《毒撚真係注定打一世飛機？》
「我覺得自己係零」依句簡直係毒撚心聲：零社交技巧、零異性緣份、零愛情經歷，總之望住靚女唔面紅唔流汗已經係一大進步。有毒撚覺得自己先天不足，冇錢、冇樣、冇情趣、冇話題，要搵女朋友真係難話登天，一早準備三十歲升級魔法師，就咁一個人過世。毒撚缺點大家講完又講我都無謂再提多次，不如今次轉個角度，睇下毒撚到底有冇市場？
有時毒撚唔係衰在自己冇異性理，而係佢嘅要求實在太越級挑戰：又要36E、又要唔介意餐餐老麥、又要忠心不二、仲要無條件愛上你依位大家眼中嘅毒撚。世界好現實，條件愈好，你揀擇能力就愈高，當一個女仔具備咁好條件，冇理由有個謝霆鋒唔揀揀的神咁嘅款係咪先？你可以話條女現實，勢利，但你何嘗唔係比佢對一邊行一邊搖嘅雙乳吸引？當然，有好多人話知自己條件一般，所以揀嘅對像都好普通，但佢地口中嘅「普通」都係斯斯文文、打扮得體、望落唔一定養眼但最起碼順眼。當你自問係零，但又要揀個六七十分嘅，你問心覺得唔過份咩？
百貨應百客我講過好多次，再醜嘅女人都有人鐘意，再衰嘅男人都有人傾心，所以再毒嘅毒撚都應該有佢嘅「客路」。毒撚同所謂男神都好，要得到一個女性歡心，最起碼大家相處要舒服、有話題、啱興趣。點為之舒服？起碼同佢相處唔會緊張到手汗勁流，打招呼唔會口震，唔會無時無刻都諗緊佢舉手投足係咪代表對你有意思；要同佢相處落嚟唔會冇嘢講，起碼人地講嘢你會接到落去，佢講起公司個八婆你會比反應講埋一份，順便講下自己公司又有狗公，同個八婆簡直係天作之合；興趣就算唔係共同都要有好奇有認知，如果唔係人地講緊莫扎特但你淨係識謝拉特，我真係唔敢想像你地仲有下一次對話。
好多毒撚話自己一面對心儀女性就唔識講嘢，係因為你同你心儀對像嘅共通點係零。大家就好似係兩個世界嘅人，佢鐘意嘅韓劇你唔未睇過，你睇嘅動漫又唔啱佢；或者講開日本女方話有幾多嘢買嘢食，但你淨係記得邊間女僕Cafe啲女僕正同買咗幾多隻AV。依個已經唔關你係唔係毒撚嘅問題，而係正常人都唔會同零共通點嘅異性發展到。你嘅興趣毒冇問題，甚至唔應該用毒去形容，只係咁啱你鐘意睇嘅係動漫而唔係演奏會，鐘意玩嘅係十六格而唔係小提琴。每樣興趣都會有人鐘意，你咪試下搵同樣鐘意玩十六格睇動漫嘅女仔囉，可能冇睇韓劇嘅咁多，但人就一定有喺度。你可以話你識咁嘅女仔但你冇興趣，咁就係你要求高唔啱Key，睇人唔上眼同冇異性緣係兩回事。
有啲毒撚仲有個死症：狂妄自大。唔知點解佢地覺得佢鐘意咗個女仔就係個女嘅福氣，因為佢代表純真、真愛、冇機心、專一⋯⋯多到我不能盡錄，而唔接受佢地嘅女仔就係雞、崇洋、睇樣、萬能插、貪錢⋯⋯多到我都唔敢講落去。佢地覺得一個女嘅唔應該計較男嘅有幾窮、幾唔識打扮、幾不善辭令，總之我鐘意你依份真心就足以感動世人。可能動漫係咁嘅，但依度係現實，要人對你有興趣你一定要有吸引力，起碼對佢嚟講你有吸引力。冇理由因為你鐘意人所以人地就要鐘意你，唔係嘅話Emma Watson咪有幾百萬個老公？
毒唔係問題，但你唔認清自己嘅缺點，唔試下去改善自己而要人無條件接納自己不足就好過份。你又唔試下去接觸多啲事物擴闊下生活圈子，又唔去喺自己興趣領域識人發展，淨係一味話啲女仔睇唔起自己係一個毒撚，咁同婦團乜都話女性受壓迫係冇分別。再悶嘅人都會遇到一個鐘意同自己日日食飯打機過世嘅女朋友，再平凡嘅人都會有女仔搵到佢嘅吸引之處，最重要嘅係你唔好日日發夢搵個女神拍拖。當你每次想要嘅都係另一個次元般嘅女仔，孤獨終老又點可以怪人？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
