【經典重溫】藍田活塞男事件十週年紀念

大家都知道方丈份人好小器，通常小器既人記性都好好，近排貧僧就諗返起一單發生係十年前既「柒人柒事」，唔知大家又記唔記得呢件事呢?
話說係2008年8月6號既深夜，係3號風球訊號下，當時一名年過40歲既男士冒住風雨去碧雲道既藍田公園做運動，佢聲稱係做掌上壓個陣唔小心將陽具塞左入仰臥起坐板既圓孔內，係「不能自拔」既情況下唯有報警求助！XD
救護員到場之後為「活塞男」注射鎮靜劑，但個位男士係搞到下體流血既情況下依舊「不能自拔」，消防員唯有連人帶板將傷者送到醫院。由於當時社交媒體仲未流行同埋正值北京奧運期間，「活塞男事件」既討論大多都係集中係唔同既討論區，而討論既熱潮亦都好快消散。當時一班網民仲改左一堆花名比「活塞男」，例如「板男根」、「FXXK地魔」等等，亦衍生左一大堆惡搞圖片同二次創作。事後，「活塞男」比記者追訪個陣聲稱當晚係比三個追數佬強行灌食春藥，自己被挾持到公園先至發生「活塞事件」......同佢之前聲稱做運動發生意外既講法大相逕庭！另外，「活塞男事件」當時不但吸引港外媒體報道，而事主本人亦榮獲達爾文獎網站既2008年度「榮譽表揚（Honorable Mention）」，果然係名符其實「柒出國際」！雖然當時社交媒體仲未興起，但「柒事恆長久，網絡永流傳」，網民似乎對呢件事印象深刻，係十年後既今日依然引起廣泛既討論，莫非Old news...真係咁exciting?!

註:事發地點更成為Pokemon Go的其中一個補給站，相中既健身板更被抵死地命名為「活塞板」！