《變形金剛 5：最終騎士》IMAX版，真正享受「全螢幕」
《變形金剛：終極戰士》6月22日喺全球正式上映，小編身為電影迷，梗係第一日就要買飛入場睇啦。劇情喺度就唔多講啦，費事劇透，反正有睇開變形金剛，都知道入場睇嘅唔係睇劇情，唔係睇邏輯，而係睇特技。而導演米高比爾 Michael Bay 今次亦都冇令入場觀眾失望，由海底打到上半空、由廢墟炸到去城市。
反而今次小編想著重講下IMAX版嘅《變形金剛》，我承認我絕對被poster寫住「全球首次使用IMAX攝影機真實拍攝」的標題吸引著，加上小編亦係從未欣賞過IMAX電影，所以襯著《變形金剛》的一向信心保證，就決定一嘗IMAX電影視覺滋味。
我喺首映當日去咗iSquare嘅UA BEA IMAX戲院，未開場之前，坐上座位，發現同一般戲院唔同，投影螢幕比普通戲院大得多，無論坐咩位置基本上都可以飽覽整個螢幕，可以話係「零死位」，不過喺普通戲院，好多時候喺播戲之前都會縮番2條黑邊，最後又好似喺狹窄的縫隙中窺探世界一樣。但今次《變形金剛》IMAX版竟然由頭到尾都係「全螢幕」，效果非常震撼。小編睇完之後搵下資料，發現原來只有喺IMAX影院放映時，用IMAX攝影機拍攝嘅場景先可以擴展鋪滿更大範圍螢幕，以前所未有嘅銳度、清晰度、色彩飽和度同震撼的3D效果來帶來真正身臨其境嘅觀影體驗，感覺好似置身於戰鬥入面，與變形金剛並肩作戰。所以打算睇《變形金剛：終極戰士》嘅朋友，不妨考慮下俾多少少錢，感受下IMAX嘅另一種電影感。
反而今次小編想著重講下IMAX版嘅《變形金剛》，我承認我絕對被poster寫住「全球首次使用IMAX攝影機真實拍攝」的標題吸引著，加上小編亦係從未欣賞過IMAX電影，所以襯著《變形金剛》的一向信心保證，就決定一嘗IMAX電影視覺滋味。
我喺首映當日去咗iSquare嘅UA BEA IMAX戲院，未開場之前，坐上座位，發現同一般戲院唔同，投影螢幕比普通戲院大得多，無論坐咩位置基本上都可以飽覽整個螢幕，可以話係「零死位」，不過喺普通戲院，好多時候喺播戲之前都會縮番2條黑邊，最後又好似喺狹窄的縫隙中窺探世界一樣。但今次《變形金剛》IMAX版竟然由頭到尾都係「全螢幕」，效果非常震撼。小編睇完之後搵下資料，發現原來只有喺IMAX影院放映時，用IMAX攝影機拍攝嘅場景先可以擴展鋪滿更大範圍螢幕，以前所未有嘅銳度、清晰度、色彩飽和度同震撼的3D效果來帶來真正身臨其境嘅觀影體驗，感覺好似置身於戰鬥入面，與變形金剛並肩作戰。所以打算睇《變形金剛：終極戰士》嘅朋友，不妨考慮下俾多少少錢，感受下IMAX嘅另一種電影感。