《激嬲女朋友，然後靠算命嘅氹返》
身為一個甚麼鬼都不怕嘅人，算命對我嚟講同信教一樣，都係比人尋求一個心靈慰藉嘅方法。出旺角又好，落廟街又好，望住一檔檔算命嘅坐無虛席，你就知香港地只要你死淨把口係唔會搵唔到食。曾幾何時，我以為我依一世都唔會同算命嘅有任何關連，我唔洗佢安慰，佢又賺唔到我啲錢，大家河水不犯井水。
直到今晚，我發現原來算命嘅師傅真係可以救我一命。
女朋友鐘意突然問啲好典型嘅問題我已經見怪不怪，例如「我同你啊媽跌落水會救邊個」同「我今日有咩唔同」咁，對我嚟講都好輕易化解；但當佢今晚問我「你點肯定我地可以一齊過下半世」嗰陣，明明今晚涼咗好多我都感覺到自己成頭汗。因為我講「我愛你」同「我非你不娶」依啲理由佢都唔多受，我諗多兩諗佢仲嬲埋我；「命中注定」由我自己講出口好似好冇說服力，除非有條友幫我講而條友又唔係我朋友⋯⋯
冇錯，我即時諗起坐喺檔口等人比錢佢洗嘅算命大師。
我同女朋友講依個時候就要交比個天去答佢，話佢知我係咪真命天子。我同佢由旺角飛的落廟街，因為佢覺得廟街嗰班算命睇落好似專業啲，然後我就隨手搵咗檔冇人睇緊嘅入去。我話佢聽依檔好準，個大師好出名，實可以解答到你問題。
「大師，可唔可以幫我測下我係咪佢真命天子？」我一坐低就拖住女朋友隻手，然後用好堅定嘅眼神望住個阿伯。眼見有客上門，佢即刻收起本龍虎門，然後望一望我，再望一望我女朋友。
「想問愛情係咪？」
「係啊大師，五百夠嘛？」我用另一隻手喺銀包抽咗張五百蚊紙出嚟，然後一邊遞比佢一邊同佢講「麻煩大師睇真啲。」
「得啦，我一甩就知張五百蚊係真。」佢托一托眼鏡，然後叫我同女朋友伸隻手出嚟，好認真咁睇我地掌紋。「依位先生感情線冇雜紋，條線又夠長，一睇就知夠哂專一。同依位小姐拍咗好耐拖呢？」
「係啊，都三年啦。」我女朋友搶住答。
「恭喜恭喜，而家香港地搵個咁嘅好仔，難喇。」三兩句就讚到我上天，女朋友又笑到見牙唔見眼，依位大師果然利害。
「而小姐你呢⋯⋯桃花運整體唔太好，之前拍親拖都分手收場係咪？」當大師講依句嘅時候我差啲忍唔住笑出嚟，依句同問你啊媽係咪女人有咩分別？不過場戲係我搵佢幫我做，我緊係冇理由拆自己台啦。
「係啊大師，而家同男朋友係最耐一次啦。」 「唔⋯⋯依段關係喺你一生當中係最好之一，你地日後都可以平平穩穩，小康之家，兩個小朋友咁。但如果錯過依段感情，下一個就要等到你四十歲先會遇到啦。」大師一面認真咁同我女朋友講，而我心底不得不佩服佢一眼就睇穿我來意，唔單只係咁讚我，仲恐嚇埋我女朋友話同我分手就會變老姑婆。果然一聽到依度，我女朋友就拖到我實一實，好似真係怕我會走咁。
依五百，抵比。
「好啦，掌相就完架啦，小姐你洗唔洗睇埋三世書同紫微斗數？可以睇清楚你同男朋友未來關係同有冇大劫喎。」
「真係？咁麻煩哂大師啦。」
「咁依度麻煩先生你比多三千，我幫你地做多個小批啦。」
望住阿大師食硬我嘅笑容，再望望女朋友咁緊張我同佢嘅前程，我就知依三千，比硬。到最後，女朋友當然係開心到飛起，走嗰陣拖到我實一實，十足十我已經同咗佢求婚咁；而大師就喺我手上前後收咗四千蚊，時薪仲高過一日扎鐵。
