《全靠行雷，我追到個女朋友返嚟》
有人話追女仔最緊要啱時機，依句嘢我認同。好多時你心知個女仔差小小就追到手，但就硬係差小小因素去推你地一把，等你地好「自然」咁成為情侶。你試過自己去營造一啲機會，好似睇場夜晚十一點半嘅戲之後再襯機會話夜送佢返屋企，點知咁啱佢老豆又喺附近可以車埋佢返去；諗住飲兩杯靠酒精影響會大膽啲，講浪漫嘢冇咁骨痺，但係佢一杯落肚已經不醒人事。正當你以為連個天都唔鐘意你嗰陣，偏偏個天又會比個絕佳嘅機會你。
最起碼我就係一個成功嘅例子。
記等係好幾年前，我同一個女仔已經去到晚晚傾住電話，朝早會Morning Call對方嘅階段，但我就係搵唔到一個機會比我同佢更進一步。我每日都搵緊一個機會，或者係一個可以製造機會嘅機會，希望可以盡早抱得美人歸，廢事拖得太耐會變咗Friendzone，只係依個機會一直都未出現。直到一個夜晚，我好似平時咁同佢煲住電話粥，突然間一陣涼風吹過，之後個天就落起雨嚟。
「你嗰邊有冇落雨？」佢問我。
「啱啱落，狗屎咁大。」
「落還落，唔好行雷就得喇。」
「你真係咁驚行雷？」話口未完，佢嗰邊就傳嚟「轟」一聲，伴隨嘅係佢一聲尖叫。
尖叫過後我叫咗佢幾聲都冇反應，過咗半分鐘左右，佢終於開聲講嘢：原來佢太驚，尖叫同時扔咗部電話落床。我叫佢搵被包住自己，插埋聽筒傾電話，實行扮唔知行雷。不過對一個驚到咁嘅人嚟講好明顯冇用。
「去搵阿媽陪你會唔會好啲啊？」
「屋企人去哂旅行，屋企得返我一個。」佢一邊講一邊震。
「比你地址我，我過嚟陪你。」我拎起最就手件衛衣同把遮，就咁衝落門口搵的士飛過去。
上到的士，我同的士佬講完個地址之後就繼續用盡方法去平服返佢情緒，由講笑話，爛GAG，到出加減數比佢計都做哂，結果對佢係一啲幫助都冇。的士一到佢樓下，我遮都唔開就跑過對面街然後直衝入佢樓下大堂門口，靠佢一路話我知大堂密碼同樓層，我總算以一隻落湯雞嘅姿態企喺佢門口面前。當佢一打開門，見到十分鐘前仲喺屋企同佢傾緊電話嘅我出現喺佢面前，唔理我成身濕到仲滴緊水，佢攬到我實一實唔放，就好似見到救星一樣。就係因為嗰晚行雷，我一個一心想陪佢嘅舉動，成為咗奪取芳心嘅關鍵。
機會就係咁，有時你等極都唔會出現，但突然之間佢就會喺一個諗唔到嘅情況下比個靚位你入。嚟緊又開始係雨季，等緊機會嘅你，準備好未？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
最起碼我就係一個成功嘅例子。
記等係好幾年前，我同一個女仔已經去到晚晚傾住電話，朝早會Morning Call對方嘅階段，但我就係搵唔到一個機會比我同佢更進一步。我每日都搵緊一個機會，或者係一個可以製造機會嘅機會，希望可以盡早抱得美人歸，廢事拖得太耐會變咗Friendzone，只係依個機會一直都未出現。直到一個夜晚，我好似平時咁同佢煲住電話粥，突然間一陣涼風吹過，之後個天就落起雨嚟。
「你嗰邊有冇落雨？」佢問我。
「啱啱落，狗屎咁大。」
「落還落，唔好行雷就得喇。」
「你真係咁驚行雷？」話口未完，佢嗰邊就傳嚟「轟」一聲，伴隨嘅係佢一聲尖叫。
尖叫過後我叫咗佢幾聲都冇反應，過咗半分鐘左右，佢終於開聲講嘢：原來佢太驚，尖叫同時扔咗部電話落床。我叫佢搵被包住自己，插埋聽筒傾電話，實行扮唔知行雷。不過對一個驚到咁嘅人嚟講好明顯冇用。
「去搵阿媽陪你會唔會好啲啊？」
「屋企人去哂旅行，屋企得返我一個。」佢一邊講一邊震。
「比你地址我，我過嚟陪你。」我拎起最就手件衛衣同把遮，就咁衝落門口搵的士飛過去。
上到的士，我同的士佬講完個地址之後就繼續用盡方法去平服返佢情緒，由講笑話，爛GAG，到出加減數比佢計都做哂，結果對佢係一啲幫助都冇。的士一到佢樓下，我遮都唔開就跑過對面街然後直衝入佢樓下大堂門口，靠佢一路話我知大堂密碼同樓層，我總算以一隻落湯雞嘅姿態企喺佢門口面前。當佢一打開門，見到十分鐘前仲喺屋企同佢傾緊電話嘅我出現喺佢面前，唔理我成身濕到仲滴緊水，佢攬到我實一實唔放，就好似見到救星一樣。就係因為嗰晚行雷，我一個一心想陪佢嘅舉動，成為咗奪取芳心嘅關鍵。
機會就係咁，有時你等極都唔會出現，但突然之間佢就會喺一個諗唔到嘅情況下比個靚位你入。嚟緊又開始係雨季，等緊機會嘅你，準備好未？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材