有時毒撚唔係衰在自己冇異性理，而係佢嘅要求實在太越級挑戰：又要36E、又要唔介意餐餐老麥、又要忠心不二、仲要無條件愛上你依位大家眼中嘅毒撚。世界好現實，條件愈好，你揀擇能力就愈高，當一個女仔具備咁好條件，冇理由有個謝霆鋒唔揀揀的神咁嘅款係咪先？你可以話條女現實，勢利，但你何嘗唔係比佢對一邊行一邊搖嘅雙乳吸引？當然，有好多人話知自己條件一般，所以揀嘅對像都好普通，但佢地口中嘅「普通」都係斯斯文文、打扮得體、望落唔一定養眼但最起碼順眼。當你自問係零，但又要揀個六七十分嘅，你問心覺得唔過份咩？
百貨應百客我講過好多次，再醜嘅女人都有人鐘意，再衰嘅男人都有人傾心，所以再毒嘅毒撚都應該有佢嘅「客路」。毒撚同所謂男神都好，要得到一個女性歡心，最起碼大家相處要舒服、有話題、啱興趣。點為之舒服？起碼同佢相處唔會緊張到手汗勁流，打招呼唔會口震，唔會無時無刻都諗緊佢舉手投足係咪代表對你有意思；要同佢相處落嚟唔會冇嘢講，起碼人地講嘢你會接到落去，佢講起公司個八婆你會比反應講埋一份，順便講下自己公司又有狗公，同個八婆簡直係天作之合；興趣就算唔係共同都要有好奇有認知，如果唔係人地講緊莫扎特但你淨係識謝拉特，我真係唔敢想像你地仲有下一次對話。
好多毒撚話自己一面對心儀女性就唔識講嘢，係因為你同你心儀對像嘅共通點係零。大家就好似係兩個世界嘅人，佢鐘意嘅韓劇你唔未睇過，你睇嘅動漫又唔啱佢；或者講開日本女方話有幾多嘢買嘢食，但你淨係記得邊間女僕Cafe啲女僕正同買咗幾多隻AV。依個已經唔關你係唔係毒撚嘅問題，而係正常人都唔會同零共通點嘅異性發展到。你嘅興趣毒冇問題，甚至唔應該用毒去形容，只係咁啱你鐘意睇嘅係動漫而唔係演奏會，鐘意玩嘅係十六格而唔係小提琴。每樣興趣都會有人鐘意，你咪試下搵同樣鐘意玩十六格睇動漫嘅女仔囉，可能冇睇韓劇嘅咁多，但人就一定有喺度。你可以話你識咁嘅女仔但你冇興趣，咁就係你要求高唔啱Key，睇人唔上眼同冇異性緣係兩回事。
有啲毒撚仲有個死症：狂妄自大。唔知點解佢地覺得佢鐘意咗個女仔就係個女嘅福氣，因為佢代表純真、真愛、冇機心、專一⋯⋯多到我不能盡錄，而唔接受佢地嘅女仔就係雞、崇洋、睇樣、萬能插、貪錢⋯⋯多到我都唔敢講落去。佢地覺得一個女嘅唔應該計較男嘅有幾窮、幾唔識打扮、幾不善辭令，總之我鐘意你依份真心就足以感動世人。可能動漫係咁嘅，但依度係現實，要人對你有興趣你一定要有吸引力，起碼對佢嚟講你有吸引力。冇理由因為你鐘意人所以人地就要鐘意你，唔係嘅話Emma Watson咪有幾百萬個老公？
毒唔係問題，但你唔認清自己嘅缺點，唔試下去改善自己而要人無條件接納自己不足就好過份。你又唔試下去接觸多啲事物擴闊下生活圈子，又唔去喺自己興趣領域識人發展，淨係一味話啲女仔睇唔起自己係一個毒撚，咁同婦團乜都話女性受壓迫係冇分別。再悶嘅人都會遇到一個鐘意同自己日日食飯打機過世嘅女朋友，再平凡嘅人都會有女仔搵到佢嘅吸引之處，最重要嘅係你唔好日日發夢搵個女神拍拖。當你每次想要嘅都係另一個次元般嘅女仔，孤獨終老又點可以怪人？
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材