如果女朋友會等你放工
有人話每日返工最期待嘅就係放工嗰刻，因為唔洗再理做唔完嘅工作同麻煩嘅上司。啱架，不過對我嚟講期待嘅嘢仲有一樣，就係行出公司棟大廈之後會唔會見到佢嘅身影。
讀書嗰陣如果有時間我都會去接有返兼職嘅前度放工，見住我拎住個豬柳蛋企喺門口等佢，嗰個開心驚訝嘅表情真係乜都抵返哂；不過而家份工收得比女朋友遲，基本上我都冇咩可能接到佢收工。有一次收工搭緊𨋢落大堂，我電話度同佢講而家去緊地鐵站，一陣喺約好間餐廳等。當我一推開大堂度門，佢突然間就係一個暗角位彈出嚟，仲買埋烏龍茶比我飲，嗰下我終於明白到前度見我等緊佢係有幾咁開心。自此之後佢耐唔耐就會嚟等我收工然後一齊食飯，或者附近行下再送佢返去。公司同事見到都話我條命好，收咁夜女朋友都肯接放工，恨死佢地。
有一次老闆要我OT，我WhatsApp佢話唔知幾時走到，如果佢嚟咗就返去先唔洗等我。做到差唔多十一點先走得，而我一落到大堂就見佢喺大堂啲梳化瞓著咗。「你女朋友等咗你好耐啦」，連個保安都認得佢，睇嚟不知不覺間佢接我放工已經有一段長時間。行埋去見佢瞓得咁冧，我就喺唔整醒佢嘅情況下孭起佢，拎起佢個手袋然後行出大堂。行到半路佢瞓醒咗，第一句就係問我「你收工嗱？」
係啊，個問題好蠢，但好窩心。
「係啊，你肚餓未？」平時等親我放工佢都未食嘢，今晚餓到十一點真係辛苦佢。好彩附近都有啲車仔檔，依度買個碗仔翅加兩串魚蛋，嗰度買兩碗油渣麵咁，就成為咗我地嘅一餐。其實食咩都好，有佢相伴，餐餐白飯我到心滿意足。
其實兩個人一齊唔係咩都要食好用好先係開心，只要你願意擺對方係個心度，為佢付出多少少心思，一個咁平凡嘅夜晚都可以成為兩個人美好嘅記憶。碗碗仔翅你一啖我一啖咁，就算秋風已起，但我同佢感受到嘅，只有暖意。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
讀書嗰陣如果有時間我都會去接有返兼職嘅前度放工，見住我拎住個豬柳蛋企喺門口等佢，嗰個開心驚訝嘅表情真係乜都抵返哂；不過而家份工收得比女朋友遲，基本上我都冇咩可能接到佢收工。有一次收工搭緊𨋢落大堂，我電話度同佢講而家去緊地鐵站，一陣喺約好間餐廳等。當我一推開大堂度門，佢突然間就係一個暗角位彈出嚟，仲買埋烏龍茶比我飲，嗰下我終於明白到前度見我等緊佢係有幾咁開心。自此之後佢耐唔耐就會嚟等我收工然後一齊食飯，或者附近行下再送佢返去。公司同事見到都話我條命好，收咁夜女朋友都肯接放工，恨死佢地。
有一次老闆要我OT，我WhatsApp佢話唔知幾時走到，如果佢嚟咗就返去先唔洗等我。做到差唔多十一點先走得，而我一落到大堂就見佢喺大堂啲梳化瞓著咗。「你女朋友等咗你好耐啦」，連個保安都認得佢，睇嚟不知不覺間佢接我放工已經有一段長時間。行埋去見佢瞓得咁冧，我就喺唔整醒佢嘅情況下孭起佢，拎起佢個手袋然後行出大堂。行到半路佢瞓醒咗，第一句就係問我「你收工嗱？」
係啊，個問題好蠢，但好窩心。
「係啊，你肚餓未？」平時等親我放工佢都未食嘢，今晚餓到十一點真係辛苦佢。好彩附近都有啲車仔檔，依度買個碗仔翅加兩串魚蛋，嗰度買兩碗油渣麵咁，就成為咗我地嘅一餐。其實食咩都好，有佢相伴，餐餐白飯我到心滿意足。
其實兩個人一齊唔係咩都要食好用好先係開心，只要你願意擺對方係個心度，為佢付出多少少心思，一個咁平凡嘅夜晚都可以成為兩個人美好嘅記憶。碗碗仔翅你一啖我一啖咁，就算秋風已起，但我同佢感受到嘅，只有暖意。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材