香港逐漸逝去的啤酒妹。
如果唔係喺越南見到啲會忍唔住望多兩眼嘅啤酒妹，我都唔發覺香港啤酒妹水準愈嚟愈差。
細細個少不更事，當大人們都談論緊邊度邊度個啤酒妹正，買幾多打可以順便摸下手仔嗰陣我仲喺屋企睇緊閃電傳真機；到而家耐唔耐落下酒吧去下大排檔食飯嘅時候啤酒妹已經賣少見少，有都係一個場得返一個人，仲要已經唔可以用個「妹」字形容：一係個妝成寸厚、一係年紀係我兩倍、一係唔知邊一家人嘅賓賓客串（我真係見過），如果有邊位咁都可以色心起嘅，我諗佢都幾渴下。
靚嘅啤酒妹，我好耐冇喺香港見過。
可能係辛苦，又可能係人工低啦，愈嚟愈少靚女後生女做啤酒妹。你以為係因為大家平均學歷高咗搵工易咗？唔好玩啦，去酒吧街行返轉，你唔難發現好多性感女郎坐喺酒吧門口拉客，入到去幫你落單嗰個MK妹都唔係差。諗落又係嘅，若果要我揀舒舒服服坐喺有冷氣嘅吧遞下酒，有時同熟客仔飲兩杯；定係喺冇冷氣嘅大排檔對住班赤祼上身嘅麻甩佬，邊忍受佢地淫邪目光邊冒住比人抽水嘅風險賣酒，我都會揀前者，反正人工應該差唔多。
啤酒妹嚟緊可能會成為夕陽行業，因為大排檔愈嚟愈少，而好多酒吧都唔再需要啤酒妹幫手Sell酒，留返比鋪頭入面班後生MK做就可以。仲有而家大部份人心目中都有飲開嗰隻啤酒，根本唔洗啤酒妹嚟介紹。時代嘅轉變總會淘汰一啲以前應為理所當然存在嘅職業，就好似曾經成行成市嘅傳呼機Call台我諗千禧年出世嘅人已經唔知係乜嚟，飛機欖都冇可能拋得上廿幾樓。或者有朝一日當班姨姨級都唔做，又或者係大排檔冬菇亭都唔再存在嘅時候，啤酒妹就會成為咗香港嘅一個歷史名詞。「幫襯半打吖靚仔」亦會成為回憶。
襯啤酒妹未成絕響，今晚出去飲過先。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
細細個少不更事，當大人們都談論緊邊度邊度個啤酒妹正，買幾多打可以順便摸下手仔嗰陣我仲喺屋企睇緊閃電傳真機；到而家耐唔耐落下酒吧去下大排檔食飯嘅時候啤酒妹已經賣少見少，有都係一個場得返一個人，仲要已經唔可以用個「妹」字形容：一係個妝成寸厚、一係年紀係我兩倍、一係唔知邊一家人嘅賓賓客串（我真係見過），如果有邊位咁都可以色心起嘅，我諗佢都幾渴下。
靚嘅啤酒妹，我好耐冇喺香港見過。
可能係辛苦，又可能係人工低啦，愈嚟愈少靚女後生女做啤酒妹。你以為係因為大家平均學歷高咗搵工易咗？唔好玩啦，去酒吧街行返轉，你唔難發現好多性感女郎坐喺酒吧門口拉客，入到去幫你落單嗰個MK妹都唔係差。諗落又係嘅，若果要我揀舒舒服服坐喺有冷氣嘅吧遞下酒，有時同熟客仔飲兩杯；定係喺冇冷氣嘅大排檔對住班赤祼上身嘅麻甩佬，邊忍受佢地淫邪目光邊冒住比人抽水嘅風險賣酒，我都會揀前者，反正人工應該差唔多。
啤酒妹嚟緊可能會成為夕陽行業，因為大排檔愈嚟愈少，而好多酒吧都唔再需要啤酒妹幫手Sell酒，留返比鋪頭入面班後生MK做就可以。仲有而家大部份人心目中都有飲開嗰隻啤酒，根本唔洗啤酒妹嚟介紹。時代嘅轉變總會淘汰一啲以前應為理所當然存在嘅職業，就好似曾經成行成市嘅傳呼機Call台我諗千禧年出世嘅人已經唔知係乜嚟，飛機欖都冇可能拋得上廿幾樓。或者有朝一日當班姨姨級都唔做，又或者係大排檔冬菇亭都唔再存在嘅時候，啤酒妹就會成為咗香港嘅一個歷史名詞。「幫襯半打吖靚仔」亦會成為回憶。
襯啤酒妹未成絕響，今晚出去飲過先。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材