要人地同你拍拖，你以為自己係皇帝啊?叫d女訓曬上床比你揀好唔好呀?！人地同你三唔識七一開始點同你拍拖呀?你估真係咁多一見鍾情咩我X你XXXX！

罵就罵完喇！原來牛祥峰咁急要拍拖結婚背後係有段令人傷感既故事......牛祥峰既爸爸係2013年年尾確診患上癌症，佢希望爸爸可以係人生最後時刻見到自己成婚，完成父親既心願，但奈何牛爸爸未等到呢一刻就離開人世，但牛祥峰依舊希望完成爸爸既遺願，雖然牛祥峰性格古怪，但都不失為一個孝順仔，希望佢呢份孝意可以感動蒼天，早日送一位意中人到牛祥峰身邊吧！

【求愛4年被拒8萬次 我醜我高傲】 牛祥峰，今年31歲，求愛四年被拒八萬次，人生最大的目標是盡快結婚，為了達成目標還在街頭舉牌徵婚。