尖沙咀，我與她的分隔線。
晚飯之後，我同佢一齊行落尖沙咀站，準備送佢返屋企。
「唔洗喇，你聽日返早，早啲瞓啦。」
佢始終都係咁為人著想，就連食飯都唔捨得我洗咁多，有時仲會比埋我果份，因為佢知我份糧其實唔多，而我又想儲啲錢去進修。佢一直都支持我任何決定，就算因為咁而令佢同我一齊咁耐都冇買過啲咩比佢，記得之前情人節我送左條八百幾嘅手鏈比佢已經好開心，而最後餐飯仲要喺佢比錢。雖然話其實邊個比都唔重要，但邊個男人會想自己連請女朋友食餐好買份禮物比佢嘅能力都冇？
「往中環列車即將到達...」一架列車往月台駛緊過嚟。「我有車啦，我返到去打比你吖。」佢臨上車前主動錫多我一啖，我叫佢小心啲，然後就目送住佢離開。
講返我同佢相識嘅經過其實幾有緣份。我喺尖沙咀某一間賣衫嘅鋪頭做SALES，而佢因為黎過幾次買野都係我招呼佢，所以都會認得大家。之後一次出街無意又撞到佢，咁啱大家都係一個人搵緊地方食飯，咁我就提議不如一齊食個飯。結果果晚就喺我同佢第一次食飯、交換電話、而且令佢成為我未來女朋友嘅一日。
好多時我地都會約喺尖沙咀拍拖，一黎有時我放工收得夜，二黎尖沙咀算近我地兩個－－佢住灣仔嘅嘉薈軒，而我就係一個深水埗公屋仔。雖然同佢出街果陣我地都係十指緊扣，但對我嚟講尖沙咀更似我同佢嘅分隔線，特別係早前有個調查發現香港仲有錢係灣仔區，而最窮就係深水埗。始終佢喺竹門，而我只係爛木門，唔好話將來，就算係現在我都唔知可以比到乜野佢。雖然我知道佢一啲都唔介意，但我，仲有佢父母都唔係咁諗。
唯一一次同佢父母食飯係喺美皇宮。當佢地知道我只係住公屋嘅SALES，雖然冇露出唔鍾意嘅表情，但我明顯感覺到佢地嘅失望同擔心。我明嘅，自己嘅心肝寶貝，自細生活無憂，為人父母都希望自己個女日後就算唔係過得更好，起碼唔會更差。果晚餐飯我食緊乜都唔知，埋單四個人食左百八幾，當我想比錢果陣伯母已經拎左張AE卡出黎話賺錢辛苦唔好亂洗，今餐佢比。自始之後我再冇勇氣見佢父母，連送佢返屋企都唔敢。
幾個月之後，我同佢提出分手。我愛佢，但正因為我愛佢所以我選擇放手。我知佢唔介意陪我挨，我知佢唔係拜金女，但我真係唔希望佢拍拖果陣只可以比男朋友帶去食茶餐廳，快餐店－－唔係一餐半餐，而係差唔多餐餐係咁。佢一直問我點解，係咪覺得佢父母唔鍾意我，我冇答佢，因為最唔鍾意我嘅，其實係我自己。佢應該有更好嘅生活，佢應該有一個可以帶上屋企食飯一家人開開心心嘅男朋友。我希望我將來可以成為一個咁嘅男人，但我好肯定而家依一刻我冇咁嘅資格。
分手之後我都辭左尖沙咀份工去左佐敦做，因為我終於明白分隔線嘅意義：唔係代表你唔可以越過條線咁簡單，而係你連條線都唔應該掂到。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
「唔洗喇，你聽日返早，早啲瞓啦。」
佢始終都係咁為人著想，就連食飯都唔捨得我洗咁多，有時仲會比埋我果份，因為佢知我份糧其實唔多，而我又想儲啲錢去進修。佢一直都支持我任何決定，就算因為咁而令佢同我一齊咁耐都冇買過啲咩比佢，記得之前情人節我送左條八百幾嘅手鏈比佢已經好開心，而最後餐飯仲要喺佢比錢。雖然話其實邊個比都唔重要，但邊個男人會想自己連請女朋友食餐好買份禮物比佢嘅能力都冇？
「往中環列車即將到達...」一架列車往月台駛緊過嚟。「我有車啦，我返到去打比你吖。」佢臨上車前主動錫多我一啖，我叫佢小心啲，然後就目送住佢離開。
講返我同佢相識嘅經過其實幾有緣份。我喺尖沙咀某一間賣衫嘅鋪頭做SALES，而佢因為黎過幾次買野都係我招呼佢，所以都會認得大家。之後一次出街無意又撞到佢，咁啱大家都係一個人搵緊地方食飯，咁我就提議不如一齊食個飯。結果果晚就喺我同佢第一次食飯、交換電話、而且令佢成為我未來女朋友嘅一日。
好多時我地都會約喺尖沙咀拍拖，一黎有時我放工收得夜，二黎尖沙咀算近我地兩個－－佢住灣仔嘅嘉薈軒，而我就係一個深水埗公屋仔。雖然同佢出街果陣我地都係十指緊扣，但對我嚟講尖沙咀更似我同佢嘅分隔線，特別係早前有個調查發現香港仲有錢係灣仔區，而最窮就係深水埗。始終佢喺竹門，而我只係爛木門，唔好話將來，就算係現在我都唔知可以比到乜野佢。雖然我知道佢一啲都唔介意，但我，仲有佢父母都唔係咁諗。
唯一一次同佢父母食飯係喺美皇宮。當佢地知道我只係住公屋嘅SALES，雖然冇露出唔鍾意嘅表情，但我明顯感覺到佢地嘅失望同擔心。我明嘅，自己嘅心肝寶貝，自細生活無憂，為人父母都希望自己個女日後就算唔係過得更好，起碼唔會更差。果晚餐飯我食緊乜都唔知，埋單四個人食左百八幾，當我想比錢果陣伯母已經拎左張AE卡出黎話賺錢辛苦唔好亂洗，今餐佢比。自始之後我再冇勇氣見佢父母，連送佢返屋企都唔敢。
幾個月之後，我同佢提出分手。我愛佢，但正因為我愛佢所以我選擇放手。我知佢唔介意陪我挨，我知佢唔係拜金女，但我真係唔希望佢拍拖果陣只可以比男朋友帶去食茶餐廳，快餐店－－唔係一餐半餐，而係差唔多餐餐係咁。佢一直問我點解，係咪覺得佢父母唔鍾意我，我冇答佢，因為最唔鍾意我嘅，其實係我自己。佢應該有更好嘅生活，佢應該有一個可以帶上屋企食飯一家人開開心心嘅男朋友。我希望我將來可以成為一個咁嘅男人，但我好肯定而家依一刻我冇咁嘅資格。
分手之後我都辭左尖沙咀份工去左佐敦做，因為我終於明白分隔線嘅意義：唔係代表你唔可以越過條線咁簡單，而係你連條線都唔應該掂到。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/