【佢痴Q左線呀！】Big Big channel 現場直播余德丞深切治療部情況，網友怒罵:條底線係咪冇X左

去年憑住劇集《誇世代》而跑出既無綫男藝人余德丞(Dickson)尋晚10點係西營盤踢波期間暈倒，其後被送到瑪麗醫院深切治療部進行急救，有消息更指Dickson既情況一度危殆！！！事件發生後Dickson既家人、藝員同事同大台高層接連趕到醫院探望。但有網友就發現大台既Big Big channel 就係現場直播余德丞留院既情況......有網友更指大台咁做係抽緊病人水，咁既行為實屬不要得！余德丞雖然係大台藝人，大台報導佢既消息當然係無可厚非，但係醫院範圍拍攝進行拍攝就似乎唔恰當喇......事關根據《醫院管理局附例》第七條，任何人不得在醫院內，未經院內病人或院方職員同意，拍攝照片、影片或錄像影片，否則即屬違法。

有網友直指大台做野無底線~~

有網友就翻炒返當年大台《東張西望》訪問因為中風而半身不遂既劉家輝既片段，當年訪問播出後大台飽受觀眾批評，不少人都認為大台當時訪問既流程安排不當，包括要不良於行既劉師父頻頻撲撲，仲叫一個中風病人食高脂多油既燒鵝脾！真係睇到都令人髮指。正所謂前車可鑑，希望大台比阿寶抖抖，今次唔好再犯同樣既錯~~