《我個女朋友有個孖生姐妹》
周不時都有人講「如果自己女朋友有個孖生姐妹」會點點點，當中當然加入唔少性幻想：兩女一夫又好，飲醉搞錯另一個又好，直頭將AV情節代入去咁。
咪傻啦，你估兩條女真係諗埋一樣嘅嘢鐘意同一個人咩，你搞錯人只會落得分手兼比人告強姦嘅收場。
冇錯，我女朋友係有個孖生姐妹，係似樣到齋望個樣我都未必分得出——但我冇孖生兄弟嘛，我女朋友會認得出我。雖然佢地的確成日出街，雖然我拍拖有時都會變三人行，但邊個見到我會飛撲埋嚟，邊個見到我淨係會笑笑口打個招呼我會睇到嘅，咁都唔知邊個係你女朋友就抵死啦。
直到一次我地三個去旅行。
去邊唔重要啦，反正去邊度玩都不外符食玩飲瞓。問題係一落機我地就飛的去酒店放低行李之後直落酒吧玩，然後我地凌晨飲到邊行邊嘔咁返酒店。返到去兩姐妹落完妝換完衫就瞓咗落床，而唔沖涼唔肯瞓嘅我就襯依個冇人爭廁所嘅機會沖返個靚涼，點知一沖完涼出嚟我就發現遇到我人生最大嘅問題：今次我真係分唔到邊個係我女朋友。
我地訂咗間兩張床嘅房，原意就兩姐妹一左一右，而我緊係同我女朋友瞓啦。但而家我地未傾好邊個瞓邊面就搞成咁，佢地仲要著住同一套睡衣，個樣九成九相似、連睡相都相差無幾。我唔知如果我瞓錯床攬錯人然後第二朝比佢地發現嘅話件事會發展成點，嗰一刻我Feel到我個人又出返汗。成間酒店房除咗床叫做瞓得人嘅就係知窗台，但我地間房喺三十幾樓，佢塊玻璃鬼死咁乾淨，個城市景又鬼死咁清楚——我畏高，真係唔敢瞓喺窗台。我怕瞓唔著，更加怕瞓醒一見到下面芝麻都不如嘅人就會嚇死。
我試過叫女朋友個名佢地又冇反應，又諗過佢地平時邊個瞓開左邊個瞓喺右，但好快就記得佢地屋企雖然係同一間房，但瞓嘅係碌架床。我一邊吹頭一邊諗有咩方法可以分得出邊個打邊個：打電話？我地冇買電話卡，間酒店個Wi-Fi又廢廢地；睇WhatsApp？我又唔知佢電話密碼。過咗一陣，我醒起平時同女朋友「曳曳」嗰陣佢耳珠特別敏感，輕輕一咬就好大反應。不過我冇理由咬哂兩個架，咁咪好對唔住我女朋友？
但我最後都係咬咗。咁都算啦，兩個醉到雷劈都唔醒，乜反應都冇。結果我拎咗個枕頭入廁所，瞓浴缸瞓咗一晚。好彩佢地冇沖涼而我又淨係淋浴，個浴缸係乾嘅，如果唔係我就要瞓地下。
第二朝我比佢地笑咗成日。當然我都冇講佢地知咬耳仔依件事。去到嗰日夜晚，我比咗啲錢我女朋友個孖生姐妹，叫佢買啲嘢食返嚟做宵夜，最緊要慢慢行，唔洗急。佢明白我咩意思，做咗個「OK」手勢然後就去咗附近嘅食街。我同女朋友返到房當然即刻埋牙開戰，話哂成個旅程可以曳曳嘅可能就係得而家，我比平時更加肉緊，肉緊到完事後佢條頸同胸前都有好幾個咖喱雞印。
「做乜今次整咁多個架你。」佢望住雙峰中間嗰兩個印問。
「可能忍得耐掛。」我話。
唔通話你知我怕認唔出你之後又要瞓廁所咩。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
咪傻啦，你估兩條女真係諗埋一樣嘅嘢鐘意同一個人咩，你搞錯人只會落得分手兼比人告強姦嘅收場。
冇錯，我女朋友係有個孖生姐妹，係似樣到齋望個樣我都未必分得出——但我冇孖生兄弟嘛，我女朋友會認得出我。雖然佢地的確成日出街，雖然我拍拖有時都會變三人行，但邊個見到我會飛撲埋嚟，邊個見到我淨係會笑笑口打個招呼我會睇到嘅，咁都唔知邊個係你女朋友就抵死啦。
直到一次我地三個去旅行。
去邊唔重要啦，反正去邊度玩都不外符食玩飲瞓。問題係一落機我地就飛的去酒店放低行李之後直落酒吧玩，然後我地凌晨飲到邊行邊嘔咁返酒店。返到去兩姐妹落完妝換完衫就瞓咗落床，而唔沖涼唔肯瞓嘅我就襯依個冇人爭廁所嘅機會沖返個靚涼，點知一沖完涼出嚟我就發現遇到我人生最大嘅問題：今次我真係分唔到邊個係我女朋友。
我地訂咗間兩張床嘅房，原意就兩姐妹一左一右，而我緊係同我女朋友瞓啦。但而家我地未傾好邊個瞓邊面就搞成咁，佢地仲要著住同一套睡衣，個樣九成九相似、連睡相都相差無幾。我唔知如果我瞓錯床攬錯人然後第二朝比佢地發現嘅話件事會發展成點，嗰一刻我Feel到我個人又出返汗。成間酒店房除咗床叫做瞓得人嘅就係知窗台，但我地間房喺三十幾樓，佢塊玻璃鬼死咁乾淨，個城市景又鬼死咁清楚——我畏高，真係唔敢瞓喺窗台。我怕瞓唔著，更加怕瞓醒一見到下面芝麻都不如嘅人就會嚇死。
我試過叫女朋友個名佢地又冇反應，又諗過佢地平時邊個瞓開左邊個瞓喺右，但好快就記得佢地屋企雖然係同一間房，但瞓嘅係碌架床。我一邊吹頭一邊諗有咩方法可以分得出邊個打邊個：打電話？我地冇買電話卡，間酒店個Wi-Fi又廢廢地；睇WhatsApp？我又唔知佢電話密碼。過咗一陣，我醒起平時同女朋友「曳曳」嗰陣佢耳珠特別敏感，輕輕一咬就好大反應。不過我冇理由咬哂兩個架，咁咪好對唔住我女朋友？
但我最後都係咬咗。咁都算啦，兩個醉到雷劈都唔醒，乜反應都冇。結果我拎咗個枕頭入廁所，瞓浴缸瞓咗一晚。好彩佢地冇沖涼而我又淨係淋浴，個浴缸係乾嘅，如果唔係我就要瞓地下。
第二朝我比佢地笑咗成日。當然我都冇講佢地知咬耳仔依件事。去到嗰日夜晚，我比咗啲錢我女朋友個孖生姐妹，叫佢買啲嘢食返嚟做宵夜，最緊要慢慢行，唔洗急。佢明白我咩意思，做咗個「OK」手勢然後就去咗附近嘅食街。我同女朋友返到房當然即刻埋牙開戰，話哂成個旅程可以曳曳嘅可能就係得而家，我比平時更加肉緊，肉緊到完事後佢條頸同胸前都有好幾個咖喱雞印。
「做乜今次整咁多個架你。」佢望住雙峰中間嗰兩個印問。
「可能忍得耐掛。」我話。
唔通話你知我怕認唔出你之後又要瞓廁所咩。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材