《又係時候性誕夜》
好快又到聖誕節，一個繼情人節後最浪漫嘅節日（雖然我唔個點解聖誕所同浪漫會扯上關係）。早排同朋友出嚟打牌傾計，有個分咗手一年嘅人話一諗起聖誕要自己過，真係有啲寂寞有啲凍。
唔止佢，好多人都有咁嘅感覺。
天氣開始凍，仲要望住聖誕節條街咁多出雙入對嘅情侶拖到實一實甚至打哂茄輪，望返自己隻凍到有啲紅嘅右手，你決定搵埋幾個同自己同病相憐嘅朋友去一個可以令自己暖返小小嘅地方：夜場。又飲酒又勁歌熱舞，仲可以睇下自己有冇機會識到個，你話夜場對單身嘅男男女女嚟講幾咁重要。
如果你係男嘅我冇咩好忠告你，除咗記得用套。喺而家嘅香港，男人唯一仲有嘅優勢我諗就係冇女仔咁易「蝕底」比人，又或者係個個男人落夜場都係想有機會「蝕底」一下。有個同事講過如果將來佢有個仔，一定會叫佢努力食女，老豆貼埋錢比佢做洗費。或者佢只係講笑，但喺性方面男仔真係唔洗怕經驗豐富，你搞得多都唔會比人用好難聽嘅說話話你。
如果你係女仔，我會叫你諗清楚自己想要嘅到底係一個男朋友吖，定係純粹想聖誕平安夜嗰兩晚有人比到溫暖你。後者嘅，即管落夜場喺一眾餓鬼之中揀個啱心水嘅「速食暖蛋」；單如果你係幻想你會喺聖誕搵到真愛的話，麻煩你遠離所有酒吧街。節日氣氛、凍、渴望，幾個因素加埋足以令你做錯決定，比人氹多兩氹或者你就會做咗件恨錯難返嘅事。
冇錯，一個人過聖誕好似好慘，但咁唔代表你就要去做一個錯嘅決定，然後等一夜激情過後先嚟後悔。性可以多姿多采，但如果你追求嘅唔係單單肉體嘅溫度而係愛情嘅溫暖，不如比啲時間自己再搵下。或者聖誕嗰晚就會有一個你身邊嘅朋友話你聽，其實佢鐘意你好耐。
性誕夜無可避免會來臨，但你可以選擇唔成為其中嘅一份子。做女仔，最緊要識保護自己，唔係日後先嚟打Metoo都已經太遲啦。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
圖片來源：網絡取材
唔止佢，好多人都有咁嘅感覺。
天氣開始凍，仲要望住聖誕節條街咁多出雙入對嘅情侶拖到實一實甚至打哂茄輪，望返自己隻凍到有啲紅嘅右手，你決定搵埋幾個同自己同病相憐嘅朋友去一個可以令自己暖返小小嘅地方：夜場。又飲酒又勁歌熱舞，仲可以睇下自己有冇機會識到個，你話夜場對單身嘅男男女女嚟講幾咁重要。
如果你係男嘅我冇咩好忠告你，除咗記得用套。喺而家嘅香港，男人唯一仲有嘅優勢我諗就係冇女仔咁易「蝕底」比人，又或者係個個男人落夜場都係想有機會「蝕底」一下。有個同事講過如果將來佢有個仔，一定會叫佢努力食女，老豆貼埋錢比佢做洗費。或者佢只係講笑，但喺性方面男仔真係唔洗怕經驗豐富，你搞得多都唔會比人用好難聽嘅說話話你。
如果你係女仔，我會叫你諗清楚自己想要嘅到底係一個男朋友吖，定係純粹想聖誕平安夜嗰兩晚有人比到溫暖你。後者嘅，即管落夜場喺一眾餓鬼之中揀個啱心水嘅「速食暖蛋」；單如果你係幻想你會喺聖誕搵到真愛的話，麻煩你遠離所有酒吧街。節日氣氛、凍、渴望，幾個因素加埋足以令你做錯決定，比人氹多兩氹或者你就會做咗件恨錯難返嘅事。
冇錯，一個人過聖誕好似好慘，但咁唔代表你就要去做一個錯嘅決定，然後等一夜激情過後先嚟後悔。性可以多姿多采，但如果你追求嘅唔係單單肉體嘅溫度而係愛情嘅溫暖，不如比啲時間自己再搵下。或者聖誕嗰晚就會有一個你身邊嘅朋友話你聽，其實佢鐘意你好耐。
性誕夜無可避免會來臨，但你可以選擇唔成為其中嘅一份子。做女仔，最緊要識保護自己，唔係日後先嚟打Metoo都已經太遲啦。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MOYINDAY
TUMBLR：http://moyinday.tumblr.com/
Fanpiece：http://women.fanpiece.com/moyinday/
Medium：https://medium.com/@moyinday
圖片來源：網絡取材