激嬲女朋友，然後靠算命嘅氹返，換嚟嘅除咗係我同女朋友穩定嘅關係，仲有我之後半個月挨麵包嘅日子。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材
直到今晚，我發現原來算命嘅師傅真係可以救我一命。
女朋友鐘意突然問啲好典型嘅問題我已經見怪不怪，例如「我同你啊媽跌落水會救邊個」同「我今日有咩唔同」咁，對我嚟講都好輕易化解；但當佢今晚問我「你點肯定我地可以一齊過下半世」嗰陣，明明今晚涼咗好多我都感覺到自己成頭汗。因為我講「我愛你」同「我非你不娶」依啲理由佢都唔多受，我諗多兩諗佢仲嬲埋我；「命中注定」由我自己講出口好似好冇說服力，除非有條友幫我講而條友又唔係我朋友⋯⋯
冇錯，我即時諗起坐喺檔口等人比錢佢洗嘅算命大師。
我同女朋友講依個時候就要交比個天去答佢，話佢知我係咪真命天子。我同佢由旺角飛的落廟街，因為佢覺得廟街嗰班算命睇落好似專業啲，然後我就隨手搵咗檔冇人睇緊嘅入去。我話佢聽依檔好準，個大師好出名，實可以解答到你問題。
「大師，可唔可以幫我測下我係咪佢真命天子？」我一坐低就拖住女朋友隻手，然後用好堅定嘅眼神望住個阿伯。眼見有客上門，佢即刻收起本龍虎門，然後望一望我，再望一望我女朋友。
「想問愛情係咪？」
「係啊大師，五百夠嘛？」我用另一隻手喺銀包抽咗張五百蚊紙出嚟，然後一邊遞比佢一邊同佢講「麻煩大師睇真啲。」
「得啦，我一甩就知張五百蚊係真。」佢托一托眼鏡，然後叫我同女朋友伸隻手出嚟，好認真咁睇我地掌紋。「依位先生感情線冇雜紋，條線又夠長，一睇就知夠哂專一。同依位小姐拍咗好耐拖呢？」
「係啊，都三年啦。」我女朋友搶住答。
「恭喜恭喜，而家香港地搵個咁嘅好仔，難喇。」三兩句就讚到我上天，女朋友又笑到見牙唔見眼，依位大師果然利害。
「而小姐你呢⋯⋯桃花運整體唔太好，之前拍親拖都分手收場係咪？」當大師講依句嘅時候我差啲忍唔住笑出嚟，依句同問你啊媽係咪女人有咩分別？不過場戲係我搵佢幫我做，我緊係冇理由拆自己台啦。
「係啊大師，而家同男朋友係最耐一次啦。」 「唔⋯⋯依段關係喺你一生當中係最好之一，你地日後都可以平平穩穩，小康之家，兩個小朋友咁。但如果錯過依段感情，下一個就要等到你四十歲先會遇到啦。」大師一面認真咁同我女朋友講，而我心底不得不佩服佢一眼就睇穿我來意，唔單只係咁讚我，仲恐嚇埋我女朋友話同我分手就會變老姑婆。果然一聽到依度，我女朋友就拖到我實一實，好似真係怕我會走咁。
依五百，抵比。
「好啦，掌相就完架啦，小姐你洗唔洗睇埋三世書同紫微斗數？可以睇清楚你同男朋友未來關係同有冇大劫喎。」
「真係？咁麻煩哂大師啦。」
「咁依度麻煩先生你比多三千，我幫你地做多個小批啦。」
望住阿大師食硬我嘅笑容，再望望女朋友咁緊張我同佢嘅前程，我就知依三千，比硬。到最後，女朋友當然係開心到飛起，走嗰陣拖到我實一實，十足十我已經同咗佢求婚咁；而大師就喺我手上前後收咗四千蚊，時薪仲高過一日扎鐵。
激嬲女朋友，然後靠算命嘅氹返，換嚟嘅除咗係我同女朋友穩定嘅關係，仲有我之後半個月挨麵包嘅日子。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
圖片來源：網絡取材